Queers & Cheers

02/10/2025

💙

27/06/2025

Hello q***r siblings and allies! 💛
ເນື່ອງໃນໂອກາດເດືອນ Pride ທາງທີມງານ Qu**rs & Cheers ກໍຂໍເປັນອີກໜຶ່ງໃນກະບອກສຽງເພື່ອສັງຄົມທີ່ມີຄວາມເທົ່າທຽມ ແລະ ໂອບຮັບທຸກຄວາມຫຼາກຫຼາຍທາງເພດ.🏳️‍🌈🏳️‍⚧️

22/06/2025

Hello q***r siblings and allies! 💛

ເນື່ອງໃນໂອກາດເດືອນ Pride ທາງທີມງານ Qu**rs & Cheers ກໍຂໍເປັນອີກໜຶ່ງໃນກະບອກສຽງເພື່ອສັງຄົມທີ່ມີຄວາມເທົ່າທຽມ ແລະ ໂອບຮັບທຸກຄວາມຫຼາກຫຼາຍທາງເພດ.🏳️‍🌈🏳️‍⚧️

07/06/2025

❓ເມື່ອເວົ້າເຖິງຄຳວ່າ inclusion ທ່ານນຶກເຖິງຫຍັງ?

ໃນຫຼາຍໆ ຄັ້ງທີ່ພວກເຮົາເວົ້າເຖິງຄວາມເທົ່າທຽມ ແລະ ການມີສ່ວນຮ່ວມຂອງກຸ່ມຄົນຫຼາກຫຼາຍ ພວກເຮົາຄິດຫາຫຍັງ?

ສຳລັບແອັດແມ່ນຄິດຫາສັງຄົມສະໄໝນັກຮຽນວ່າ ມັນຄືສິດີເນາະ ຖ້າຫາກພວກເຮົາບໍ່ຕ້ອງຖືກຄຳເວົ້າດູຖູກຈາກຄົນອ້ອມຂ້າງຍ້ອນເພດສະພາບ ຫຼື ລົດສະນິຍົມທາງເພດຂອງຕົນເອງ. ມັນຄືສິດີ ຖ້າຫາກວ່າເຮົາສາມາດທີ່ຈະເລືອກໄດ້ວ່າຈະນຸ່ງຊຸດນັກຮຽນແບບໃດທີ່ນຸ່ງແລ້ວສະບາຍໃຈ ຮູ້ສຶກເປັນຕົວຂອງຕົວເອງທີ່ສຸດ ໂດຍບໍ່ຕ້ອງຍ້ານວ່າຈະຖືກຮ້າຍໂດຍຄູອາຈານ.

ສ່ວນໃນໄວເຮັດວຽກ ແອັດກໍຄິດວ່າມັນຄືສິດີ ຖ້າຫາກເຮົາສາມາດຈະມີຄົນຮັກເປັນເພດດຽວກັນໂດຍບໍ່ຕ້ອງກັງວົນເຖິງອະນາຄົດທາງໜ້າ.

ແລ້ວທ່ານເດ?

ຮ່ວມກັນແບ່ງປັນຄວາມຄິດເຫັນໄດ້ທາງ comment ຫຼື share ໂພສນີ້ໄດ້ເດີ້ 💛

04/06/2025

ໃນຫຼາຍໆປີທີ່ຜ່ານມານີ້ Rainbow washing ແມ່ນເປັນປະເດັນທີ່ຖືກເວົ້າເຖິງຫຼາຍໃນການຂັບເຄື່ອນສິດທິກຸ່ມຄົນຫຼາກຫຼາຍທາງເພດ.
🌈 Rainbow washing ຫຼື ການຟອກສີຣຸ້ງ ໝາຍເຖິງການນຳໃຊ້ສີຣຸ້ງ ຫຼື ສັນຍາລັກທີ່ກ່ຽວກັບ LGBTQIAN+ ໃນການໂຄສະນາ ສິນຄ້າ ຫຼື ບໍລິການຕ່າງໆ ເພື່ອໃຫ້ລູກຄ້າເຂົ້າໃຈວ່າ “ອົງກອນນີ້ສະໜັບສະໜຸນຄວາມຫຼາກຫຼາຍທາງເພດ” ແຕ່ໃນທາງປະຕິບັດອາດຈະບໍ່ໄດ້ສ້າງໝາກຜົນທີ່ຈັບຕ້ອງໄດ້ ຫຼື ໄດ້ແຕ່ພຽງຊົ່ວຄາວເທົ່ານັ້ນ.

❓ເປັນຫຍັງການຟອກສີຣຸ້ງຈຶ່ງເປັນບັນຫາ?

ກ່ອນອື່ນໝົດ ພວກເຮົາຈຳເປັນຈະຕ້ອງແຍກແຍະການສະໜັບສະໜຸນທີ່ຈິງໃຈ ກັບ ການໂຄສະນາແຕ່ພຽງເພື່ອຜົນກຳໄລເທົ່ານັ້ນ. ການນຳໃຊ້ສັນຍາລັກສີຣຸ້ງສາມາດສະແດງອອກເຖິງການສະໜັບສະໜຸນຄວາມເທົ່າທຽມທາງເພດ ແຕ່ຖ້າຫາກໃຊ້ບໍ່ຖືກວິທີກໍອາດລຸດທອນຄຸນຄ່າຂອງການນຳໃຊ້ສີຣຸ້ງ ຫຼື ເປັນການນຳເອົາຄວາມຫຼາກຫຼາຍທາງເພດມາເປັນເຄື່ອງມືທາງການຕະຫຼາດເທົ່ານັ້ນ.

ຖ້າບໍລິສັດເຮັດໂຄສະນາເພື່ອກະຕຸ້ນຍອດຂາຍໃນເດືອນ Pride ແຕ່ພາຍໃນບໍລິສັດບໍ່ມີນະໂຍບາຍທີ່ຈັບຕ້ອງໄດ້ ຫຼື ຍັງມີການເລືອກປະຕິບັດຕໍ່ກຸ່ມຄົນຫຼາກຫຼາຍທາງເພດຢູ່ ໃນມຸມມອງຂອງພະນັກງານທີ່ເປັນຄົນຫຼາກຫຼາຍທາງເພດເອງກໍອາດຈະຮູ້ສຶກບໍ່ໄດ້ຮັບຄວາມຈິງໃຈຈາກບໍລິສັດ. ກຸ່ມລູກຄ້າທີ່ໃສ່ໃຈເລື່ອງນີ້ກໍອາດຈະຮູ້ສຶກບໍ່ເຊື່ອໝັ້ນໃນຄຳເວົ້າຂອງບໍລິສັດກໍ່ເປັນໄດ້. ນອກຈາກນີ້ ການຟອກສີຣຸ້ງອາດຈະໄປຍາດເອົາພື້ນທີ່ຂອງຄົນທີ່ຕ້ອງການຮຽກຮ້ອງປະເດັນທີ່ສຳຄັນແທ້ໆກໍເປັນໄດ້.

🥹 ພວກເຮົາຈະສັງເກດໄດ້ແນວໃດວ່າມີການຟອກສີຣຸ້ງ?

ການຟອກສີຣຸ້ງສາມາດສັງເກດໄດ້ຈາກການໃຊ້ສັນຍາລັກ ຫຼື ສີຣຸ້ງ ແຕ່ບໍ່ໄດ້ມີການກະທຳທີ່ສາມາດຈັບຕ້ອງໄດ້ ເຊັ່ນ ການທີ່ບໍລິສັດບໍ່ໄດ້ມີນະໂນບາຍອົງກອນທີຄອບຄຸມກຸ່ມຄົນຫຼາກຫຼາຍ ຫຼື ບໍ່ໄດ້ມີການປ້ອງກັນການເລືອກປະຕິບັດພາຍໃນອົງກອນທີ່ຈັບຕ້ອງໄດ້.

❓ທຸລະກິດຈະເຮັດແນວໃດເພື່ອໃຫ້ໝັ້ນໃຈວ່າການສະໜັບສະໜຸນນັ້ນມີຄວາມຈິງ
ໃຈ?

ສິ່ງທຳອິດແມ່ນວັດທະນະທຳຂອງອົງກອນ - ໃຫ້ຄວາມສຳຄັນເລື່ອງຄວາມເທົ່າທຽມ ຄວາມຫຼາກຫຼາຍ ແລະ ການມີສ່ວນຮ່ວມ ໃນທຸກໆ ຂັ້ນຕອນການເຮັດວຽກ ເຊັ່ນການຈ້າງວຽກທີ່ເບິ່ງທີ່ຄວາມສາມາດ ບໍ່ໄດ້ຈຳກັດທີ່ເພດສະພາບ ຫຼື ອິງຕາມພາບຈຳ. ການມີມາດຕະການທີ່ຊັດເຈນເພື່ອໃຫ້ອົງກອນເປັນພື້ນທີ່ປອດໄພສຳລັບທຸກເພດ ເຊັ່ນ ມີຫ້ອງນ້ຳ gender neutral (ຫ້ອງນ້ຳສຳລັບທຸກເພດ ບໍ່ໄດ້ລະບຸຍິງຊາຍ), ການໃຫ້ເສລີພາບໃຫ້ການນຸ່ງຖືຊຸດພະນັກງານ ເປັນຕົ້ນ.

ສຸດທ້າຍນີ້ ການທີ່ທຸລະກິດອອກມາສະແດງຈຸດຢືນ ແລະ ສະໜັບສະໜຸນເປັນເລື່ອງທີ່ດີ ແລະພວກເຮົາເຊື່ອວ່າພາກເອກະຊົນສາມາດເຮັດໄດ້ຫຼາຍກວ່າການເຮັດແຄມເປນ ຫຼື ການຕະຫຼາດໄລຍະສັ້ນໆ ເທົ່ານັ້ນ. 💛

02/06/2025

🌈 History of Pride Month 🌈

Pride Month ແມ່ນມີຈຸດເລິ່ມຕົ້ນແນວໃດ?
ເດືອນແຫ່ງຄວາມພາກພູມໃຈຂອງກຸ່ມຄົນຫຼາກຫຼາຍທາງເພດ (LGBTQIAN+) ແມ່ນມາຈາກໄສ ແລະ ເປັນຫຍັງຈຶ່ງມີການສືບຕໍ່ສະເຫຼີມສະຫຼອງໃນທຸກໆປີ.

💛 ຈຸດກຳເນີດຂອງ Pride Month
ການຂັບເຄື່ອນເພື່ອສິດທິກຸ່ມຄົນຫຼາກຫຼາຍແມ່ນເລິ່ມຕົ້ນປະມານຊ່ວງຍຸກປີ 1900 ໂດຍມີກຸ່ມຄົນທີ່ລິເລິ່ມກໍ່ຕັ້ງອົງກອນຂອງເກ ແລະ ເລສບ້ຽນ ໃນທະວີບອະເມລິກາເໜືອ ແລະ ເອີລົບ. ຫຼັງສົງຄາມໂລກຄັ້ງທີ່ສອງ (ທີ່ມີການຈຳກັດສິດທິເສລີພາບຂອງຄົນຫຼາກຫຼາຍທາງເພດໃນຊ່ວງສົງຄາມ) ມີກຸ່ມຄົນຈຳນວນໜຶ່ງໄດ້ຕີພິມໜັງສືພິມກ່ຽວກັບການຕ້ອງການສິດທິທີ່ເທົ່າທຽມ ການຍອມຮັບຈາກສັງຄົມ ແລະ ຕ້ານການຈຳແນກຕໍ່ບຸກຄົນຫຼາກຫຼາຍທາງເພດ.

💛 ເຫດການ Stonewall Riots, New York 1969.
ການເລືອກປະຕິບັດຕໍ່ກຸ່ມຄົນຫຼາກຫຼາຍຍັງສາມາດເຫັນໄດ້ຊັດເຈນໃນຫຼາຍໆ ເມືອງໃຫຍ່ ໂດຍໜຶ່ງໃນໂຕຢ່າງການເລືອກປະຕິບັດແມ່ນຕຳລວດໄດ້ອອກກວດຮ້ານອາຫານ ຫຼື ຮ້ານເຫຼົ້າ ທີ່ກຸ່ມຄົນເກ ແລະ ເລສບ້ຽນມັກໄປ.
ໃນເດືອນມິຖຸນາ ປີ 1969 ມະຫານະຄອນນິວຢອກ ຕຳລວດໄດ້ລົງກວດຮ້ານເຫຼົ້າ Stonewall Inn ແລະ ໃຊ້ຄວາມຮຸນແຮງໃນການຈັບກຸມຜູ້ຄົນທີ່ຢູ່ໃນຮ້ານ ຈົນມີການປະທະກັນເກີດຂຶ້ນລະຫວ່າງຕຳລວດ ແລະ ປະຊາຊົນ. ການປະທະກັນໃນຄັ້ງນີ້ກໍ່ໃຫ້ເກີດການປະທ້ວງຢ່າງຕໍ່ເນື່ອງເປັນເວລາ 6 ວັນ. ເຮັດໃຫ້ປະເດັນສິດທິກຸ່ມຄົນຫຼາກຫຼາຍທີ່ບໍ່ເຄີຍໄດ້ຮັບຄວາມສົນໃຈກາຍເປັນຂ່າວໃຫຍ່ທີ່ຂຶ້ນໜ້າໜຶ່ງ ແລະ ແຜ່ກະຈາຍໄປທົ່ວໂລກ.

💛 Pride Parade ຄັ້ງທຳອິດ
ໜຶ່ງປີຫຼັງຈາກເຫດການ Stonewall Riots ກຸ່ມນັກເຄື່ອນໄຫວຊາວນິວຢອກໄດ້ຈັດກິດຈະກຳເດິ່ນຂະບວນເພື່ອລະລຶກເຖິງເຫດການທີ່ເກີດຂຶ້ນ. ໃນຊ່ວງນັ້ນ ການສະເຫຼີມສະຫຼອງນີ້ໄດ້ຖືກຕັ້ງຊື່ວ່າ Gay Pride Parade. ໂດຍນັກເຄື່ອນໄຫວຊື່ Craig Schoonmaker ໄດ້ກ່າວວ່າ “ທຳອິດຂ້ອຍຄິດຫາຄຳວ່າ Gay Power ແຕ່ວ່າບໍ່ມັກປານໃດ. ຍ້ອນວ່າບໍ່ແມ່ນທຸກຄົນຈະມີພະລັງອຳນາດ (power) ແຕ່ຜູ້ໃດກໍສາມາດມີຄວາມພາກພູມໃຈ (pride) ໃນຕົນເອງໄດ້ ແລະ ຄວາມພາກພູມໃຈຈະເຮັດໃຫ້ເຂົາເຈົ້າມີຄວາມສຸກຫຼາຍຂຶ້ນ ແລະ ສ້າງການຂັບເຄື່ອນທີ່ອາດຈະສ້າງຄວາມປ່ຽນແປງໄດ້.”

💛 ເດືອນແຫ່ງຄວາມພາກພູມໃຈ
ເວລາຜ່ານໄປ ການສະເຫຼີມສະຫຼອງເດືອນແຫ່ງຄວາມພາກພູມໃຈກໍໄດ້ຂະຫຍາຍເປັນວົງກວ້າງໄປທົ່ວໂລກ ແມ້ແຕ່ໃນພື້ນທີ່ທີມີການຕໍ່ຕ້ານສິດທິບຸກຄົນຫຼາກຫຼາຍ. ໃນແຕ່ລະພື້ນທີ ແຕ່ລະປະເທດ ກໍມີການສະເຫຼີມສະຫຼອງທີ່ແຕກຕ່າງກັນ ບາງງານມີບັນຍາກາດທີ່ມ່ວນຊື່ນ ແລະ ມີສີສັນ ໃນທາງກົງກັນຂ້າມ ບາງງານກໍມີບັນຍາກາດທີ່ສຳລວມ ເພື່ອໄວ້ອາລັຍຜູ້ທີ່ເສຍຊີວິດຈາກພະຍາດເອດສ໌ ແລະ ຜູ້ເສຍຊີວິດຈາກການຖືກໃຊ້ຄວາມຮຸນແຮງ.

References:
https://www.history.com/articles/pride-month

#ຄວາມຫຼາກຫຼາຍທາງເພດ

01/06/2025

Happy Pride 2025 🏳️‍🌈🏳️‍⚧️

Pride Month ເດືອນແຫ່ງຄວາມພາກພູມໃຈຂອງກຸ່ມຄົນຫຼາກຫຼາຍທາງເພດ (LGBTQIAN+) ແມ່ນເປັນການສະເຫຼີມສະຫຼອງທີ່ຖືກຈັດຂຶ້ນທຸກປີ ເພື່ອລະລຶກເຖິງປະວັດຕິສາດການຂັບເຄື່ອນດ້ານຄວາມເທົ່າທຽມໃນທົ່ວໂລກ. ໂດຍໃນຫຼາຍໆ ປະເທດແມ່ນຈະສະເຫຼີມສະຫຼອງໃນເດືອນມິຖຸນາ ເພື່ອລະລຶກເຖິງເຫດການຢູ່ Stonewall, New York ປີ 1969.

ທີມງານ Qu**rs & Cheers ຂໍເປັນໜຶ່ງໃນກະບອກສຽງໃນການສົ່ງເສີມຄວາມເທົ່າທຽມທາງເພດ ບໍ່ວ່າຈະມີເພດສະພາບແບບໃດ ລົດສະນິຍົມທາງເພດແບບໃດ ທຸກຄົນລ້ວນເປັນມະນຸດທີ່ມີກຽດມີສັກສີ ແລະ ສົມຄວນທີ່ຈະໄດ້ຮັບການປະຕິບັດຢ່າງເທົ່າທຽມ

ເດືອນນີ້ພວກເຮົາຈະມີການໂພສຄອນເທັ້ນຂໍ້ມູນສາລະໜ້າຮູ້ຫຼາຍຢ່າງ ຝາກຕິດຕາມກັນແດ່ເດີ້ 🎉

30/05/2025