30/06/2026
⚜️22-26.06.2026 ж. Астана қаласы, Қазақстан Республикасы Ұлттық музейінде Қазақстан Республикасы Мәдениет және ақпарат министрлігі, Түркия Республикасы Мәдениет және туризм министрлігі және Түрік Ынтымақтастық және үйлестіру агенттігінің (TİKA) қолдауымен «Қазақстан Республикасының музейлерін цифрландыру және дамыту» атты халықаралық оқу семинары ұйымдастырылды.
Халықаралық семинардың негізгі мақсаты – музей саласындағы цифрлық трансформацияны дамыту, халықаралық тәжірибе алмасуды қамтамасыз ету, заманауи цифрлық технологияларды музей ісіне енгізу және музей мамандарының кәсіби құзыреттерін арттыру.
Спикерлер музейлерді цифрландыру, мәдени мұраны сақтау, заманауи технологияларды енгізу және тарихи-мәдени ескерткіштерді қорғау бағытындағы тәжірибелерімен бөліскен:
•Түркия Республикасы Мәдени мұралар және музейлер бас басқармасы, 15 шілде Демократия музейінің директоры Әли Хайдар Аталар;
•Түркия Республикасы Мәдени мұралар және музейлер бас басқармасы, Музейлер департаментінің музей зерттеушісі Гюльсехер Гюрген;
•Түркия Республикасы Мәдени мұралар және музейлер бас басқармасы, «Болашаққа мұра» департаментінің PhD дәрежелі археологы, ескерткіштерді қорғау жөніндегі маманы Перихан Дөнерташ қатысушылардың кәсіби білімін арттыруға өз үлестерін қосты.
Аталған халықаралық семинарға Түркістан облыстық Бейнелеу өнері музейінің ғылыми қызметкері Ермекбаев Елнұр және экскурсия жетекшісі Керімбек Ұлажан қатысып, 40 сағаттық оқу бағдарламасын сәтті аяқтап, арнайы сертификаттарға ие болды.
Музей мамандарының кәсіби біліктілігін арттыруға бағытталған мұндай халықаралық білім алмасу алаңдары музей ісін жаңа деңгейге көтеруге, заманауи технологияларды тиімді қолдануға және мәдени мұраны кеңінен насихаттауға зор мүмкіндік береді.
