12/05/2024
පද පේලි ඇතුලත ✍️
අම්මාගෙන් ඇහුවම මගෙ පොඩි කාලේ ගැන එයා හැමතිස්සෙම කියන එක දෙයක් තමයි, මම පොඩිකාලේ ඉදන් කියවපු එක සින්දුවක් තියෙනවලු. දවසෙම ඒක කිය කිය ඉන්නවලු, බැරිම තැන තාත්තා කැසට් එකකට ඒක රෙකෝඩ් කරලා මට දාලා දෙනවා කියලා. හැබැයි අදටත් මම ඒ සින්දුවට ආසයි. දැනුත් ඒ සින්දුව ඇහුනොත් කොහේහරි අම්මා මගෙ දිහා බලන් කියන්නෙ ඔන්න ඔයාගෙ සින්දුව කියලා. ඒත් මම කවදාවත් හිතුවෙ නෑ ඒක මගෙ ජීවිතේ ඇතුලෙ play වෙයි කියලා. සින්දුව තමයි.." මා ආදරෙයි මුළු ලොවටත් වඩා..." කියන රාජු බන්ඩාරගෙ සින්දුව.
ඒකෙ මැද මෙහෙම තියෙනවා,
"මට ලැබුණා මුල් ආදරේ
දුරකථනෙන් ඇමතූ වෙලේ
ඔබ හදුනා ගත් ඒ දිනේ සේයා මැවේ
මතකේ තියේ මගෙ ආදරේ නොහැඟේවිදෝ
මා ආදරෙයි මුළු ලොවටත් වඩා
මා කාටවත් නෑ එලෙසින් කියා
සැබැවින් මේ වගේ..
මගෙ ජීවීතෙ මේකාලය වෙනකොට මම කෙල්ලො 4 දෙනෙක්ට ආදරේ කරලා තියෙනවා. ඒකෙන් දෙකක් affairs විදියට අවුරුද්දක් ,අනිත් එක මාස 6ක් විදිහටත්, අනිත් දෙක මාව ප්රතික්ෂේප වුනු ආදර කතා විදිහටත්. ඒකට හේතුවත් මමම තමයි, ඒක කියන්න පරක්කු වීම. හැබැයි ඉන් පස්සෙ එක්තරා අමාරු කාලෙක මගෙ යාලුවෙක්ගෙ මාර්ගයෙන් මට එක කෙල්ලෙක්ව හම්බෙනවා phone එකෙන් විතරක්. හැම connection එකක්ම phone එක වටේ තමයි.එයාගෙ හිතේ මොනා තිබ්බත් මට ඒ කෙල්ල ගැන තියෙන හැගීම් පලවෙනි දවසෙ කතාකල විදියටම තියෙනවා.ඒකත් අර ප්රතික්ෂේප උන ගොඩට තමයි අයිති. හැබැයි හේතුව අභිරහසක්. ඉතින් මේ ජිවිතේ එහෙම තමයි. ප්රතික්ෂේප වීම්, කෙලවීම් තුලින් වෙන පන්නරයට මම කැමතී. තාවකාලික දුක් සදාකාලික සංතුශ්ථිය වෙත ගෙනයනවා වෙන්න පුලුවන් . මට හෙටත් අය හම්බවේවි, මම ආයෙත් ආදරේ කරාවි , මම ආයෙත් ප්රතික්ෂේප වේවි, හැබැයි මම ජීවිතේ විදීවී. සින්දුවක පද පේලි මතකයන් හාරන අපූරුව.ඒකයි මේක මගෙ ජීවිතේට ඇප්ලයි උන සින්දුවක් කිව්වෙ. ඉතින් මට කියන්න තියෙන්නෙත් රාජු බණ්ඩාර කියනවා වගෙ මා අතැර යන්නට වූ සියලු දෙනාට,
"මගෙ ආදරේ නොහැඟේවිදෝ"
යන්නයි 😇
- SIP
