23/05/2022
ලැඔකූන් ප්රතිමාව,
ලැඔකූන් හෙලනිස්ටික යුගයට අයත් සුප්රසිද්ධ ග්රීක ප්රතිමාවකි.මෙහි තේමාව වන්නේ ට්රෝජන් පූජක ලැඹකූන් සහ ඔහුගේ පුතුන් වන ඇන්ටිෆන්ටේස් සහ තිම්බ්රේයස් මුහුදු සර්පයන්ගේ ප්රහාරයට ලක්ව ඉන් මිදීමට දරන උත්සාහයයි.
මේ විශිෂ්ඨ නිර්මාණය වතිකානු කෞතුකාගාරයේ මහජන ප්රදර්ශනයට තබා ඇත. මෙය ලොව වඩාත් ප්රසිද්ධ පැරණි මූර්ති වලින් එකකි.
රූප ජීව ප්රමාණයට ආසන්න වන අතර උසින් මීටර 2 (අඩි 6 අඟල් 7) මදක් වැඩි ය.
මෙම කණ්ඩායම් මූර්තිය බටහිර කලාවේ "මානවයාගේ වේදනාවේ මූලාකෘති නිරූපකය" ලෙස හැඳින්වේ,
විශ්ව කලා නිර්මාණ අතර අතිශය ඇගයිමට ලක්වූ මේ ලැඔකූන් යනු කවුද? මෙසේ වේදනාත්මක මරණයක් ඹවුන්ට ලැබුනේ ඇයි?
ලාඕකූන් යනු ග්රීකයන්ගේ මුහුදේ දෙවි යා වන පොසෙයිඩන් දෙවියන්ගේ සේවයට කැපවූ ට්රෝජන් පූජකයෙකි.ඔහුගේ ඛේදජනක කතාව දැනට වතිකානු කෞතුකාගාර එකතුවේ තබා ඇති ලාඕකූන් සහ ඔහුගේ පුත්රයන් ලෙස හඳුන්වන ප්රතිමාව තුළ අමරණීයව ලොවට විවරණය වෙයි.
ට්රෝජන් යුද්ධයේ අවසාන කාලයේ ට්රෝයි නගරයට ඇතුලු වීමට නොහැකි වූ ග්රීක හමුදාව, උපක්රමයක් භාවිතා කළේය. එය යුද්ධයේ ගමන් මග තීරණය කරන කූට උපක්රමයක්. ග්රීකයෝ යෝධ ලී අශ්වයෙකු සාදන ලදී. එම ප්රතිමාව හිස් බවත් පෙනුනදු ඒ තුළ සන්නද්ධ සොල්දාදුවන්ගෙන් පිරී ඇති බවත් ට්රෝයි වරැ දැන සිටියේ නැත. . ට්රෝජන්වරු තමන් ජයග්රහණය කළ බව විශ්වාස කළ අතර අශ්වයා ඔවුන්ගේ පසුබසින සතුරන් විසින් ඉතිරි කරන ලද ගෞරවනීය තෑග්ගක් බව සිතූහ.
සියලුම ට්රෝජන් වරැ අතරින් මේ භයානක ත්යාගයේ උපක්රමය පිලිබඳ සැක කලඑක් අයෙක් විය., ඒ ලැඔකූන් පූජකයාය.ග්රීකයින් පිටව ගොස් ඇති බවට සහතික ලෙසම දෑන නොගෙන ජයග්රහණය සැමරීම නොකරන ලෙස ලෙස ලාඕකූන් ට්රෝජන්වරුන්ට අනතුරු ඇඟවීය. ලී අශ්වයා ගැන කල්පනාකාරී විය යුතු බවට ඔහු එකහෙළාම පැවසුවේය.
ට්රෝජන් අශ්වයා තුළ ඇති දේ සොයා ගැනීමට උත්සාහයක යෙදී සිටි ලාඕකූන් තම හෙල්ලය ඔසවා එහි පැත්ත ක් සිදුරු කළේය.ඔහු හැමවිටම පැවසූයේ එපා. මේ අශ්වයා විශ්වාස කරන්න එපා යනුවෙනි.
මේ ත්යාගය පිලි නොගත් ලැඔකූන් එයට හානි කළේය.
ට්රෝජන් යුද්ධය කිසි විටෙකත් ග්රීකයන් සහ ට්රෝජන් වරැ අතර යුද්ධයක් නොවීය. එය සැමවිටම දෙවියන්ගේ යුද්ධයක් වූ අතර, ලාඕකූන් දෙවියන්ගේ සැලසුම්වලට බාධා කර ඇත. ලාඕකූන්ට දඬුවම් කළේ ඇපලෝ හෝ ඇතීනා ය
එහෙයින් ම ඔහු දේව උදහසට ලක්විය.
Laocoon ගේ අනතුරු ඇඟවීම අසාර්ථක විය. ලී අශ්වයා පැහැදිලි උපක්රමයක් වූ නමුත් කිසිවෙකු එය දැකීමට කැමති නොවීය. ලාඕකූන්ගේ කෙඳිරියට සවන් දීමට කිසිවෙක් කැමති වූයේ නැත. වසර දහයක යුද්ධයෙන් පසු, ට්රෝජන්වරු ශරීරයෙන් හා ආත්මයෙන් කොතරම් වෙහෙසට පත් වීද යත්, ඔවුන් සැබවින්ම යුදුධය අවසන් වීිම පිලිබඳ මංමුලා සහගත විය..
දෙවියන් ට එරෙහි ව සත්ය පැවසූ ලැඹකූන් ට වන්දි ගෙවිමට සිදුවූයේ සිය ජීවිතයෙනි. මුහුදෙන් යෝධ විෂ සහිත සර්පයන් දෙදෙනෙකු මතු ව ලාඕකූන් දෙසට වේගයෙන් ඇදී ගිය අතර, මොහොතකින් ඔහු සහ ඔහු අසල සිටි ඔහුගේ පුතුන් දෙදෙනා සපා කෑමට හා වෙළා ලෙන ගෙල සිර කිරීමට පටන් ගත්හ. ලාඕකූන් හා පුතුන් ඉන් බේරීහාමට දරන ලද උත්සාහය වේදනාකාරීවිය. අවසානයේ ලෙයින් තෙත් වූ සර්පයන් පිටත්ව ගොස් ඇතීනාගේ දේවමාළිගාව තුළ සැඟවී සිටියහ.
ලැඔකූන්ගේ මරණයෙන් පසුවත්, ට්රෝජන්වරු විනාශය ඉදිරියේ ඇස් වසා ගත්හ. ඔවුන් ලාඕකූන්ගේ අවසානය වැරදි ලෙස අර්ථකථනය කළහ. එය ග්රීකයන්ගේ තෑග්ගට අගෞරව කිරීම සහ අශ්වයා තෑග්ගක් බව ට්රෝජන්වරුන්ට ඒත්තු ගැන්වීම සඳහා රහසිගත මෙහෙයුමක් සඳහා යවන ලද ග්රීක සොල්දාදුවෙකු වූ සිනොන්ව අවිශ්වාස කිරීම සඳහා වන දඬුවමක් ලෙස සලකමිනි.
ඇතීනාගේ සැලසුම්වලට බාධා කිරීම නිසා ලාඕකූන්ගේ මරණය දඬුවමක් බව ඔවුන් තේරුම් ගන්නා විට ට්රෝජන් වරැ ප්රමාදව තිබුණි. ව්යාජ ශුභවාදයෙන් ඔවුන් අන්ධ විය ට්රෝජන් වරැ යුධ ජයග්රහණයේ ප්රිතිය සමරන ලදී.
රාත්රියක ප්රීතියෙන් පසු මුළු නගරයම නිදාගෙන සිටින විට, ග්රීක සොල්දාදුවන් ලී අශ්වයාගෙන් පිටතට පැමිණ ට්රෝයිහි දොරටු විවෘත කළහ. වසර දහයක අවසන ට්රෝයි නුවරට ඇත්ලවූ ග්රීක හමුදාව නගරයට ඇතුළු වී විශාල විනාශයක් සිදු කළේය. මෙය ට්රෝයි හි අවසානය විය.
