12/03/2026
⭕. පිටකොටු වැනුම.....✍️☺️
උදේට දකින, රෑට නොදකින තොට ළඟ
කෙලින් පාරට ගෑස්පහ වෙත
ආවඩා
මරදානට පිටුපා ඇඳෙන්නේ
කොටුව වෙත
අඩි සීය පාර ළඟ
අහස උසට මුට්ට පිට පිට
කට්ට කාගෙන, කොක්ක එක්කම
හක්ක පන්නන වචන එක දෙක
බීර සුවඳට මුසු වෙලා
ගලා යයි කොටුව බෝධියට
පට්ට හැඩ ඇති කට්ට ගෑණුත්
වට්ටිවල නැති ඇඹුල් අඹ ගැන
මුට්ටි හිස් වූ පටාචාරත්
බුදුන් දුන්නැති රෙද්ද ඇඳගෙන
හොයනවා ටයි, කෝට්, බද පටි
එල්ලෙන්න ලණු මදි වෙලා ඇති
Office touchers, ටයි කෝට් පටි
සුවඳ ගහගෙන මැරුණු නහයක්
එක්ක යනවා බැස්ටියන් ළඟ
පාවි පාවි බර්ගර් කන්නට
කුණු කුණු ගගා, කුණු එක්ක
ගැටෙන උරහිස් සොරිය පවසා
තුසිතයක් හොයනවා
තුසිතයක් නැති තැනක
හොරිය කහ කහ හඩුත් එක්කම
මාරු කාසිය ඔරවලා
කොලේ දැක්කම හිනහිලා
මහෝෂධවත් ඉන්න ඕනේ
හොඳ කරන්නට තුවාලේ
හෝන් ගහ ගහ, නානු බැහැ බැහැ
අවසන් ටර්න් එක
දුවනවා ගෙදරට
ලේ රහත් ඇති උගුරු එක්කම
ලෝකේ නැති බඩු මුදල් කරලා
පල්ල නැති කළ පුරවන්නට
නහිනවා දෙහිනවා අකාලයේ
කොටුව බෝධිය පාමුලට වී
ලොවක් සැනසූ නිවුන බුදුරුව
හැම එකාගෙම රහස් සඟවා
හිතට සැනසුම ලබා දෙන බව
එකදු පර මලක් නැති නියාවෙන්
දැන ගතිමි මම
Lahiru Lakshan....✍️♥️ (හිතුවක්කාර පන්හිඳ)
