16/04/2026
අවුරුද්දට ගෙදරට එන නෑදෑයොන්ට දෙන්න එළවලු රොටි ටිකක්
හදමුද 😍
එළවළු රොටි රෙසිපිය
අවශ්ය අමුද්රව්ය:
✅ පාන් පිටි ග්රෑම් 500ක්
✅ ලුණු ස්වල්පයක්
✅ පොල් තෙල් මේස හැඳි 2ක්
✅ මඳ රස්නය ඇති වතුර (අවශ්ය ප්රමාණයට)
✅ තම්බා පොඩි කරගත් අල ග්රෑම් 250ක්
✅ සිහින්ව ලියාගත් ලූනු, අමු මිරිස්, කරපිංචා
✅ කෑලි මිරිස් මේස හැඳි 2ක් සහ ගම්මිරිස් කුඩු තේ හැඳි 1ක්
✅ ලුණු සහ කහ කුඩු ස්වල්පයක්
✅ තෙල් මේස හැඳි 1ක් / බටර්
✅සැමන් (ඔයලාගේ රස අනුව තම්බපු මස් හෝ මාළු ගන්නත් පුලුවන්)
(ඔයලාට අවශ්ය නම් කැරට්, ගෝවා, ලුණු කොල වගේ දෙවල් එකතු කර ගන්නත් පුලුවන්. ඔයලාගේ රස අනුව)
සාදන ආකාරය:
✅ භාජනයකට පාන් පිටි, ලුණු සහ තෙල් දමා කලවම් කරන්න. එයට බටර් තේ හැදි 2 දමා හොදින් කවලම් කර ගන්න .එයට මඳ රස්නය ඇති වතුර ටිකෙන් ටික එකතු කරමින් අතේ නොඇලෙන මෘදු පිටි ගුලියක් සාදා ගන්න. මෙය තෙත රෙදිකඩකින් වසා අවම වශයෙන් පැයක්වත් තබන්න. (පිටි මෝලිය වැඩි වේලාවක් තිබීමෙන් රොටිය මෘදු වේ).
✅ තාච්චියකට තෙල් ස්වල්පයක් දමා රත් වූ පසු එයට අබ ඇට සල්පයක් එකතු කර සුදු ලුනු, ලූනු, අමු මිරිස්, කරපිංචා දමා බැදෙන්න හරින්න. පසු කෑලි මිරිස්, ගම්මිරිස්, කහ සහ ලුණු එකතු කරන්න. අවසානයට පොඩි කරගත් අල හා සැමන් එකතු කර හොඳින් කලවම් කර ලිපෙන් බා නිවෙන්න හරින්න.
✅ පදම් වූ පිටි මෝලියෙන් කුඩා බෝල සාදා ගන්න. ලෑල්ලක් මත තෙල් ස්වල්පයක් තවරා පිටි බෝලයක් ගෙන ඉතා තුනී වන සේ රවුමට පතුරවන්න.
✅ තුනී කරගත් රොටිය මැදින් එළවළු මිශ්රණයෙන් ස්වල්පයක් තබා, රොටියේ හතර පැත්තෙන් නවා ත්රිකෝණාකාර හෝ සමචතුරස්රාකාර හැඩයක් ලබා ගන්න.
✅ රොටි තැටියක් රත් කර එයට තෙල් ස්වල්පයක් තවරා, සාදාගත් රොටි මඳ ගින්දරේ දෙපැත්ත රන්වන් පැහැ වනතුරු පුච්ච ගන්න. රොටියේ පැති ද තැටිය මත තබා හොඳින් පිස ගැනීමට අමතක කරන්න එපා.
Secret Tips:
✅ පිටි අනාගත් පසු මතුපිට තෙල් ස්වල්පයක් තවරා වසා තැබීමෙන් රොටිය වේලෙන්නේ නැතිව ඉතා මෘදුවට ලබාගත හැකියි.
✅ අල ගොඩක් දියවන තෙක් තම්බන්න එපා. කෑලි සිටින සේ පොඩි කර ගැනීමෙන් පිරවුම වඩාත් රසවත් වේ.
✅ රොටි පුච්චන විට ගින්දර ඉතා අඩුවෙන් තබා ගන්න. එවිට රොටියේ ඇතුළත දක්වා හොඳින් තැම්බී මතුපිට කර නොවී ලස්සනට ලැබේ.
මේ වගේ තවත් රස කෑම හදන විදිහ දැන ගන්න මගේ පේජ් එක ෆලෝ කරලා තියා ගන්න ❤️
Cook with Kaushi 👩🍳🩷
