06/08/2026
النسخة الخامسة من مهرجان رمّان الموسيقي بتدعينا لنتخيّل مدننا من زاوية جديدة. شو ممكن يخبرنا الجنوب بصوته لو قال كلّ يلّي بقلبه؟ وشو المستقبل يلّي ممكن تصنعه طرابلس بعيداً عن كلّ القصص يلّي بتنحكى عنها؟ وكيف فينا نرجع نشوف منطقتنا العربية كمساحة وحدة حيّة، بتجمعها الموسيقى وحركة الناس واهتمامنا ببعض؟
هالسنة، بالإضافة للعروض الموسيقية، رح نكون عم نقدّم برنامج احترافي لمدّة يومين، بيضمّ مجموعة ورش عمل بتمنح الفنانين والعاملين بالمجال الثقافي الأدوات ومساحات التبادل يلّي بيحتاجوها حتى يطوروا وينتجوا أعمالهم ويكمّل الزخم حتى بعد انتهاء المهرجان.
هاللقاء هو دعوة لنستعيد الخيال كفعل جماعي، مش كطريقة لنهرب من الواقع، بل كخطوة أولى لنعيد تشكيله. هو حوار مفتوح بيبلّش من أرضنا وبيمتدّ على كلّ منطقتنا العربية، ودعوة لنتخيل مستقبل متجذّر بتاريخنا وثقافتنا الغنية، ومتحررّ من كلّ شي كان واقف بطريقه.
خليكم عالسمع، التفاصيل قريباً 🪩
English translation in caption. 👇🏼
