Nalu Kirthi Sabha

14/09/2026

ප්‍රවීණ නර්තනාචාරිණී, විරිඳු සහ ජන ගීත ගායිකාවක වන දයා නෙල්ලම්පිටිය මහත්මිය අභාවප්‍රාප්ත වේ.

අද(14) උදෑසන ඇය අභාවප්‍රාප්තවන විට 91වැනි වියෙහි පසුවිය.

ප්‍රවීණ ජන හා විරිඳු ගායකයකු වූ සේන ෆොන්සේකා මහතා සමග 55 වසරක් යුග ජීවිතය එකට ගත කළ ඇයගේ නාමය විරිඳු සහ ජන ගායනා මෙන්ම නර්තනය සමග යුග යුග බැඳී පවතින්නකි. 2012 වසරේ අගෝස්තු දෙවෙනිදා සේන ෆොන්සේකා මහතා ජීවිතයෙන් සමුගත් අතර දයා නෙල්ලම්පිටිය මහත්මිය මෙරට සිටි ජේෂ්ඨතම කලාවේදිණියන්ගෙන් කෙනෙකි.

"නරි බෑණා" වේදිකා නාට්‍යයේ වසර 40ක් පසුබිම් ගායනා කර ඇති ඇය "ගජමන් පුවත", "පද්මාවතී", "ජසයා සහ ලෙංචිනා" නාට්‍යවල ද ගීත ගායනා කර ඇත.

සේන - දයා යුවළ විරිඳු නොගයන වෙසක් තොරණක් ද එකල නොවීය. ජී. එස්. බී. රාණි පෙරේරා මහත්මිය සම්පාදනය කළ සරල ගී වැඩසටහනකදී ඔවුන් දෙපළ ගායනා කළ ප්‍රේමකීර්ති ද අල්විස් ලියා ඩී. ආර්. පීරිස් සංගීතවත් කළ "ගිනි කුකුළයි ගිනි කිකිළියි අන්දර අත්තේ.........." ගීතය ජනාදරයට පත් වූ ගීයකි.

දයා නෙල්ලම්පිටිය මහත්මිය ගුවන්විදුලියේ විශිෂ්ට ශ්‍රේණියේ ජන ගී ගායිකාවකි.

අවසන් ගෞරව දැක්වීම සඳහා දයා නෙල්ලම්පිටිය මහත්මියගේ දේහය ඇය පදිංචි වී සිටි කලුබෝවිල නිවසේ තැන්පත් කර ඇති අතර, අවසන් කටයුතු අනිද්දා(16) සවස 6ට කොහුවල සුසාන භූමියේ දී සිදු කෙරේ.

✍️ චානක ඉනෝජ්

28/07/2026

#දයානන්දගුණවර්ධන නාට්‍ය උළෙල
කමත රඟහලේ දී සවස 3.30ට හා 6.30ට

අගෝ. 21 සිකුරාදා #මධුරජවනිකා
අගෝ. 22 සෙනසුරාදා #නරිබෑනා සමඟ ජසයා සහ ලෙන්චිනා
අගෝ. 23 ඉරිදා #බක්මහඅකුණු

14/07/2026

අතීතයෙන් වර්ථමානයට ගලන #මධුරජවනිකා
"වර්තමානයේ දී අපි මුහුණ දී ඇති මූලිකතම ප්‍රශ්නයක් තමයි විදේශීය බලපෑම් හේතුකොට ගෙන දේශීය සංස්කෘතිය විනාශ වී යන්නේය යන භීතියක් අප තුළ පැවතීම."
ආශ්‍රිත ලිපිය: දෙසතිය 1983/ජූලි/15 (පිටු32-33)
#දයානන්දගුණවර්ධන නාට්‍ය නිර්මාණ මධුර ජවනිකා හෙවත් හිංගල වංශය
2026 ජූලි 18 සෙනසුරාදා සවස 3.30 හා 6.30ට
පිළියන්දල මධ්‍ය මහා විද්‍යාලීය ශ්‍රවණාගාරයේ දී.

24/06/2026

#දයානන්දගුණවර්ධන මහතා නිර්මාණය කල අසමසම නිර්මාණය #නරිබෑනා සමඟ ජසයා සහ ලෙන්චිනා නාට්‍ය #මහනුවර උඩරට කලා සංගම් ශාලාවේ දී ප්‍රදර්ශනය කල අවස්ථාවේ Chethiya Peiris තරුණ රංගන ශිල්පියා විසින් කැමරාවට හසුකරගත් විවිධ රූප රාමු ඔහු විසින්ම සංස්කරණය කිරීමෙන් පසු.

24/06/2026

අවුරුදු 33කට පෙර නිවීගිය ඇවිදින පුස්ථකාලය...
1934 ඔක්තෝබර් මස 15 දා ඉපිද 1993 ජූනි 24 දා අවුරුදු 58ක දිවි සැරිය නිමකර මෙලොව හැර ගිය #දයානන්දගුණවර්ධන මහතා ගේ 33 වන අනුස්මරණය අදට යෙදී තිබේ.
කලාව වෙනුවෙන් නිහඬ සේවාවක් කල එතුමාගේ නිර්මාණයන් හෙට දවසේ පරපුර වෙනුවෙන් රැක ගැනීම අපගේ පරම යුතුකම වේ.
දයානන්ද ගුණවර්ධන මහතාගේ #නළුකීර්තිසභා නාට්‍ය කණ්ඩායම ඇති කොට ඒ තුලින් නිර්මාණ නැවත නිෂ්පාදනය 1993 වර්ෂයේ පටන් සිදුකිරීම අඛන්ඩව සිදුවුනි. ඒ සඳහා නොමසුරුව සිය දායකත්වය ලබා දෙමින්, විවේචන, වාද-විවාද මැදින් වසර 33 ම ගුණවර්ධනයන් ගේ නිර්මාණ නව පරම්පාරවට සියැසින් දැක ගැනීමට දිවා-රෑ වෙහෙසෙන ප්‍රවීණ, නවක ශිල්පීන් සැමගේ උත්සාහය අගය කරමු.
අතීතයේ මෙන්ම අදටත් එතුමන්ගේ නිර්මාණ රස විඳිමින් ඒවා අගය කරමින් සහෘද රසික රසිකාවියන්ගේ දක්වන ආදරය නාට්‍ය නිර්මාණකරනයේ යෙදෙන අප සැමට මහත් වූ ශක්තියකි.
සරල සුන්දර නිර්මාණකරුවකුගේ මේ නිර්මාණ තව බොහෝ කලක් සුවහසක් වූ රසිකදන් තුල ආනන්දය ප්‍රභාවත් වී රසඥතාවය ඇති කිරීමේ සංවේදන ප්‍රකම්පනය කරමින් ප්‍රඥාවේ දොරගුලු විවර වේවා!

01. දයානන්ද ගුණවර්ධන මහතා අවසන්වරට සජීවී වුනු #මධුරජවනිකා දර්ශනයේ නළු සමූහය සමඟින්, 1993 ජූනි 18 දින කොළඹ එලිෆින්ස්ටන් රඟහල.
02. දයානන්ද ගුණවර්ධන මහතා අවසන්වරට සජීවී වුනු #මධුරජවනිකා දර්ශනයට පෙරාතුව පෙර පුහුණු අවස්ථාවක්, 1993 ජූනි 18 දින කොළඹ එලිෆින්ස්ටන් රඟහල.
03. 1990 දී සරසි පුවත් පත්‍රයේ ලක්ෂ්මන් මල්ලවආරච්චි මහතා සමඟ කල පුවත්පත් සාකඡ්චාව.
04. 1960 දශකයේ #නරිබෑනා දර්ශනයක් බැලීමට පැමණී කොරියානු නියෝජිතයන් සමඟ - වම්පස කෙලවර සිටින්නේ දයානන්දමහතා #කාමරේපොරේ හි පෙරේරා ලෙස

30/05/2026

වේවා ඔබ හට මංගලම් - සැමට ජයසිරි මංගලම්!!!

කථක:
පළමු දීපංකර බුදුන් කල සුමේදය තවුසා ලෙසින්
මුනිඳු ගෞතම ඒ උතුම් ලබා විවරණ පළමුවෙන්
සුවඳ මල් ගෙන සිරි අතින් දණ නමා වැන්දයි අසිරියෙන්

පාහියන්:
ඒ අනුහසයෙන් පිරිත වැඩුවෙමි බුද්ධ තේ ජය මංගලම්

කථක:
දැක්ක රාහුල කුමරුවන් මව් තුරුලෙ ඉන්නා සන්තොසින්
චිත්ත දැඩි කර මුනි උතුම් ගත්ත පය මහ මෙර ලෙසින්
වස්තු සම්පත් හැර සැනින් ගියෙ යන්ට කන්ථක අසු පිටින්

පාහියන්:
ඒ අනුහසයෙන් පිරිත වැඩුවෙමි ධම්ම තේ ජය මංගලම්

කථක:
ගොත ගොතා මුතු මාල බරණින් ඇලි ඇතා බැඳ දන් දෙමින්
පත පතා බෝසත් ලෙසින් කරපු වීරිය මහ සතුන්
මතු මෙතේ බුදු නෙත් දෙකින් දැක ගන්ඩ පෙරුමන් පුරනු දැන්

පාහියන්:
ඒ අනුහසයෙන් පිරිත වැඩුවෙමි සංඝ තේ ජය මංගලම්

දෙදෙන:
බුද්ධ ධම්මය සංඝ යන මේ ත්‍රිවිධ රත්නේ අනුහසින්

පාහියන්:
වේවා ඔබ හට මංගලම්

දෙදෙන:
සැමට ජයසිරි මංගලම්//

දයානන්ද ගුණවර්ධන නාට්‍ය නිර්මාණය "මධුර ජවනිකා හෙවත් හිංගල වංශය"සයවන ජවනිකාව: පාහියන් ගේ වන්දනාවගීත: දහම් ගැට මාල.....

12/03/2026

#නරිබෑනා
කුලියාපිටිය ශ්‍රී නාගාරාම විහාරස්ථ දේශන ශාලාවේ දී
මාර්තු 15 දා සවස 3.30ට හා 6.30ට

04/02/2026

#මධුරජවනිකා සූදානම්