13/02/2026
2026 жылғы 11 ақпанда «Мирас» университетінде «Жеке бас бостандығын қорғаудың құқықтық тетіктері: зорлық-зомбылық, сталкинг, мәжбүрлі неке» тақырыбында ашық лекция өтті. Іс-шараға университеттің профессор-оқытушылар құрамы мен білім алушылары, сондай-ақ Шымкент қаласы Полиция департаменті Қоғамдық қауіпсіздік басқармасының Отбасылық-тұрмыстық зорлық-зомбылыққа қарсы күрес бөлімінің инспекторы Сахибекова Диана Асановна қатысты.
Іс-шараның негізгі мақсаты – білім алушылардың құқықтық сауаттылығын арттыру, зорлық-зомбылықтың кез келген түріне нөлдік төзімділік көзқарасын қалыптастыру, сондай-ақ жеке бас бостандығы мен адамның қадір-қасиетін қорғаудың қолданыстағы құқықтық тетіктері туралы ақпарат беру болды.