Desert Monkeys

21/05/2025

لينا أكثر من سنة مختفيين من غير ما نوروكم أي مشروع, لكن كان لسبب كويس، احني حاليًا سعداء
بمشاركته معاكم وأخيرًا!

المشروع هذا ما نعتبروش فيه مجرد عمل عادي، لأنه كان تجربة متكاملة فنيًا وعمليًا بالتعاون مع الرائعين في Samaka Studio
وكانت طبعا فرصة ان نخدمو لمنصة كبيرة في اليوتيوب زي TED-Ed

الفيديو كامل هنا 👇
https://www.youtube.com/watch?v=q5WEuoxYIac

20/05/2025

🐒🐟👀

24/06/2024

وبتجي معاه هدرزة خفيفة على موضوع ما نتكلموش عليه ديما
نشوفوكم غاديكا

عرض الحلقة الأولى من مسلسل “نافطة” 📺 Desert Monkeys

جلسات اليوم الثاني حتتضمن تغيير جو مع عرض الحلقة الأولى من مسلسل “نافطة”، بحضور فريق الإنتاج من استوديو ديزرت مونكيز.

الإنتاج ليبي، والمسلسل يسلط الضوء على الحياة اليومية بطريقة كوميدية، مع شخصيات ضحك وتاكسيستي مسكين.

📅 التاريخ: 30/6/2024
🕒 الوقت: 5:00 مساءً
🔗 رابط التسجيل: https://bit.ly/4cdb1aa

🚨 مقاعد محدودة! سجل الآن لضمان مكانك!

26/03/2024

دعايتنا ل المدار الجديد . 🐒 🚀

Our advert for almadar.ly

#اعلان #اعلانات

01/10/2023

شكرا لكم لحسن استقبالكم لحلقة مسلسلنا (نافطة). دعمكم و أرائكم تهمنا هلبا.

خلال الاسبوع نبو نشاركو ببعض المقتطفات من مراحل الإنتاج اللي مرت بيها الحلقة بش نسلطو الضوء على كمية الجهد و الانتباه للتفاصيل الصغيرة اللي حطيناه في كل مرحلة، و حتى المتعة و الجو اللي درناه خلال الخدمة. و طبعا نبو نشكرو كل الناس اللي حطو قلوبهم في هذه الحلقة.

نبدو بالرسم التخطيطي للحلقة. الرسم التخطيطي ليه هلبا وظائف، و هو من المراحل المهمة اللي تبدأ قبل الإنتاج.
لو ما شفتوش الحلقة، تلقوها في الرابط هذا:
https://fb.watch/npBrV0MlEq/?mibextid=Nif5oz

هذه أول مرة نخدمو فيديو بالطول هذا. كان من المهم أن كل شخصية نعرفو كيف تتحرك في المشهد و كيف تكون ملامحهم و ردة فعلهم و طريقة كلامهم و في الصورة الكبيرة كيف تتقسم المشاهد و كل شي وين ينحط و هلبا هلبا تفاصيل خدت جهد و تفكير هلبا.

لكن زي ما تشوفو، الرسم من اقوى ما صنعنا و حنى مفتخرين جدا بالفريق و نشكر فريق الرسم التخطيطي اللي هما باكر فارس، رائد خليفة، هيثم أبورقيبة, ايوب الغواوي, و محمود الفتحلي لشغلهم المش عادي في التخطيطي.

خلال الاسبوع حنزيدو نحطو مقتطفات وراء الكواليس. خلوكم معانا و زي ديما، شكرا لدعمكم.

28/09/2023

ولد مكسور في فلوس مرواح يجيه سواق تاكسي "حيوان" و يصير النصب.

حنى متشوقين بش نوروكم الجهد اللي حطيناه في الحلقة هادي من مسلسل "نافطة" اللي يعرض ظواهر و مواقف العيشة الليبية.
الحلقة هادي تعتبر "بايلوت" بمعنى أنها حلقة تمهيدية و تجريبية تعكس فكرة المسلسل و منها نعرفو أراء المشاهدين. اللي عجبنا في هادي الحلقة أنها منتجة بالكامل من فريقنا. فكرة البرنامج ناقشها الفريق و كان في اهتمام كبير بأن نديرو انميشن ليبي مواضيعه ليبية و رسامينه و كاتبه و الممثلين فيه ليبيين.
هلبا وقت و مجهود انحط في الرسم اللي يعتبر مستوى أول مرة نشوفو منه في ليبيا و يمشي على خطى برامج الرسومات اللي نعرفوها كلنا.
و حتى الصوت و التمثيل الصوتي ركزنا أن يكون فيه واقعية و انفعال و حياة في الشخصيات. هذا نتيجة شغل EQ Arabia المش عادي و تمثيل الصوت من عماد بوعجيلة اللي خلانا ننفجرو بالضحك وقت التسجيل.
نتمنو أن نحصلو فرصة بش ننتجو حلقات زيادة و أن الحلقة تعجبكم.

25/09/2023

Tune in on Thursday at 10pm Tripoli time. That's GMT+2.

Our short movie titled NAFTA is a pilot episode for a sketch comedy show based in a strange but oddly familiar vibe of Libyan life. This is our first in-house work. NAFTA was awarded special mention in the Arabic Films division of animatex.

We hope you enjoy watching!

تابعوا يوم الخميس الساعة 10 مساء بتوقيت طرابلس.
فيلمنا القصير عنوانه نافطة، و هو يعتبر الحلقة الأولى من مسلسل كوميدي يلمح للجو الغريب و المألوف في المحيط الليبي. هذا اول شغل خدمناه بجونا و بروحنا. نافطة تحصلت على الترتيب الثاني في مسابقة الافلام العربية في مهرجان أنماتكس.

نتمنو أن يعجبكم الشغل و شكرا لمساندتكم.

14/09/2023

In light of the heartbreaking disaster that has taken the lives of our dear brothers and sisters in Derna, we are postponing the premiere of NAFTA. We will post a new date once we feel the time is right. Please follow our page to get updates.

في ظل الكارثة المحزنة التي أصابت إخواننا و أخواتنا في درنة الحبيبة، نعلمكم بتأجيل عرض نافطة. سنعلن عن وقت العرض الجديد عندما نراه مناسبًا. تابعونا على صفحتنا لأي تطورات.

The time is almost here for the public premiere of our first in-house series NAFTA.
Tune in this Thursday to our page at 10pm (GMT+2).

A bit of history about it... The idea came from our desire to create a fully Libyan cartoon show that explores the lighter side of life here. We don't want to give away too much, but there are some nice twists, some good jokes and an unfortunate taxi driver.

الوقت قريب على أول عرض رسمي لمسلسلنا المنتج من استوديو ديزرت مونكيز. خشو على الصفحة يوم الخميس الجاي الساعة 10 مساء بتوقيت طرابلس، ليبيا.

نبذة بسيطة على المسلسل: الفكرة جت من رغبتنا لإنتاج مسلسل رسوم ليبي يسلط على الحياة اليومية بطريقة كوميدية. ما نبوش نحرقولكم اللي يصير، لكن فيه مشاهد مليحة، و شخصيات ضحك، و تاكسيستي مسكين متلقي.

متشوقين لمشاهدتكم و شكرا على دعمكم لينا.

14/09/2023

في ظل الكارثة التي اصابت إخواننا و أخواتنا في مدينة درنة الحبيبة، نحن نخلص أحر التعازي لكل الأهالي المتضررين من هذه المصيبة. على الرغم من بُعْدنا، درنة تسكن في قلوبنا باعتبارها منبع الجمال و منبر العلم و الثقافة و الفن و جذر التاريخ و منارة القيم التي انغرست في كل فنان ليبي عزم طريق الابداع. نحن نترحم على كل حبيب و ندعوا الله بأن ينزل الصبر و الثبات على كل ابن و ابنة و أم و أب، و نأمل بالوصول لغدٍ نرى فيه رجوع درنة حية و قوية و براقة كما كانت طوال القرون.

11/09/2023

The time is almost here for the public premiere of our first in-house series NAFTA.
Tune in this Thursday to our page at 10pm (GMT+2).

A bit of history about it... The idea came from our desire to create a fully Libyan cartoon show that explores the lighter side of life here. We don't want to give away too much, but there are some nice twists, some good jokes and an unfortunate taxi driver.

الوقت قريب على أول عرض رسمي لمسلسلنا المنتج من استوديو ديزرت مونكيز. خشو على الصفحة يوم الخميس الجاي الساعة 10 مساء بتوقيت طرابلس، ليبيا.

نبذة بسيطة على المسلسل: الفكرة جت من رغبتنا لإنتاج مسلسل رسوم ليبي يسلط على الحياة اليومية بطريقة كوميدية. ما نبوش نحرقولكم اللي يصير، لكن فيه مشاهد مليحة، و شخصيات ضحك، و تاكسيستي مسكين متلقي.

متشوقين لمشاهدتكم و شكرا على دعمكم لينا.