Nori

28/07/2026

🌿 What if your plant parent life was an anime? 💚✨

27/07/2026

🍂🍁☘️

22/07/2026

Give your greens a little extra TLC and watch them transform. Routine plant maintenance isn't just about upkeep—it's pure therapy. 🌿✨

Follow us for more Nori ☘️

​Drop a 💚 if your plant babies love a good spa day too!

​

19/07/2026

18/07/2026

Proof that nature is the best artist. My vibrant croton corner. 🎨🌿

​

17/07/2026

Leafy Notes Series | Ep 02 Extra | ඇග්ලෝනීමා 🌿✨

ඇග්ලෝනීමා කියන්නේ හුදෙක් ගෙදර කොනක තියෙන සාමාන්‍ය පෝච්චි පැලයක් විතරක් නෙවෙයි. එහි තියෙන විවිධ කොළ වර්ණ නිසා ඔබේ ගෙදර අලංකරණයට (Interior) සහ වත්තට (Landscape) වර්ණවත් පෙනුමක් එක් කරන්න පුළුවන් දක්ෂ ශාකයක්.

🏡 ගෙදර ඇතුළතට (Interior Design)

වර්ණවත් Accent එකක්:-
රතු, රෝස, රිදී පැහැති කොළ තියෙන ප්‍රභේද නිසා, තනිකරම කොළ පැහැති ශාක අතරේ ඇග්ලෝනීමා එකක් තැබීමෙන් කාමරයට ලස්සන වර්ණ Contrast එකක් ගෙන එන්න පුළුවන්.

අඩු එළිය තියෙන තැන් සඳහා:-
එළිය අඩු කාමර, කාර්යාල, කොරිඩෝ වගේ තැන්වල අනිත් ශාක ජීවත් වෙන්නේ නැති තැන්වලටත් ඇග්ලෝනීමා කදිමයි. ඒ නිසාම Office Desk එකක වුනත් ලස්සනට තියාගන්න පුළුවන්.

Table Top Decoration:-
කුඩා ප්‍රභේද (Compact varieties) මේස උඩ, Shelf වල තැබීමට ඉතාම සුදුසුයි. උස වැඩි නොවන නිසා Living Room Center Table එකකට Perfect.

වාතය පිරිසිදු කිරීම:-
NASA Clean Air Study එකට අනුව ඇග්ලෝනීමා ද ගෘහස්ථ වාතයේ තියෙන විස වායු (Formaldehyde, Benzene වගේ) අවශෝෂණය කරගන්නා ශාකයක්.

Grouping Idea:-
විවිධ වර්ණවල ඇග්ලෝනීමා ප්‍රභේද කිහිපයක් එකට Group කර තැබීමෙන්, තනි ශාකයකින් ලැබෙන්නේ නැති විශාල අලංකාරයක් නිර්මාණය කරගන්න පුළුවන්.

🌿 ගෙවත්තේ අලංකරණයට (Landscaping)

සෙවන තැන් සඳහා:-
විශාල ගස් යට, බිත්ති අද්දර අව්ව අඩු තැන්වල වෙනත් මල් පැල නොවැඩුණත්, ඇග්ලෝනීමා එතන ලස්සනට වර්ණවත් Ground Cover එකක් විදිහට වැඩේ.

Border Plants ලෙස:-
ගමන් මාර්ග (Pathways) දෙපස, මල් පාත්තියක දාර වශයෙන් පේළියට සිටුවීමෙන් ලස්සන වර්ණවත් මායිමක් ලබාගත හැකියි.

Tropical Garden Look එකකට:-
Palm, Fern වගේ අනිත් Tropical ශාක එක්ක මිශ්‍ර කර සිටුවීමෙන් නිවහනට වැසි වනාන්තරයක (Rainforest) පෙනුමක් ලබාගන්න පුළුවන්.

තෙතමනය වැඩි ස්ථානවලට:-
ලංකාවේ තෙතමනය වැඩි, සෙවන සහිත ගෙවත්තු වලට ඇග්ලෝනීමා ස්වභාවිකවම ගැලපෙනවා. නිතර වතුර දාන්න වුනත් ඕන නෑ.

Pot Arrangement:-
උස අඩු, පළල් සෙරමික් පෝච්චි වල විවිධ වර්ණ ඇග්ලෝනීමා සිටුවා Patio/Balcony එකක Step එකකින් Step එකක් උසින් තැබීමෙන් ලස්සන Visual Effect එකක් හදාගන්න පුළුවන්.

ඇග්ලෝනීමා කියන්නේ අඩු එළියේ වුනත්, තෙතමනය සහිත සෙවන ස්ථානවල වුනත් ලස්සනට වර්ණවත්ව වැඩෙන, ගෙදර වාතයත් පිරිසිදු කරන ඉතාමත් ප්‍රයෝජනවත් ශාකයක්. ඔබත් අදම ඔබේ නිවසට වර්ණවත් ඇග්ලෝනීමා එකක් එකතු කරගන්න! 🌿

~ ✍️ Nori | Your Daily Dose of Green~

මේ වගේ design ideas, plant care tips ගැන දැනගන්න Nori අපේ පිටුව Like කරන්න, Follow කරන්න 🌱

ජායාරෑප අන්තර්ජාලයෙන්.
#සෙවනපැල #ගෙවතුඅලංකරණය #නිවාසනිර්මාණ #ස්වාභාවිකජීවිතය

17/07/2026

Leafy Notes Series | Ep 02 | ඇග්ලෝනීමා ශාකය 🌿✨

ඔයාලගේ ගෙදරත් චීන Evergreen එහෙමත් නැත්නම් ඇග්ලෝනීමා ශාකයක් තියනවාද? අපේ රටේ ගෙවල් ඇතුළේ බහුලවම දැකගන්න පුළුවන් ලස්සන කොළ පැහැති ශාකයක් මේක. හරියටම රැකබලා ගන්නේ කොහොමද කියලා බලමු..

🌿 ඇග්ලෝනීමා (Chinese Evergreen)

ඇග්ලෝනීමා කියන්නේ Araceae නම් ශාක පවුලට අයත් ශාකයක්. විද්‍යාත්මක නම Aglaonema commutatum වුවත් වර්ණවත් ප්‍රභේද ගණනාවක් අද වෙළඳපොලේ තියෙනවා.

🌱 පස සහ පෝච්චිය:

ඇග්ලෝනීමා ට ජලය හොඳින් බැස යන, කාබනික ද්‍රව්‍ය බහුල පස අවශ්‍යයි.

පීට් මොස්, පර්ලයිට් සහ සාමාන්‍ය ගෙවතු පස සමාන ප්‍රමාණයෙන් මිශ්‍ර කිරීම සුදුසුයි.

🌞 එළිය:

ඇග්ලෝනීමා අඩු එළියට හෝ මධ්‍යම එළියට හොඳින් ජීවත් වෙන ශාකයක්. ඒ නිසාම එළිය අඩු කාමර, කොරිඩෝ වගේ තැන් වලටත් ඉතාම සුදුසුයි.

කෙසේ වුවත් රතු/රන් පැහැති ප්‍රභේද වල වර්ණ ලස්සනට පේන්න නම් සෘජු නොවන දීප්තිමත් එළියක් ටිකක් අවශ්‍යයි.

සෘජු හිරු එළිය වැදුනොත් කොළ පිච්චෙනවා, වර්ණයත් මැකෙනවා.

🌦️ ජලය:

ඇග්ලෝනීමා ට හැම වෙලාවෙම පස ටිකක් තෙතමනයෙන් තියාගන්න ඕන. පස මතුපිට ඇඟිල්ල ගැඹුරට වියළුණාම පමණක් ජලය දෙන්න.

වැදගත් කරුණක්: නළ ජලයේ තියෙන රසායනික ද්‍රව්‍ය වලට ඇග්ලෝනීමා ඉතාම සංවේදී. ඒ නිසා කොළ අග කළු/දුඹුරු පැහැ වෙනවා නම් පෙරූ ජලය හෝ වැසි ජලය පාවිච්චි කරන්න.

🌡️ උණුසුම සහ තෙතමනය:

ඇග්ලෝනීමා උණුසුම් රටවල ශාකයක් නිසා 18-27°C අතර උණුසුමක් සහ වැඩි තෙතමනයක් කැමතියි. සීතල සුළං (Fan/AC) වලින් වළක්වාගන්න.

🌻 මල් පිපීම:

මේ පවුලේ අනිත් ශාක වගේම ඇග්ලෝනීමා ද කොළ/සුදු පැහැති කුඩා මල් හට ගන්නවා. ඉන් පසුව රතු/තැඹිලි පැහැති ගෙඩි ඇතිවෙනවා. නමුත් මේ ශාකයේ ප්‍රධාන ආකර්ෂණය මල් නෙමෙයි, ලස්සන කොළ වර්ණයයි.

❇️ පොහොර:

වර්ගය:
සමබර දියර පොහොර (NPK 10-10-10 හෝ 20-20-20) වඩාත් සුදුසුයි. ස්වාභාවික පොහොර කැමති අයට කොම්පෝස්ට් ටිකක් හෝ මෘදු සාන්ද්‍රණයේ මාළු පොහොරක් (Fish Emulsion) දෙන්නත් පුළුවන්.

දෙන ආකාරය:
පැකට් එකේ කියන ප්‍රමාණයට වඩා අඩක් තනුක කරලා (ජලය වැඩියෙන් එකතු කරලා) දෙන්න, මුල් පිච්චීම වළක්වගන්න. පොහොර දාන්න කලින් පස ටිකක් තෙත් කරගන්න, වියළි පසට පොහොර දාන්න එපා.

කාලය:
ශාකය අලුත් දළු දමන කාලයේ (වර්ෂාව වැඩි කාලයට පස්සේ) මාසෙකට වරක් දෙන්න. ශීත/විවේක කාලයේ (වර්ධනය මන්දගාමී කාලේ) පොහොර දීම සම්පූර්ණයෙන්ම නවත්වන්න.

විශේෂ උපදෙස්: වැඩිපුර පොහොර දීමෙන් කොළ දාර දුඹුරු වීම, මුල් කුණුවීම වගේ ගැටළු වෙන්න පුළුවන්. අලුතින් සිටුවූ පැළයකට මාස 1-2ක් යනකම් පොහොර දෙන්න එපා, පස පීට් මොස්/කොම්පෝස්ට් වගේ පෝෂ්‍යදායි මාධ්‍යයක් නම් අඩුවෙන් පොහොර දුන්නත් ප්‍රමාණවත්.

🔋 පැල කරගැනීම:

කඳ කැපීම: ඉහළ කොළයක් සමග කඳක් කපා ජලයේ හෝ පසේ සිටුවන්න.

වෙන් කිරීම: නැවත සිටුවන විට ශාකයේ පහළින් හට ගන්නා කුඩා පැල වෙන් කර වෙනම සිටුවන්න.

⚠️ විශේෂ සටහනක්:

ඇග්ලෝනීමා ශාකයේ විෂ සහිත ස්ඵටික අඩංගු නිසා, මිනිසාට සහ සුරතල් සතුන්ට හානිකරයි. ගිලගත්හොත් මුඛය දැවීම, ඉදිමීම ඇතිවිය හැකි නිසා ළමුන් සහ සතුන් ළඟින් ප්‍රවේශමෙන් තබාගන්න.

🕷️ පළිබෝධ:

Mealybugs සහ Spider Mites තමයි ප්‍රධාන ගැටළු. Alcohol ද්‍රාවණයකින් තෙත් කරපු පුළුන් කැබැල්ලකින් ස්පර්ශ කර ඉවත් කරගන්න පුලුවන්.

🚫 රෝග:

වැඩිපුර ජලය දීමෙන් හට ගන්නා මුල් කුණුවීම සහ බැක්ටීරියා කොළ පැල්ලම් තමයි ප්‍රධාන රෝග. රෝගී කොටස් පිහියකින් ඉවත් කර, ජලය දීමේ ප්‍රමාණය අඩු කරන්න.

සාරාංශය - ඇග්ලෝනීමා (චීන Evergreen) කියන්නේ අග්නිදිග ආසියාවේ උපත ලද, අඩු එළියටත් හොඳින් හැඩගැහෙන ශාකයකි. එය තෙතමනය සහිත පස, පිරිසිදු ජලය සහ වැඩි තෙතමනයක් කැමති ශාකයක් වන අතර, විෂ සහිත ස්ඵටික නිසා සුරතල් සතුන්ට හා ළමුන්ට හානිකර බැවින් ප්‍රවේශමෙන් තැබිය යුතුය. 🌿✨

~ ✍️ Nori | Your Daily Dose of Green~

මේ වගේ ලස්සනම ශාක ගැන දැනුම හොයාගන්න Nori අපිත් එක්ක අදම එකතු වෙන්න. 🌿✨

ඔයාලගේ ගෙදරත් ඇග්ලෝනීමා තියනවාද? Comment කරන්න! 👇

අපේ පිටුව Like කරන්න, Follow කරන්න 🌱

#ගෙවතු_වගාව

09/07/2026

Stop moving me every two days. I'm a plant, not furniture. 😁