01/06/2024
Barakamon - විසේකාර ළමයා
ඇනිමේ කියන්නෙ නිතරම අපිට අලුතෙන් යමක් උගන්වන දෙයක්. ඉතින් කවදාවත් පවතිනවා කියලා හිතුවෙවත් නැති කලාවක් ගැන කියල දුන්න ඇනිමේ එකක් තමයි මේ Barakamon කියන්නෙ.
Barakamon anime එක එන්නෙ 2016 දි... මේ ගැන කතා බහ ආය ඇතිවෙන්නෙ අර hype, story කියන මීම් ටෙම්ප්ලේට් එක නිසා. ඒකෙ විදිහට hype එක 0ක් කියල කට්ටිය කිව්වට ආව දවස් වල හොඳටම හිට් වුණු ඇනිමේ එකක් විදිහට පරිණත ඇනිමේ ෆෑන්ස්ලා මතක් කරලා තිබ්බා.
ගායිස්, Barakamon කියන්නෙ healing anime අතර masterpiece එකක්... characters, story,moral,animetion වගේ හැම දෙයක්ම peak තියන cringe නැති අමුතුවෙන් asthetic ගතියක් ඔබන්න ගියේ නැති ඇනිමේ එකක්.
(ගොඩක් හීලින් ඇනිමේ Studio Ghibli වගේ කරන්න ගිහින් අනා ගන්නවනෙ)
කතාව ගෙතෙන්නෙ තමාගෙ වෘත්තීය ජීවිතයේ ඉදිරි දිශාව හොයාගන්න හිතලා පොඩි දූපතකට යන Handa Sheishuu කියන තරුණ calligrapher වටා.
මොකක්ද මේ Calligraphy කියන්නෙ ? ඇනිමේ එක ගැන මේකෙන් පස්සෙ විස්තර කරන්නම්...
Calligraphy - සරලවම " කලාත්මක ලෙස ලිවීම " . Japanese වලින් නම් Shodo/ Suji විදිහට මේ කලාව හඳුන්වනවා. සරලවම කිව්වොත් මේකෙදි කරන්නෙ සාම්ප්රදායික කලු තීන්ත සහ පින්සල් භාවිතා කරමින් කිසියම් කලාත්මක සහ අර්ථවත් පාඨයක් /වචනයක් සුදු රෙද්දක් හෝ කඩදාසියක් මත ඇඳීම...
ඇත්තම කිව්වොත් calligraphy කියන දේ ජපානෙ විතරක් නෙමේ ලෝකෙ පුරාම විසිරිලා තියන කලාවක්. ඒ සම්බන්ධ ලෝක ශූරතා තරගාවලි පවා තියනවා. මේක රක්ෂාවක් විදිහටම කරන්න ප්රගුණ කරල කරන්න පුලුවන් කියල දන්නෙ Barakamon බැලුවට පස්සෙ. මේ calligrapher ලා කලා කරුවන් විදිහට හඳුන්වනවා. මම වැඩි විස්තර කියන්න යන්නෙ නෑ ඉතින්. කැමති අයට යූටියුබ් එකේ සර්ච් කරලා අකුරු අඳින හැටි , ඒ කලාව ගැන වැඩිදුර දේවල් ඉගනගන්න පුලුවන්... ජපානෙ මේ කලාවෙ විශාල පිළිගැනීමක් තියන බව නම් පේනවා. ( අකුරු අඳින කලාව ලංකාවෙත් තියනව... )
=========
ආපහු Barakamon පැත්තට එමු...
ඉතින් Handa Sheishuu එයාගෙ Calligraphy නිර්මාණයක් විවේචනය කරපු එයාගෙ ප්රධානියාට කණ පැලෙන්න එකක් ගහනවා 😅... ඊට පස්සෙ එයාගෙ තාත්තා එයාව මේ දුරබැහැර තියන දූපතට පිටුවහල් කරනවා ගිහින් කලාව හරියට ඉගනගෙන වරෙම් කියල...
Handa ට මෙහේදි අවුරුදු හයක විතර පොඩි ගැණු ළමයෙක්ව හම්බ වෙනවා. එයා තමා Naru... ඇනිමේ එකේ නම - Barakamon කියන එකෙන් අදහස් කරන විසේකාර ළමයා තමා මේ Naru. Naru ඇවිල්ලා දඟ බෝලයක්...
ඉතින් Naru, එයාගෙ යාළුවෝ, ගම් වැසියො එක්ක අපේ කතා නායකයා Handa තමාගෙ ජීවිතේ මුසු කරගන්න හැටි, එයාගෙ මානසික පීඩනය සමනය කරගන්න හැටි... එයා ටික ටික සුව වෙන හැටි... එයාගෙ නිර්මාණ වලට වස්තු බීජ හොයාගන්න හැටි තමා මේ කතාවෙ තියෙන්නෙ...
මේක මාරම wholsome කතාවක්... එපිසෝඩ් එක ඉවර වෙනවා දැනෙන්නෙවත් නැහැ. එක රැයින් ඉවර කරලා කල්පනා කර කර ඉන්න පුලුවන් කතාවක් තමයි barakamon කියන්නෙ. මේ කතාවට sequel එකක් තියනවා Handa Kun කියල. ඒක අපේ Handa ගෙ high school කාලෙ ගැන තියන ඇනිමේ එකක්. ඒ වගේම සුපිරි Live action එකකුත් තියනවා.
අපි ගොඩක් අය ඉගනීම එක්ක, තමාගෙ වෘත්තිය එක්ක කාර්යබහුල වෙලා ඉන්නවා. එහෙම ඉන්නකොට නොදැනීම අපි ලෙඩ වෙනවා. කායිකව වගේම මානසිකවත්... ඉතින් අපිට සුව වෙන්න ඕන...
එහෙම නම්,
අපිට ඉර එළිය ඕන... නිල් පාට වතුර ඕන... පිරිසිදු හුළඟ ඕන... Positive vibes දෙන මිනිස්සු ඕන... සැබෑ යාළුවෝ ඕන, ප්රඥාවන්ත වැඩිහිටියො ඕන...
Barakamon කියන්නෙ indeed heeling anime එකක්... ඔයාට දැනෙනව නම් ඔයා දැන් පහලටම වැටිලා ඉන්නෙ කියල... Barakamon බලන්න... අනිවාර්යයෙන්ම හොඳක් දැනේවි... බලාපොරොත්තුවක් ලැබේවි.
ගිහින් එන්නම් එහෙනම්...