05/11/2025
ඒ සුන්දර පරපුර...! ❤
ඒ සුන්දර මිනිසුන් සමුගනිමින් සිටී...
ඒ අපූරු පරපුර මිය යමින් සිටී...
මහා යාන-වාහන..,
Smart දුරකථන නොව.,
රූපවාහිනී හා විදුලියද නොමැතිව
උන් ජීවත් වූහ.
අපේ පරපුර මෙන්
මහ ඉහළට ඉගෙන ගැනීමට..,
ලස්සනම කෙනා වීමට..,
ලොකුම කතාව කිරීමට...
උන්ට වෙලාව තිබුණේ නැත.
තාප්ප වලින් වට කොට
මහා මාළිඟා තැනීමට..,
නවීනතම වාහනය ගැනීමට..,
ලස්සනම ඇස් ඇති සෙල්ෆිය ගැනීමට..
උන්ට ඇවැසි වූයේ නැත.
රෑ වෙනතුරු
වත්තේ.., පිටියේ..,
තැන්නේ.., කුඹුරේ.., කුරක්කන් යායේ..
ඔට්ටු වූ උන්...
මැදියම වෙනතුරු...
ඇඳුම් මැසූහ...
වට්ටි පෙට්ටි විවීය..
ඒ මැසූ ඇඳුමෙන්
සරලව සැරසුනු උන්ට..
මහා නිර්මාණකරුවන්ගේ ලාංඡන ඇති..
අමුතු ඇඳුම් ඇවැසි නොවීය.
ලෙඩට-දුකට Channel කරන්නට..
උන්ට කිසිවෙකු නොසිටියහ.
ගහට කොළට..,
සතා සීපාවාට..,
ඇලට දොළට
උන් සැබැවින්ම ආදරේ කළහ.
කුරුල්ලන්, ලේනුන්
උන්ගේ අත් උඩට එන්නට
කිසිවිටෙක බය නොවූහ.
එබැවින් උන්ට..
Oxygen සඳහා මරා ගන්නට..
මූණු ආවරණ දා හැංඟෙන්නට..
ඇවැසි නොවීය..
ගේ ඇතුළට නළ ජලය නොලැබූ උන්..
ඇලට දොළට..,
ළිඳට වැවට..,
පාරේ පයිප්පයට ගොස්
වතුර ගෙන ආහ.
McDonald's..,
KFC නොදත් උන්...
සහල් මිටකින්..,
කුරක්කන් කරලින්
පොල් සම්බෝලෙන්
කිරි හොද්දෙන්
සෑහීමකට පත් වූහ.
උන් උඹේ පරපුරට ඇල-දොළ බාර දෙද්දී..
ඒවා ප්ලාස්ටික් කුණුගොඩවල් නොවීය.
වැව්, මුහුදු බාර දෙද්දී..,
කුණු වතුරෙන් පිරී නොතිබීය.
වත්ත පිටියේ..
කුරුල්ලො ගී ගැයූහ..
අද උඹලා ඊළඟ පරපුරට බාර දෙන
කුණු ගොඩ දැක
අපි කඳුළු පෙරූහ..
යුද්ධ.., සාගිනි වලට
මුහුණ දුන් උන්...
මහ උන්ට රැවටුනි...
මේ පරපුර මිය යමින් පවතී...
මට මගේ පරපුර ගැන ඇත්තේ ආදරය කි..!
උඹලාගේ පරපුර ගැන ඇත්තේ කලකිරිමකි..!!
ලියන්නට තව බොහෝ දේ තිබුණත්..,
කියවන උඹට…
නොලියූ දේ දැනුනු බව දනිමි..!
Copied
