12/04/2024
නවවන දිගහැරුම ✍️
_____________________________________________
ගොඩනැගිල්ලේ මුදුනේ වහල කෙලවරට වන්නට සොයුරියව අල්ලාගෙන මිනිසකු සිටගෙන සිටියේය. එතරම් උසකින් සිටියද මනුජ්ට ඇගේ බියපත් නෙත් දැකගත හැකි විය.
තමා වටා එක්රැස් වන මැර පිරිස දෙස බැලු මනුජ් වේගයෙන් දිව ගොස් මිනිසකුගේ උරහිසකට පය තබා බස් රථයක් මතට නැග ගත්තේය. බස්රථ මතින් වේගයෙන් දිව ගිය මනුජ් ගොඩනැගිල්ලේ දෙවනා මහලට ගොඩ විය. අනතුරුව පඩි පෙලට පිවිසි මනුජ්ට වහලය මතට නැග ගැනීමට ගත වූයේ සුලු කාලයක් පමණි.
වහලය මත සිටි මිනිසා මනුජ්ව සොයමින් සිටියේ ඔහු තමා පසුපස සිටගෙන සිටින බව නොදැනය. වේගයෙන් සොයුරියව තමා දෙසට ඇද ගන්නා අතර මනුජ්ගේ පාදයක ගැටුණු මිනිසා වහලය මතින් ඇද වැටෙන්නට විය. වහා ඉදිරියට පිනූ මනුජ්ට මිනිසාගේ අතක් හසුවිය.
මරණ බයෙන් මුසපත්ව සිටි මිනිසා තදින් මනුජ්ගේ අත ග්රහණය කර ගත්තේය. අපහසුවෙන් ඔහුව ඉහලට ඔසවා ගනිත්ම වැදුණු පහරක් නිසා මනුජ් වහලයෙන් විසි විය.
මනුජ් . . . . භීතියට පත් සනාරාගේ මුවින් පිට වූ කෑ ගෑම නිසා බස් නැවතුම්පොලේ සිටි මගීන්ගේ නෙත් පවා එදෙසට යොමු විය. මනුජ් ඇද වැටෙන විට අහම්බයෙන් බිල්ඩිමෙන් පිටතට නෙරා තිබූ කොන්ක්රීට් කණුවක් හසු විය. එය දුටු සනාරා සැනසුම් සුසුම් හෙලුවේ කදුලු අතරිනි. එහෙත් ඇය දෙසට එන මිනිසකු දුටු ඇයට කිරීමට දෙයක් සිතා ගත නොහැකි විය. වටපිට නෙත් යොමු කල ඇයට දක්නට ලැබුණේ බිදී ගිය ෂීට් කැබැල්ලකි. වහා එය අසුලා ගත් ඇය හැකි සියලු වෙර යොදා මිනිසාගේ හිසට පහරක් එල්ල කලේ ගැහෙන හදිනි. මිනිසා හිසින් ගලා යන රුධිරයත් සමග වහලය මත පතිත විය.
වේගයෙන් දිව ගිය සනාරා පස් වන මහලට පිවිසියාය. මනුජ් අපහසුවෙන් අතට වෙර යොදා කොන්ක්රීට් කණුව මතට නැග ගත්තේය. ඔහු එම මහලට පිවිසෙන විට සනාරා ඔහු දෙස බලා සිටියේ කදුලු පිසලමින් සිනාසෙන අතරතුරය.
වහා ඇගේ අතින් අල්වා ගත් මනුජ් වේගයෙන් පඩි බසින්නට වූයේ කලබලකාරී පලමු මහලටය. ඒ වන විට සවස පහ පසු වී තිබූ නිසා රැකියා නිමකර නිවෙස් වලට යන මිනිසුන්ගෙන් බස් නැවතුම්පොළ පිරී තිබුණි.
ඔවුන්ට යාමට හැකි වූයේ අඩි දහයකටත් වඩා අඩුවෙනි. මෙතෙක් ඔහුව සොයා බස්නැවතුම්පොල පීරූ මිනිසුන් ඔවුන් ඉදිරියේ සිටගෙන සිටියේ රුදුරු බැල්මන් හෙලමිනි.
හහ් . . . අක්කව බේරගත්ත වගේ මෙතනින් බේරෙන්න නම් හිතන්නවත් බැහැ . . . මිනිසකු කීවේ තියුණු හඩිනි. මේ වන විට නැවතුම්පොලේ සිටි මිනිසුන්ගේ නෙත් යොමු වී තිබුණේ ඔවුහු වෙතටය.
අක්කා . . . අයියට ෆෝන් කරන්න . . . කබායේ අත් නවන අතර මනුජ් මිමිණුවේය.
වැඩා වගේ අත් දෙක නවල දුවන්නද හදන්නෙ . . . ඔහු වටා ඇවිද යන අතරම මිනිසකු විමසුවේය.
අපොයි නැහැ . . . ඒ දිව්වෙ මම තනියම හිටිය නිසානේ . . . අදත් මම ඔයාලව මග හරිනව ඒත් . . .අක්කවත් ගාවගෙන තමුසෙල ලොකු වැරැද්දක් කලා . . . කී මනුජ් වේගයෙන් ඉදිරියට පිනුවේය. බිත්තියට ඇල කර තිබූ කොස්ස අතට ගත් මනුජ් කෙදි සහිත පැත්ත කඩා ඉවත් කලේය.
කොසු මිටෙන් මනුජ් මැරයින්ට පහර පට පහර එල්ල කලේය. අවසානයේ මැරයින් සියලු දෙනා නැගිට ගැනීමට නොහැකිව බිම වැතිර සිටියදී මනුජ් සොයුරියගේ අතින් අල්ලාගෙන බස් නැවතුම්පොලෙන් පිටතට දිව ගියේය.
අයියට කෝල් කරල කියන්න අපි ගෙදර යනව කියල . . . මෝටර් රිය පණ ගන්වමින් මනුජ් කීවේය.
__________________________________________
හිමේෂ්ගේ ජීප් රිය නතර වූයේ සේනානායක මහතාගේ නිවස ඉදිරියේය. ඒ පසුපසම පැමිණි තවත් ජීප් රථ දෙකක් ඔහුගේ රිය අසලම නතර කලේය. නිලධාරීන් හා සාලයට ඇතුලු වූ ඔහු සාලය මධ්යයේ නතර විය.
මිස්ට සේනානායක ඉන්නවද . . . සේනානායක මහත්මියගෙන් ඔහු විමසුවේ ගැඹුරු හඩිනි. ඇය පිලිතුරු දීම වෙනුවට පඩිපෙල දෙස බැලුවාය. හිමේෂ්ගේ නෙත් එදෙසට යොමු විය.
එස් පී මහත්තය මොකද ඉතින් මේ පැත්තෙ . . . සේනානායක මහතා පඩිපෙල බසිමින් විමසුවේ සන්සුන්වය. එහෙත් ඔහුගේ නෙත් කෝපයෙන් දිලිසෙන අයුරු හිමේෂ් පැහැදිලිවම දුටුවේය.
මේ ගේ පරීක්ෂා කරන්නයි ආවෙ . . . බාධා නොකර ඉන්නව නම් තමයි හොද . . . හිමේෂ් ගැඹුරු හඩින් කීවේය.
පටන් ගන්න . . . කිසිම තැනක් මගහරින්නෙපා . . . අනතුරුව ඔහු නිලධාරීන්ට අණ කලේය.
පරීක්ෂා කරල බලන්න මගේ ලග හොර බොරු නැහැනේ . . . ඔයාල බලාපොරොත්තුවෙන විදියෙ දේවල් මෙහෙ නැහැ . . . සේනානායක මහතා කීවේ සෙටියට බර වෙමිනි.
කමක් නැහැ අපි පරීක්ෂා කරල බලන්නම් . . . ඒක මගෙ හිතට සතුටක් . . . ඉතින් සේනානායක මහත්තය හිතනවද ඉහලින් බලපෑම් කරල පීරිස්ව නිදහස් කරගන්න පුලුවන් කියල . . . මම දෙයක් කියන්නම්ද . . . හීනෙකින්වත් හිතන්න එපා දේශපාලන බලපෑම් කරන්න . . . දන්නව ඇතිනෙ මම බාර ගන්න හැම වැඩක්ම තිතට ඉවර කරනව කියල . . . පරිස්සමින් ඉන්න . . . හිමේෂ් තිර හඩින් කීවේය.
කෝපයෙන් දැවෙන නෙතින් සේනානායක මහතා හිමේෂ් දෙස බලා සිටියේ කිරීමට දෙයක් නොමැති හෙයිනි.
මනුජ්ව ඉවරයක් කරල මම තමුන් ගැනත් බලාගන්නම්කො එස් පී මහත්තයො . . . ඔහු තමාටම මුමුණාගත්තේ නිලධාරීන් හා හිමේෂ් පිටව ගිය පසුවය.
_________________________________________
මනුජ් . . . තුවාල දැන් හොදයි නේද . . . රාත්රී ආහාරය අතර හිමේෂ් විමසුවේය.
හ්ම් . . . මනුජ් හිස සැලුවා පමණකි.
අක්කා . . . ඇත්තම කියනවද මම දෙයක් අහන්න . . . අත සෝදා පිසගනිමින් මනුජ් විමසුවේය.
අහන්න මල්ලි. . . හිමේෂ් දෙස බලමින් සනාරා කීවාය.
මගේ ඇත්තම පවුාල් අය කෝ . . . මනුජ් විමසුවේ හිමේෂ් හා සනාරා පුටුවලින් නැගී සිටුවමිනි.
මොකක්ද මල්ලි ඔයා මේ අහන්නෙ . . . ඔයා මගෙ මල්ලි . . . අපි එකම පවුලෙ අය . . . ඇයි ඔයා එහෙම ඇහුවෙ . . . සනාරා විමසුවාය.
මේකයි . . . කී මනුජ් වෙරලේදී තනුජ් පැවසූ දේවල් හෙලි කලේ දෙනෙත් වල වූ කදුලු සගවන්නට උත්සහ කරමිනි.
අයියේ . . . අක්කේ . . . මට කියන්න . . . ඒක ඇත්තද . . . අනතුරුව මනුජ් විමසුවේය.
සනාරා හිස දෙපසට සලමින් මනුජ් අසලට ඇවිද ආවාය. තදින් මනුජ්ව වැලදගත් ඇය හඩන්නට වූවාය.
ඇත්ත මනුජ් ඒක ඇත්ත . . . ඒත් බය වෙන්නෙපා මල්ලී . . . මට පොඩි කාලෙ ඉදන්ම සහෝදරයෙක්ට ඉදියෙ ඔයා . . . තනුජ් මගෙ ඇත්ත මල්ලි වෙන්න පුලුවන් . . . කොහොම වුනත් මම ආදරේ කලේ ඔයාටයි මනුජ් . . . තනුජ්ට මම ආදරේ නැහැ කියනව නෙවෙයි . . . ඒත් මගේ හිතේ ඔයාට තියෙන තැන එයාට නැහැ . . . මට ඕනා එයාව නෙවෙයි . . . මට මගෙ මල්ලි විදියට ඕනි ඔයාව විතරයි . . . සනාරා මිමිණුවාය.
මම . . . මම කරන දේ හරි නැහැ . . . තනුජ්ගේ අයිතිය මම හොරකම් කරල . . . ඒත් මට ඔයාල නැතිව බැහැ . . . අනේ අයියෙ මම ඔය දෙන්නට තරම් කාටවත් ආදරේ නැහැ . . . මට බයයි . . . මනුජ් මිමිණුවේ හිමේෂ්වද බදාගනිමිනි.
ඔයා තමයි මනුජ් මගෙ මල්ලි . . . තනුජ්ව නෙවෙයි මම ඔයාවයි සනාරාගේ මල්ලි විදියට පිලිගන්නෙ . . . තේරුනාද . . . හිමේෂ් කීවේය.
ඒ කියන්නෙ මට මේ ගෙදර පුංචි ඉඩක්වත් නැහැ කියන එකද . . . ඇසුණු හඩින් ඔවුහු දොර වෙත නෙත් හෙලූහ.
තනුජ් ඔයා මෙහෙ . . . හිමේෂ් ගොත ගසන්නට විය.
ඔව් . . . මම හිතුවෙ නැහැ මට ඔයාල ඔහොම කියනව ඇති කියල. . . මම ඔයාලට ආදරේ කල තරම ඔයාල දන්නෙ නැහැ . . . ඇයි දන්නවද මම අක්කගෙ තේ නොබී ඉදියෙ . . . මොකද මට ලෝබ හිතෙයි කියල මම හිතුවා . . . මනුජ්ගේ සතුට මගෙ කරගන්න නෙවෙයා මට ඕනි වුනේ . . . මම හිතුවේ මනුජ්ට වගේම ඔයාල මටත් ආදරේ කරයි කියල . . . ඒත් මට වැරදිල . . . මම විතරයි ඔයාලට දුර ඉදන් ආදරේ කරල තියෙන්නෙ . . . මට මේ තරම් වැරදුනේ කොහොමද . . . ඇයි මට මෙහෙම කලේ . . . තනුජ් විමසුවේ කදුලු අතරිනි. ඔහු පිලිබද සනාරාට දැඩි වේදනාවක් දැනුනේ ඒ වදන් සමගය.
ඔහු අසලට ඇවිද ගිය සනාරා ඔහුගේ මුහුනේ වූ කදුලු පිස දමා හිස අත ගෑවාය. ඔහුව ඈත් කල ඇය ඔහුගේ උරහිසට අත තබා මුහුණට එබුනාය.
තනුජ් ඔයා මගෙ මල්ලිනෙ . . . මම ඔයාට ආදරේ කලේ නැහැ කියලද හිතන්නෙ . . . පිටට නොපෙන්නුවට මම ඔයාට ගොඩක් ආදරේ කරනව . . . මම ඔයාව දකිනකොට විදවපු හැටි දන්නෙ මම විතරයි . . . ඒත් ඔයා මනුජ්ට ලොකු දුකක් දුන්නා . . . කවදාවත් අඩපු නැති මනුජ්ව ඇඩෙව්වා. . . ඒ ඇයි . . . මගෙ ආදරේ ඕනි වෙලාද . . . තනුජ් කියන්න . . . අවුරුදු පහේදි මනුජ්ට මගෙ අම්මව නැති වුනේ . . . එතකොට මට දොලහයි මමයි එදා ඉදන් මනුජ්ව බලාගත්තෙ. . . මෙහෙම දෙයක් කියන එක ඔයාට ලොකු දුකක් කියල මම දන්නව . . . ඔයාට මම ආදරේ කරනව හැමදාම ඒත් . . . මනුජ්ට තරම් නැහැ. . . මනුජ්ට තරම් මම ඔයාට ආදරේ නැහැ දැන් යන්න තනුජ් . . . සනාරා කීවාය.
ඇගේ දෑස් වල වූ වේදනාව දුටු මනුජ්ට සොයුරිය තමාට මෙන්ම තනුජ්ටත් ආදරය කරන බව වැටහිණි.
තනුජ් සනාරාගේ අතින් අල්ලාගත්තේය. අක්කෙ . . . ඇත්තටමද ඔයා ඒක කිව්වෙ . . . මනුජ්ට වඩා පහල තැනක්ද මට තීන්නෙ . . . තනුජ් විමසුවේය.
මම ඇත්ත තමයි කිව්වෙ . . . සනාරා පවසත්ම තනුජ් වේගයෙන් නිවසින් පිටතට පිය නැගීය.
අනේ . . . හඩමින්ම සනාරා හිමේෂ්ට තුරුලු විය. මනුජ් බලා සිටියේය.
අක්කෙ අයියෙ . . . අහන්න . . . තනුජ්ට එහෙම කිව්ව එක හරි නැහැ නේද . . . මොනව වුනත් ඒ ඔයාගෙ ඇත්තම මල්ලි අනික මගෙ හොදම යාලුව . . . මම දන්නව ඔයා තනුජ්ටත් මට වගේම ආදරෙයි කියල . . . මම තනුජ්ට කතා කරල එන්නම් . . . කී මනුජ් නිවසින් පිටතට ගියේය. මාර්ගය දිගේ ඇවිද යන තනුජ් අසලට මනුජ් ලගා වූයේය.
තනුජ් මම ඔයාට පොරොඅන්දු වුනානේද අක්කයි අයියයි ලගට ඔයාව එක්ක යනව කියල . . . මම ලබන මාසෙ වෙන්න කලින් ඒක කරනව . . . අපි ආදරේ නිසා මරාගන්න ඕනි නැහැනි . . . අපි යාලුවො හොදම හොද යාලුවො . . . කී මනුජ් තනුජ්ගේ උරහිස තදින් ග්රහණය කර නිවස වෙත යාමට හැරිණි.
තනුජ් කදුලු පිසදා සිනාසීමට වෙර දැරීය. එහෙත් ඔහුට සිනහ නොනැගිණි. මනුජ්ගේ වේදනාව දැඩි බව ඔහු දැන සිටියේය.
මම ඔයාට වුන පොරොන්දුව ඉෂ්ට කරනවමයි තනුජ් . . . මුලින්ම ඔයා කීව දේ තව එක පාරක් තහවුරු කර ගන්න ඕනා . . . නිවස වෙත පය නගන අතර මනුජ් තමාටම පවසා ගත්තේය.
___________________________________________
මනුජ් ඊලගට මොනවද කරන්න යන්නෙ . . . . තනුජ්ට මනුජ් එයාගෙ තැන දේවිද . . . මනුජ්ව මරන්න සේනානායක උත්සහ කරන්නෙ ඇයි . . . . මනුජ්ගෙ ඇත්ත දෙමව්පියො කවුද . . . ඔක්කොම උත්තර දැනගන්න දිගටම පේජ් එකත් එක්ක එඉන්න කියල ආරාධනා කරනව.
කතාව හොදයි ලස්සනයි කියල හිතෙනව නම් රියැක්ට් කරන්න කමෙන්ට් කරන්න අමතක කරන්නෙපා ලමයි . . . වරුගානක් පණදාගෙන ටයිප් කරපු කතාවකට රියැක්ට් කමෙන්ට් තිබුණම දැනෙන සතුට කියන්න වචන නැහැ. . .
දිගටම පේජ් එක එක්ක එකතු වෙලා ඉන්න ඔයාලට හරිම ආදරෙයි . . . එහෙනම් අලුත් අවුරුද්දේ ඊලග දිගහැරුමත් එක්ක හමුවෙමු . . . . 🤗🥰❤️😘
