https://www.facebook.com/272350709501249/

Roaming WITH Dinith, Nittambuwa (2026)

14/10/2026

ගෑස් පෝලිම් ආයේ එයිද? කලබල වෙලා වැඩිපුර ගෑස් ගන්න එපා! රජයෙන් විශේෂ දැනුම්දීමක්! 🚨

ගෑස් හිඟයක් ඇතිවෙයි කියලා සමාජයේ පැතිරෙන කටකතා ගැන කිසිම අනවශ්‍ය බියක් ඇති කරගන්න එපා කියලා රජය ජනතාවට විශේෂ දැනුම්දීමක් කරනවා. අමාත්‍ය නලින්ද ජයතිස්ස මහතා තහවුරු කරන්නේ මේ වෙද්දිත් රටට ප්‍රමාණවත් තරම් ගෑස් තොග ගෙන්වීමට කටයුතු කර ඇති බවයි.

මාලදිවයිනේ සිට LPG මෙට්‍රික් ටොන් 3,900ක් රැගත් ගෑස් නැවක් මේ වෙද්දිත් කොළඹ වරායට සේන්දු වී ඇති අතර, එහි ගෑස් ගොඩබෑමේ කටයුතු මේ වනවිටත් ආරම්භ කර තිබෙනවා. ඒ නිසා කලබල වී වැඩිපුර ගෑස් සිලින්ඩර් මිලදී ගෙන ගබඩා කර තබාගැනීමේ කිසිම අවශ්‍යතාවයක් නැහැ. වෙනදා වගේම සාමාන්‍ය විදියට ඔබගේ කටයුතු කරගෙන යාමට හැකි බව අමාත්‍යවරයා අවධාරණය කරනවා.

මේ අතර, 2027 වසර සඳහා ලිට්‍රෝ ගෑස් (Litro Gas) සමාගමට ගෑස් සැපයීමේ කොන්ත්‍රාත්තුව OQ Trading Limited සමාගමට ලබා දීමට කැබිනට් අනුමැතිය හිමිවී තිබෙනවා. ඒ අනුව 2027 ජනවාරි 1 වැනිදා සිට මාස 12ක කාලයක් සඳහා LPG මෙට්‍රික් ටොන් 420,000ක් (20%ක වැඩිවීමේ හෝ අඩුවීමේ හැකියාවක් සහිතව) සැපයීමට නියමිතයි. මෙහිදී අවම වශයෙන් මෙට්‍රික් ටොන් 336,000ක සැපයුමක් අනිවාර්යයෙන්ම සහතික කර තිබෙනවා.

ඒ නිසා ගෑස් හිඟයක් ගැන කිසිම බයක් හිතේ තියාගන්න එපා. මේ පණිවිඩය ඔබේ මිතුරන්ටත් Share කරලා අනවශ්‍ය කලබලයක් ඇතිවීම වළක්වන්න!

13/10/2026

සින්දු ලයිසන් එකට ගැහූ තාවකාලික බ්‍රේක් එක: ACPOSL ගත් හදිසි තීරණය සහ "සමාව ගැනීම"!

පහුගිය දවස් ටිකේ ලංකාවේ මියුසික් ඉන්ඩස්ට්‍රි එක විතරක් නෙවෙයි, මුළු සෝෂල් මීඩියා ටිකම ඇවිස්සිලා ගියපු 'කර්තෘ භාග' (Copyright royalties) හෙවත් සින්දුවලට සල්ලි අය කිරීමේ ආන්දෝලනාත්මක කතාවට දැන් තාවකාලික නැවතුමක් ලැබිලා තියෙනවා. හෝටල්, සංගීත සංදර්ශන විතරක් නෙවෙයි පොඩි පොඩි ඉවෙන්ට්වලටත් ලයිසන් ගන්න ඕන කියපු ප්‍රශ්නයත් එක්ක රට පුරාම ලොකු විරෝධයක් මතුවුණා.

ක්ෂේත්‍රයේ ප්‍රවීණයන්, සංගීත කණ්ඩායම්, ඉවෙන්ට් ඕගනයිසර්ස්ලා සහ සාමාන්‍ය ප්‍රේක්ෂකයන්ගෙන් ආපු දැඩි විරෝධය හමුවේ, ශ්‍රී ලංකා සංගීත නිර්මාණකරුවන්ගේ සහ සංගීත ප්‍රකාශකයන්ගේ සංගමය (ACPOSL) එකපාරටම තමන්ගේ තීරණය වෙනස් කරලා තියෙනවා.

නිල නිවේදනයක් නිකුත් කරමින් එම සංගමය සඳහන් කළේ, දැනට යෝජනා කර තිබූ සියලුම බලපත්‍ර ලබාදීමේ සහ ගාස්තු අය කිරීමේ කටයුතු තාවකාලිකව සම්පූර්ණයෙන්ම අත්හිටුවීමට තීරණය කළ බවයි. විවිධ පාර්ශ්ව ඉදිරිපත් කළ අදහස් සහ විරෝධතා සලකා බැලීමෙන් පසු ගත් මෙම තාවකාලික තහනම, ලබන නොවැම්බර් මාසේ පැවැත්වෙන සංගමයේ වාර්ෂික මහා සභා රැස්වීම (AGM) වන තෙක් ක්‍රියාත්මකයි.

විශේෂ අවධානය දිනාගත් "සමාව ගැනීම"
මේ නිවේදනයේ විශේෂම කාරණය වුණේ සංගමය ප්‍රසිද්ධියේ ඉල්ලා සිටි සමාව ගැනීමයි. පසුගිය දවස්වල සිදුවූ දේ නිසා ක්ෂේත්‍රයේ කාට හෝ මහජනතාවට යම් අපහසුතාවක් හෝ සිත් රිදවීමක් වුණා නම් ඒ ගැන සංගමය දැඩි කනගාටුව පළ කරනවා. සෝෂල් මීඩියාවල නම් මේක දැඩි කතාබහට ලක්වුණේ "වැඩේ අතපසුවෙලා ගැස්සුණාම ශේප් වෙන්න දාපු සමාව ගැනීමක්ද?" කියන සැකයත් එක්කයි.

කෙසේ වෙතත්, මේ තාවකාලික පසුබැසීමෙන් තමන්ගේ නීතිමය බලතලවලට කිසිදු හානියක් සිදුනොවන බවත් සංගමය මතක් කර දී තිබෙනවා. ඉදිරියේදී ක්ෂේත්‍රයේ සියලු පාර්ශ්වයන් සමඟ සාකච්ඡා කර, ගාස්තු ක්‍රමවේදය අලුතින් සංශෝධනය කර නොවැම්බර් මහා සභාවට ඉදිරිපත් කිරීමෙන් අනතුරුව එය රජයේ ගැසට් පත්‍රයේ පළ කිරීමට කටයුතු කරන බවයි වාර්තා වන්නේ.

දැනට ප්‍රශ්නය මෙලෙස යම් මට්ටමකින් සමනය වුණත්, නොවැම්බර් මාසයෙන් පසු මේ 'සින්දු ගාස්තු' අර්බුදය නැවතත් අලුත් මුහුණුවරකින් කරළියට ඒවිද යන්න පිළිබඳව සංගීත ක්ෂේත්‍රයේ සැමගේ අවධානය දැන් යොමුව තිබෙනවා.

13/10/2026

මිනීපෙට්ටිය ඇතුළෙන් දැරියක් පණපිටින් නැගිටියි! ග්වාතමාලාවෙන් වාර්තා වුණු ඇඟ කිලිපොළා යන අද්භූත සිදුවීම ⚰️😲

මියගිය අයෙක් නැවත පණ ලබනවා කියන්නේ චිත්‍රපටවල විතරක් දකින දෙයක් වුණාට, තමන්ගේ දියණිය මියගියා කියලා හිතලා අවමංගල්‍ය උත්සවය සූදානම් කරද්දී, මිනීපෙට්ටිය ඇතුළෙන්ම දැරියක් ඇස් ඇරලා පණපිටින් නැගිටපු පුවතක් ග්වාතමාලාවෙන් (Guatemala) වාර්තා වෙනවා.

ග්වාතමාලාවේ එල් ජොකෝටේ (El Jocote) ගම්මානයේ පදිංචි යුලෙයිඩි ඉක්ස්කොටොයාක් (Yuleidy Ixcotoyac) නැමැති 15 හැවිරිදි දැරියට හදිසියේම දරුණු පපුවේ කැක්කුමක් ඇතිවී තිබෙනවා. ඇයගේ පියා (ඒබ්‍රහැම් ඉක්ස්කොටොයාක්) ඇයව රෝහල වෙත රැගෙන යන අතරමගදී දැරිය සිහිසුන්ව ඇදවැටී ඇති අතර, හෘද ස්පන්දනය හෝ හුස්ම ගැනීම නොදැනුණු නිසා පියා සිතා ඇත්තේ සිය දියණිය මියගොස් ඇති බවයි.

කිසිදු වෛද්‍යවරයෙකු ලවා මරණය තහවුරු කරගැනීමකින් තොරව, පවුලේ ඥාතීන් විසින් මිනීපෙට්ටියක් මිලදී ගෙන දැරියගේ සිරුර නිවසට ගෙනවිත් අවමංගල්‍ය කටයුතු සූදානම් කර තිබෙනවා.

ඥාතීන් මිනීපෙට්ටිය වටකරගෙන අවසන් ගෞරව දක්වමින් සිටියදී, දැරියගේ මව වන ලෙස්වියා රියෝස් (Lesvia Ríos) මිනීපෙට්ටිය ඇතුළෙන් යම් සෙලවීමක් නිරීක්ෂණය කර තිබෙනවා. මුළු සභාවම භීතියෙන් බලා සිටියදී, සිහිසුන්වී පැය 8කට පමණ පසු දැරිය මිනීපෙට්ටිය තුළදීම ඇස් හැර කෙළින් වී වාඩි වී තිබෙනවා!

එතැන සිටි පිරිස වහාම ක්‍රියාත්මක වී ඇයව මිනීපෙට්ටියෙන් එළියට ගැනීමට කටයුතු කර ඇති අතර, පසුව මාධ්‍ය හමුවේ අදහස් දැක්වූ දැරිය පවසා තිබුණේ තමන්ට පපුවේ තද කැක්කුමක් දැනී සිහිය නැති වූ පසු සිදු වූ කිසිවක් මතක නැති බවයි.

තමන්ගේම නොසැලකිලිමත්කම සහ කලබලකාරී බව නිසා පණපිටින් සිටි දරුවා මිහිදන් කිරීමට ගිය මේ සිද්ධිය, ඕනෑම හදිසි අවස්ථාවකදී නිසි වෛද්‍ය පරීක්ෂණයක ඇති අතිශය වැදගත්කම මුළු ලෝකයටම මතක් කර දුන් කදිම පාඩමකි.

11/10/2026

දිගින් දිගටම පවතින අධික වර්ෂාවත් එක්ක නායයෑම්, පස් කඩා වැටීම් සහ ගල් පෙරළීම් සිදුවීමේ දැඩි අවදානමක් මතු වෙලා තියෙනවා. මේ නිසා ජාතික ගොඩනැගිලි පර්යේෂණ සංවිධානය (NBRO) විසින් හෙට (12) සවස 4.00 දක්වා බලපැවැත්වෙන පරිදි පහත ප්‍රදේශවලට පූර්ව අනතුරු ඇඟවීමේ නිවේදන නිකුත් කරලා තියෙනවා.

🟡 මට්ටම 2 - අවදානම් තත්ත්වය (කහ පැහැය)

කෑගල්ල දිස්ත්‍රික්කය: රුවන්වැල්ල, බුලත්කොහුපිටිය සහ මාවනැල්ල.

🟠 මට්ටම 1 - දැනුවත් වීමේ තත්ත්වය (ඇම්බර් පැහැය)

බදුල්ල දිස්ත්‍රික්කය: ඇල්ල සහ පස්සර.

කළුතර දිස්ත්‍රික්කය: වලල්ලාවිට සහ බුලත්සිංහල.

මහනුවර දිස්ත්‍රික්කය: තුම්පනේ, යටිනුවර, හතරලියැද්ද සහ දොළුව.

කෑගල්ල දිස්ත්‍රික්කය: අරණායක, දෙහිඕවිට, යටියන්තොට, රඹුක්කන, කෑගල්ල සහ වරකාපොළ.

කුරුණෑගල දිස්ත්‍රික්කය: මාවතගම, මල්ලවපිටිය සහ අලව්ව.

මාතලේ දිස්ත්‍රික්කය: මාතලේ, රත්තොට සහ අම්බන්ගඟ කෝරළය.

නුවරඑළිය දිස්ත්‍රික්කය: හඟුරන්කෙත.

රත්නපුර දිස්ත්‍රික්කය: ඉඹුල්පේ, නිවිතිගල, අයගම, කුරුවිට, වැලිගෙපොළ, ඇහැළියගොඩ, කලවාන සහ රත්නපුර.

මේ ප්‍රදේශවල ජීවත් වෙන ජනතාව වගේම, මේ මාර්ගවල ගමන් කරන රියදුරු මහතුනුත් මේ ගැන දැඩි විමසිල්ලෙන් කටයුතු කරන්න. ඔයාලගේ පවුලේ අය හෝ යාළුවෝ මේ ප්‍රදේශවල ඉන්නවා නම් අනිවාර්යයෙන්ම මෙයාලව දැනුවත් කරන්න!

10/10/2026

මොණරාගල 14 හැවිරිදි සිසුවෙකුට අ-ත-ව-ර කළ 49 හැවිරිදි ගුරුවරියකට වසර 24ක සිරදඬුවම්!

2019 සැප්තැම්බර් මාසයේදී මොණරාගල ප්‍රදේශයේ 14 හැවිරිදි පාසල් සිසුවෙකුව තමන්ගේ නිවසට ගෙන්වාගෙන ඔහුට අ-ත-ව-ර කරමින් අඹුසැමියන් ලෙස හැසිරුණු 49 හැවිරිදි ගුරුවරියකට එරෙහිව මොණරාගල මහාධිකරණය දැඩි තීන්දුවක් ලබා දී තිබෙනවා.

විමර්ශනවලින් පසුව ඇයට එල්ල වී තිබූ චෝදනා තුනකටම ඇය වරදකාරිය බව අධිකරණය තීන්දු කළා. ඒ අනුව එක් චෝදනාවකට වසර 8 බැගින් මුළු වසර 24ක සිරදඬුවමක් නියම කෙරුණු අතර, එම දඬුවම වසර 8කින් ගෙවී යන ලෙසටයි නියෝග කර තිබෙන්නේ.

ඊට අමතරව, එක් චෝදනාවකට රුපියල් 250,000 බැගින් චෝදනා තුනටම අදාළව රුපියල් ලක්ෂ හතහමාරක (750,000) වන්දි මුදලක් අගතියට පත් සිසුවාට ගෙවන ලෙසත් අධිකරණය නියෝග කළා. එම වන්දිය නොගෙවන්නේ නම් තවත් වසරක ලිහිල් වැඩ සහිත සිරදඬුවමක් නියම වෙනවා.

මේ සියල්ලටම අමතරව ගුරුවරියට රුපියල් 50,000ක දඩ මුදලක් ද නියම කර ඇති අතර, එය නොගෙවන්නේ නම් ඊටත් තවත් වසරක ලිහිල් වැඩ සහිත සිරදඬුවමක් විඳීමට ඇයට සිදුවනු ඇති.

10/10/2026

මෙට්‍රෝ බස් එකේ හැප්පූ 120 ප්‍රයිවට් බස් රියදුරාට වැඩ වරදී! 🚨 දැන් සැපද?

කැස්බෑව - කොළඹ පාරේ මිරිස්වත්ත ප්‍රදේශයේදී මෙට්‍රෝ බස් රථයකට හිතාමතාම අනතුරක් කරපු 120 (හොරණ - කොළඹ) සුඛෝපභෝගී පෞද්ගලික බස් රථයේ රියදුරාව පිළියන්දල පොලීසියෙන් අත්අඩංගුවට අරගෙන තියෙනවා. හෝන් ගහගෙන, දරුණු විදියට වෙට්ටු දාලා බලෙන් ඉස්සර කරලා බස් එක හප්පපු මුළු සිද්ධියම CCTV කැමරාවල ඉතා පැහැදිලිව සටහන් වෙලා තිබුණා.

මේ කුහක වැඩේ නිසා මෙට්‍රෝ බස් එකේ දකුණු පැත්තේ කණ්ණාඩිය සහ ඊට පහළින් තියෙන වීදුරුව කුඩු වෙලා ගිහින්. සිදුවෙලා තියෙන මුළු අලාභය රුපියල් 3,42,000ක් විදියටයි මේ වෙද්දි තක්සේරු කරලා තියෙන්නේ.

අත්අඩංගුවට පත්වුණු හොරණ, පොකුණුවිට ප්‍රදේශයේ පදිංචි 42 හැවිරිදි මේ රියදුරාට දැන් නීතිය ක්‍රියාත්මක වෙන්නේ 'පොදු දේපළ පනත' යටතෙයි. පොදු දේපළවලට හානි කිරීම කියන්නේ ලේසියෙන් ඇප ලැබෙන්නේ නැති බරපතළ වරදක්.

රුපියල් ලක්ෂ ගාණක වන්දි ගෙවන්න වුණාම මේ අයට "දැන් සැපද" කියලා තමයි අහන්න වෙන්නේ. පාරේ චණ්ඩිකම් පෙන්නන්න යන අනිත් බස් රියදුරන්ටත් මේක කදිම පාඩමක්. පොඩ්ඩක් පරක්කු වුණත් මහජනතාවගේ දේපළ වෙනුවෙන් නීතිය අකුරටම ක්‍රියාත්මක කරපු ශ්‍රී ලංකා පොලීසියට අපේ විශේෂ ස්තූතිය හිමිවෙන්න ඕනේ!

10/10/2026

නිල ඇඳුම ගැලෙව්වත් හදවතේ තියෙන මනුස්සකම ගලවන්න බැහැ කියලා ඔප්පු කරපු නිහඬ වීරයා!

පසුගිය සැප්තැම්බර් 28 වෙනිදා රෑ ගම්පහ, පස්යාල පැත්තේ මළගෙදරකදී කාගෙත් පපුව හෝස් ගාලා යන අනතුරක් වුණා. වයස අවුරුදු 4ක පොඩි දරුවෙක් එකපාරටම මිදුලේ තිබුණු ළිඳකට වැටුණා. දරුවා වැටුණු ගමන් අනිත් ළමයි කෑගහලා වැඩිහිටියන්ට කිව්වම, එතන හිටපු හැමෝම හොඳටම කලබල වෙලා කෑගහන්න පටන් ගත්තා.

හැබැයි මිනිස්සු ලණුයි ඉණිමනුයි හොය හොය කලබල වෙද්දි, ඒ මළගෙදරට ඇවිත් හිටපු නිවාඩු ආපු ශ්‍රී ලංකා යුද හමුදා සෙබළෙක් දෙපාරක් හිතුවේ නෑ. තත්පරයක්වත් පරක්කු නොවී කෙළින්ම ළිඳට පැනලා ඒ පුංචි ජීවිතේ කිසිම අනතුරක් නැතුව ගොඩට අරන් ආවා.

යුද හමුදා නිල ඇඳුම ඇඟේ නැති වුණත්, වගකීමයි මනුස්සකමයි කවදාවත් අමතක කරන්නේ නෑ කියලා මේ රණවිරුවා මුළු රටටම පෙන්නුවා. මේ වගේ වීරයන්ට මුළු ජාතියේම උත්තමාචාරය හිමිවෙන්න ඕනේ නේද!

10/10/2026

Suzuki Spacia එකේ මාකට් එක කන්න එන BYD Racco! 🚙⚡ සෙල්ලම ලේසි වෙයිද?

ලංකාවේ පවුලේ වාහනයක් විදියට ඉඩකඩ තියෙන Box මොඩල් එකක් හොයන අයගේ පළවෙනි තේරීමක් තමයි Suzuki Spacia කියන්නේ. හැබැයි මේ ජනප්‍රිය Spacia සහ WagonR මාකට් එකට කෙලින්ම ගේම ඉල්ලන්න BYD සමාගම එයාලගේ අලුත්ම ජපන් Kei Car මොඩල් එක, ඒ කියන්නේ "BYD Racco" ලංකාවට ගේන්න ලෑස්තියි.

මේ වාහන දෙකෙන් ලංකාවේ පාරිභෝගිකයාට වඩාත්ම වාසි මොකක්ද? අපි පොඩ්ඩක් සසඳලා බලමු:

එන්ජිම සහ බලය (Power):
Suzuki Spacia එකේ තියෙන්නේ 660cc පෙට්‍රල් එන්ජිමක් (Mild Hybrid එක්ක). හැබැයි BYD Racco එක 47KW (ආසන්න වශයෙන් 60hp) Electric Motor එකකින් එන නිසා Pick-up එක සහ Power එක අතින් Spacia එකට වඩා Racco එක සැහෙන්න ඉස්සරහින් ඉඳීවි.

ධාවන පරාසය සහ වියදම:
Spacia එකට පෙට්‍රල් ගැහුවා, ගියා. කිසිම 'Range Anxiety' එකක් නෑ. හැබැයි Racco එක එන්නේ 22.4kWh (220km) සහ 35.8kWh (310km) බැටරි ඔප්ෂන් දෙකකින්. ධාවන වියදම (Running cost) අතින් ගත්තොත් පෙට්‍රල් ගහනවාට වඩා Racco එක පට්ටම ලාභයි.

ඉඩකඩ සහ ප්‍රායෝගික බව:
වාහන දෙකම ජපන් Kei Car ප්‍රමිතියට (දිග 3.4m, පළල 1.34m, උස 1.8m) හදපු නිසා ඇතුළේ ඉඩකඩ උපරිමයි. Racco එකෙත් පිටිපස්සේ සීට් පාවිච්චි වෙන ගමන් 200L ක Boot Space එකක් තියෙනවා.

තීරණාත්මකම දේ - මිල (Price):
Global market එකේ $13,000 කින් පටන්ගන්න Racco එක, ලංකාවට එද්දී බදු එක්ක ලක්ෂ 100 - 110 ත් අතර වෙයි කියලා තමයි අනුමාන කරන්නේ. (Atto 1 එකයි Dolphin එකයි මැද). දැනට මාකට් එකේ පාවිච්චි කරපු හොඳ තත්ත්වයේ Spacia එකක් ලක්ෂ 70-85 අතර යද්දී, අලුත්ම Brand New EV එකක් වෙනුවෙන් තව ලක්ෂ 20ක් 30ක් වැඩිපුර ආයෝජනය කරන්න ලංකාවේ පාරිභෝගිකයා කැමති වෙයිද?

තාක්ෂණයෙන් සහ ධාවන වියදම අතින් BYD Racco එක Spacia එකට වඩා ඉස්සරහින් හිටියත්, ලක්ෂ 100ක සීමාවේදී ලංකාවේ මිනිස්සුන්ගේ තීරණය වෙනස් වෙන්න ඉඩ තියෙනවා.

ඔයාලට මොකද හිතෙන්නේ? ලක්ෂ 100-110ක් විතර දීලා Brand New BYD Racco එකක් ගන්නවද? නැත්නම් ඒ ගාණට අඩුවෙන් පෙට්‍රල් Spacia එකක් අරන් ඉතුරු සල්ලි අතේ තියාගන්නවද? අදහස පහළින් කමෙන්ට් කරන්න! 👇

10/10/2026

ඥානසාර හිමියන්ට සිවුර අහිමි වීම: අලුත්ම තත්ත්වය සහ ඇත්තටම නීතියෙන් කියන්නේ කුමක්ද?

ඥානසාර හිමියන්ගේ සිවුර ඉවත් කිරීමේ සිද්ධියත් එක්ක මේ වෙද්දි ආගමික පාර්ශ්ව, බන්ධනාගාර බලධාරීන් සහ නීති අංශ අතර ලොකු කතාබහක් වගේම අලුත් තත්ත්වයන් කිහිපයක්ම නිර්මාණය වෙලා තියෙනවා.

පළමුවෙන්ම, මේ වෙද්දි මතුවෙලා තියෙන අලුත්ම තත්ත්වයන් ටික අපි සාරාංශ කරලා බලමු:

මහනුවරින් අරගලයක්: පූජ්‍ය උලපනේ සුමංගල හිමියන් පවසන පරිදි, ඥානසාර හිමියන්ගේ නිදහස වෙනුවෙන් අද (10) මහනුවර ශ්‍රී දළදා මාළිඟාවේ මහ මළුවෙන් පළමු පියවර ආරම්භ කෙරෙනවා. ඒ වගේම දළදා මාළිඟාව ඉදිරිපිට අධිෂ්ඨාන සත්‍යක්‍රියාවකුත් පැවැත්වීමට නියමිතයි.

ජනාධිපතිවරයාට විශේෂ ලිපියක්: කෝට්ටේ පාර්ශ්වයේ අනුනායක පූජ්‍ය කොටපිටියේ රාහුල නාහිමියන් ජනාධිපතිවරයාට ලිපියක් යොමු කරමින් පවසන්නේ, කලින් පැවැත්වූ සාකච්ඡාවට තම සංඝ සභාව සහභාගි කර නොගැනීම ගැටලුවක් බවත්, ඥානසාර හිමියන් යළි අධිකරණයට ඉදිරිපත් කිරීමට පෙර තම සංඝ සභාව සමග සාකච්ඡාවක් පවත්වන ලෙසත්ය.

සිවුර ඉවත් කිරීමට එරෙහිව අධිකරණයට: බන්ධනාගාර බලධාරීන් සිවුර ඉවත් කිරීමට ගත් තීරණය බලරහිත කරන ලෙස ඉල්ලා පූජ්‍ය තීනියාවල පාලිත හිමියන් අභියාචනාධිකරණයට රිට් පෙත්සමක් ඉදිරිපත් කර තිබෙනවා.

අලුත් නීති රෙගුලාසි: මල්වතු පාර්ශ්වය දැක්වූ කරුණු අනුව, වසර තුනකට වැඩි කාලයක් සිරගත වන භික්ෂූන් වහන්සේලා සම්බන්ධයෙන් අදාළ නිකායේ නිර්දේශ මත ක්‍රියා කළ හැකි නව රෙගුලාසි සකස් කිරීමට ජනාධිපතිවරයා එකඟ වී තිබෙනවා. මේ සඳහා සති දෙකක් ඇතුළත රෙගුලාසි සකස් කර අවසන් කරන ලෙස අධිකරණ අමාත්‍යවරයාට උපදෙස් දී ඇති බවත් සඳහන්.

ඇත්තටම සිවුර ගලවා ජම්පරය ඇන්දවීම සාධාරණද?
මේක නීතිමය සහ සංස්කෘතික පැතිකඩ දෙකකින් බැලිය යුතු කාරණයක්. නීතිමය පැත්තෙන් ගත්තොත්, ශ්‍රී ලංකාවේ බන්ධනාගාර ආඥාපනතට අනුව සිරදඬුවම් නියම වූ ඕනෑම රැඳවියෙකු බන්ධනාගාර නිල ඇඳුම (ජම්පරය) ඇඳීම අනිවාර්ය නීතියක්. එහිදී ආගමික තරාතිරම නීතියෙන් වෙන් කරලා නැහැ. හැබැයි සංස්කෘතික හා ආගමික පැත්තෙන් ගත්තොත්, බෞද්ධ සම්ප්‍රදායට අනුව භික්ෂුවකගේ සිවුර ඉවත් කිරීමේ බලය ඇත්තේ අදාළ සංඝ සභාවට පමණයි. ඒ නිසා බන්ධනාගාර බලධාරීන් නීතිය ක්‍රියාත්මක කිරීම, බෞද්ධ ජනතාවට සහ මහා සංඝරත්නයට දැඩි සංවේදී සහ අසාධාරණ කාරණයක් ලෙස හැඟී යාම සාධාරණයි. මේ ගැටුම නිරාකරණය කරන්න තමයි අර අලුත් රෙගුලාසි ගේන්න දැන් සූදානම් වෙන්නේ.

ඥානසාර හිමි 2018 සිරගතවීමේදීත් ජම්පරය ඇන්දාද?
2018 වසරේදී අධිකරණයට අපහාස කිරීමේ චෝදනාවට උන්වහන්සේට සිරදඬුවම් නියම වූ අවස්ථාවේ බන්ධනාගාර රෙගුලාසිවලට අනුව උන්වහන්සේගේ සිවුර ඉවත් කර බන්ධනාගාර නිල ඇඳුම (ජම්පරය) අන්දවනු ලැබුවා යැයි ඡායාරූප සංසරණය වෙයි. නමුත් එය ස්තීරවම කිව නොහැකියි.

මේ ගැන ඔබේ අදහස කුමක්ද? පවතින බන්ධනාගාර නීතිය වෙනස් කර භික්ෂූන් වහන්සේලා සඳහා වෙනම ක්‍රමවේදයක් සකස් කළ යුතුමයි කියා ඔබත් හිතනවාද? අදහස පහළින් කමෙන්ට් කරන්න.

10/10/2026

මානසික රෝගයක් හැදුණාම ලංකාවේ මිනිස්සු ඩොක්ටර් කෙනෙක් ගාවට යන්න මෙච්චර බය ඇයි?

ලංකාව ඇතුළු දකුණු ආසියාවේ මානසික සෞඛ්‍ය ගැන දැන් තියෙන්නේ ඇත්තටම රතු නිවේදනයක් නිකුත් කරන්න ඕන තරමේ අවදානම් තත්ත්වයක්. ඔයාලා දන්නවද, මානසික පීඩාවකින් ඉන්න 5 දෙනෙක්ගෙන් වෛද්‍ය ප්‍රතිකාර ගන්නේ එක්කෙනෙක් විතරයි! අනිත් 4 දෙනාම කරන්නේ නිහඬවම මේක හැංගි හැංගි විඳවන එක.

මෙවර ලෝක මානසික සෞඛ්‍ය දිනයට සමගාමීව විශේෂඥ මනෝ වෛද්‍ය වින්ද්‍යා විජය බණ්ඩාර මහත්මිය මේ කාරණය හෙළි කළා. මේ විදියට මිනිස්සු ප්‍රතිකාර ගන්න යන්න තියෙන ලොකුම බාධාව තමයි "සමාජයෙන් මොනවා කියයිද" කියන බය. මානසික රෝග ගැන තියෙන මේ පදනම් විරහිත දුර්මත සහ අපකීර්තිය නිසා, බහුතරයක් දෙනා වෘත්තීය මට්ටමේ සහායක් ලබාගන්න අදිමදි කරනවා.

හැබැයි මේ වගේ අමාරු කාලෙක ඔයාටත් හිතේ දරාගන්න බැරි පීඩනයක් තියෙනවා නම්, පැය 24 පුරාම වැඩ කරන '1926' ජාතික මානසික සෞඛ්‍ය උපකාරක සේවාවට ඕනෑම වෙලාවක කෝල් එකක් දෙන්න පුළුවන්. 2018 ඉඳන් මේ වෙනකන් දුරකථන ඇමතුම් ලක්ෂ දෙකකට වඩා ප්‍රමාණයකට මේ හරහා පිහිට වෙලා තියෙනවා.

ලබන ඔක්තෝබර් 10 වෙනිදාට යෙදෙන ලෝක මානසික සෞඛ්‍ය දිනයේ මෙවර තේමාව වෙන්නෙත් "සැබෑ අත්දැකීම්වලට සවන්දීම: සැබෑ හඬවල්, සැබෑ වෙනසක්" යන්නයි.

වෘත්තීය මට්ටමේ චිකිත්සකයෙකුගෙන් හෝ මනෝ වෛද්‍යවරයෙකුගෙන් උපදෙස් ගන්න එක කිසිසේත්ම ලැජ්ජා වෙන්න ඕන කාරණයක් නෙමෙයි. අපි නිතරම මතක් කරන්නේ සිතේ සෞඛ්‍යයත් ඇඟේ සෞඛ්‍යය තරමටම වටිනවා කියන එකයි. මේ සමාජයේ කවුරුහරි මානසිකව වැටිලා ඉන්නවා නම්, විහිළු කරන්නේ නැතුව එයාට ඇහුම්කන් දෙන එක තමයි අපි කරන්න ඕන ලොකුම උදව්ව!

Roaming WITH Dinith

14/10/2026

13/10/2026

13/10/2026

11/10/2026

10/10/2026

10/10/2026

10/10/2026

10/10/2026

10/10/2026

10/10/2026

Address

Website

Alerts

Shortcuts

Share

Category

Listing takedown request