06/07/2025
ඔයා ඕනෑම විදිහක social media content කරන්න බලාපොරොත්තු වෙනවා නම්, ඔයා නොකල යුතුම දෙයක් තමා මුලින්ම යාලුවෝ හරි, කොයි විදිහකින් හරි ඔයාව සැබෑ ලෝකේ දන්න අයට invite කරලා add කර ගන්න එක. හේතුව මෙන්න මේකයි.
ඔයාලා අහලා තියෙනවනේ algorithm (ඇල්ගොරිතම්) කියන එක. දැන් කාලේ content අති විශාල ප්රමාණයක් තියෙන නිසා social media හැම එකක්ම ගොඩක් සංකීර්ණ ඇල්ගොරිදම් පාවිච්චි කරනවා අපි දාන ඕනෑම විදිහක content එකක්, ඒ කියන්නේ අකුරු විදිහට ලියපු කවියක්, සින්දුවක්, කතාවක්, හෝ ඕනෑම ලියමනක්, පින්තූරක් විදිහට දාන දෙයක්, වීඩියෝවක්, යනාදී ඕනෑම දෙයක්, කොච්චර හොඳද, ඒක ගොඩක් අයට පෙන්නන්න ඕනෙද, එපාද, වගේ දේවල් තීරණය කරන්නේ ඔය සංකීර්ණ ඇල්ගොරිතම් එකෙන් දත්ත බොහෝමයක් සලකා බලලා.
එතකොට යාලුවෝ හෝ අදුරන අය එකතු කර ගත්තාම මොකද වෙන්නේ?
ඔයාලා පේජ් එකක් හෝ චැනල් එකක් හදාගෙන, මුලින්ම පවුලේ අය, යාලුවෝ, අඳුරන අය රොත්තකට ඕක යැව්වම වෙන්නේ, එයාලා ඔයාව ෆලෝ කරන්න ගන්නවනේ. ඉතින් ශෝයි කියලා හිතෙනවද? ඇත්තටම වෙන්නේ මේකයි.
ඔය ගොඩක් අය ඔයා යමක් කරන එකට ඊරිසියයි හෝ ඔයා කරන දේවල් වලට වටිනාකමක් දෙන්න අකමැතියි හෝ ඔයාගේ content වලට කැමති නෑ
එයාලා ඔයාව ෆලෝ කරන්නේ, එක්කෝ බෑ කියන්න බැරි කමට, නැත්තං ඕපා දූපේ බලා ගන්න ඕනේ කමට.
එතකොට, ඔයා මොකක් හරි පෝස්ට් කරපුවහම වෙන්නේ, ඔයාගේ ඔය මුල් ෆලෝවර්ස් ලා හරි සබ්ස්ක්රයිබර්ස් ලා විදිහට ඉන්න යාලුවොයි, අඳුරන එවුනුයි, ඔයා දාන එක බලන්නෙත් නෑ, දැක්කත් රිඇක්ට් නොකර නිකං ඉන්නවා. එතකොට ඇල්ගොරිදම් එක හිතන්නේ ඔයාගේ කොන්ටෙන්ට් එකේ අවුලක් කියලා, ඒක තව අයට පෙන්නන එක අඩු කරලා හරි නවත්තලා හරි දානවා. ආයේ මලාට ඔයාගේ පේජ් එක හරි චැනල් එක හරි එතනින් එහාට වර්ධනය කර ගන්නවා බොරු.
ඔයා සිරාවට මහන්සිවෙලා කොන්ටෙන්ට් හදන serious content creator කෙනෙක් නම්, නිකමට වත් දන්න අඳුරන අයව මුලින් add කර ගන්න එපා. ඔයාට ඕනේ ඇත්තටම ඔයාගේ වැඩවලට කැමති, ඉස්සරහට දිගටම ඒවා බලන්න කැමති genuine fan base එකක්. ඉතින් හෙමීට ඔයාගෙම ෆෑන්ස් ලා ටිකක් එකතු වෙනකල් ඉවසීමෙන් බලන් ඉන්න. එයාලා තමයි දිගටම ඔයා දාන එවා බලන්නෙත්, ඒවට රිඇක්ට් කොමෙන්ට් කරන්නෙත්, ශෙයා කරන්නෙත්. එතකොට තමා ඇල්ගොරිතම් එක හිතන්නේ, ඔයාගේ කොන්ටෙන්ට් හොඳයි කියලා, ඒවා තව අයට පෙන්නන්නේ.
මුල වැරදුනොත්, මං වගේ සදා කෙලවෙලා, හදා ගත්ත පේජ්, චැනල් අත අරින්ඩත් බැරි, මුල ඉඳලා ආයෙත් කරන්නත් බැරි තැනකට ඇවිත්, බකංනිලං ඉන්ඩ තමා වෙන්නේ. අත්දැකීමෙන් කියන්නේ.
-එන්ඩී-
උ.ගැ