25/07/2021
කොල්ලෙක් කොච්චර වැරදි කලත්
දාලා යන්නේ නැති කෙල්ලෝ නැද්ද?
කොල්ලා පොඩ්ඩක්වත් ගනන් ගන්නේ නැත්නම් ඌ මත්තෙම නහින කෙල්ලෝ නැද්ද?
මොන තරම් දේවල් කියලා බැන්නත් සීරුවෙන් ඒවා අහන් ඉදලා ලං වෙන්න චාටු බස් කියන කෙල්ලෝ නැද්ද?
අත් හරින්න හේතු දාහක් තියෙනකොට
මොන හේතුව ආවත් ඒ හිත මත්තෙම නැහි නැහි ඇලි ඇලි ඉන්න කෙල්ලෝ නැද්ද?
වටේ ඉන්න මිනිස්සු මොන දෙවල් කිව්වත්
ලෝකයක්ම විවේචනය කලත්
අම්මෙක් වගේ ලගින්ම ඉන්න කෙල්ලෝ නැද්ද?
බොරු දේවල් වලට රංඩු වෙලා වරු ගනන් තරහ වෙලා ඉදියත්
ඊලග වරුවේ ඉදන් ආදරෙන් ඉන්න කෙල්ලෝ නැද්ද?
කොච්චර සල්ලි තිබුනත්
කොච්චර ඇග කද තිබුනත්
කොච්චර ලස්සන හැන්ඩියෝ දැක්කත්
ඉන්න එකාගේ ගුණ වර්ණනනා කර කර තාත්තෙක් වගේ උගේ පස්සෙන් ඉන්න කෙල්ලෝ නැද්ද?
මහ රෑ දෙගොඩහරියේ ගමනක් බිමනක් ගියත්,
උඹ ඇවිත් නිදා ගනින්
මම නිදා ගන්නවා කියන කෙල්ලෝ අතරේ
ඌ එනකම් ඇහැක් පිය වන්නේ නැතුව
ෆෝන් එකේ චාර්ජ් බැහැලා ඕෆ් වෙනකම් කෝල් කර කර වද දෙන කෙල්ලෝ නැද්ද?
කොහේ ගියත් පරිස්සමින් ගෙදර යනකන් හිතේ ගින්දරින් අම්මෙක් වගේ බලන් ඉන්න කෙල්ලෝ නැද්ද?
උඹට ඒක වදයක් කරදරයක් වගේ
පෙනුනත් ඒක තමයි ඒකිගේ ආදරේ
මට උඹ එපා,
මගෙන් ඈත් වෙයන් කිව්වාමත්,
නෑ මං යන්නෑ කියලා උෟ මත්තෙම නහින කෙල්ලෝ නැද්ද?
තමන්ගෙ සතුට දියුණුව
විතරක් හොයන කෙල්ලෝ අතරේ
උඹගෙ සතුටයි දියුණුවයි දකින්න කැමති කෙල්ලෝ නැද්ද?
ලෝකෙම උඹ වැරදියි කිව්වත්
උඹ මත්තෙම නැහෙන ලෝකයක් ඉස්සරහ උඹ හරියි කියලා ඔප්පු කරන්න දඟලන කෙල්ලෝ නැද්ද?
උඹට බැහැ කියල අතෑරල දාන්න හිතපු දේවල් නැහැ ඒක ඔයාට පුළුවන් කියලා උඹට ශක්තියක් උන කෙල්ලෝ නැද්ද?
එපා කිව්වම වෙන උන් ලග හුරතල් වෙන කෙල්ලෝ අතරේ මට වෙන එකෙක් එපා උඹවමයි ඕනි කියලා උඹ මත්තෙම නහින කෙල්ලෝ නැද්ද?
ඉන්නවා,
ඉන්න එකා යකෙක් උනත් ඇත්තටම ආදරේ එකී උෟ ලග ඉන්නවා
යන එකී දෙවියෙක් ලග හිටියත් යනවමයි
කොටින්ම කිව්වොත්
උඹට හොදනම් මට බැරිද
කියන කෙල්ලෝ අතරේ
කොච්චර මොන දේ කලත් ඌ එක්කම දීග යන්න බලාගෙන ඉන්න කෙල්ලෝ ඉන්නවා,
දැන් පොඩි වැරැද්ද කලත්
ලොකු වැරැද්දක් කලත්
මොන දේ කලත්
වටේ එවුන් එක්ක හුරතල් වෙන කෙල්ලෝ අතරේ
ඒ හැම දේම අමතක කරලා තව එකෙක්ට හිමීට හේත්තු වෙන කෙල්ලෝ අතරේ
අර කිව්ව වගේ කෙල්ලෙක් ලබන්න පිං කරන්න ඕනි,
මොකද
අද කාලේ ගොඩක් ආදර කතා එහෙමයි
මුලදි හායි
මැදදි රහයි
අන්තිමට තරහයි
දැන් උඹලා කියයි කොල්ලා කොච්චර වටේ ගියත් අපි බාර ගන්න ඕනිද
ඌට හොදනම් ඇයි අපිට බැරි කියලා නිදහසට කාරනා කියයි,
ඒත් එදා සිද්ධාර්ථ කුමාරයා යශෝදරාව
තනි කරලා හොර රහසේ ගිය වෙලාවේ
එදා යශෝදරාව දැන් උඹලා ඔය කරන දේවල් කලාද?
යශෝධරා දැන සිටියා මතු යම් දිනෙක
බැදීම නිමවෙනවා කියලා
ඒත් ආදරේ නාමයෙන් කිසිදා
හැර ගියාද
තනි කලාද
විවේචනය කලාද
හදවතින් තට්ටු කරලා අහපන්,
කොච්චර හේතු කාරනා තිබුනත්
ආදරේ නාමයෙන්
ඒ හැම දේම ඉවසගෙන ඉදියා නේද?
උඹ ඒකිට කොච්චර බැන්නත් අපහාස කරත් ඒකි ඒ හැම දේම එක හිනාවකින් අමතක කලේ නැද්ද?
උඹ කොච්චර ඒකිට නපුරුකම් කලත්
ඒකි ඒවා ඉවසුවේ නැද්ද?
ඔව් අදත් ඉන්නවා
යශෝදරාව කුලේ ගැහුනු
තාමත් හූල්ල හූල්ල එක ආදරයක් මත්තෙ නැහෙන,
ඒ ආදරේ වෙනුවෙන් තාමත් බලාගෙන ඉන්න,
පිරිමි සීයක් දැක්කත් සත පහකට ගනන් ගන්නේ නැති,
ගැහැණු ඕනි තරම් ඉන්නවා,
ආදරේ තිබ්බේ,
උඹට බැරිනම් මට බැරි නෑ කියන තැනවත්,
වටේම එවුන් අල්ලගෙන හුරතල් වෙන තැනවත්,
වැරදි හොය හොය තමන් නිවැරදි කාරයෙක් කර ගන්න තැනවත්,
බලෙන් තියා ගන්නේ නෑ යන්න ඕනිනම් යන්න පුලුවන් කිව්ව තැනවත්,
උඹට එපානම් මටත් එපා කිව්ව තැනවත්,
දුක අමතක කරන්න තව එකෙක් ගාවට ලං වෙච්ච තැනවත් නෙවෙයි,
ආදරේ තිබ්බෙම එක හිතක් මත්තේ නැහි නැහි ඇලි ඇලි ඉදලා
ඒ හිත මත්තෙම සැනසිලා
හිත් දෙක අල්ලගෙන සංසාරෙන් එතෙර කරපු තැන විතරමයි!
Credits goes - යසිත් 🌸🖤
