25/11/2023
ЖЫР КЕШІ
Бейнеу аудандық «Абыл» мәдениет үйінде Бейнеу ауданының 50 жылдығына арналған «Сермей тартқан семсер күйі» жыршы-термешілер кеші өтті.
Мерекелік жыр кешін бейнеулік ақын Сәрсен Қадір жүргізіп, киелі Маңғыстау, берекелі Бейнеу тарихынан сыр шертті. Оған қоса елімізге танымал жыршы-термешлер мен күй өнерінің тарландары маңғыстаулық ақын-жырау, композиторлардың шығармаларын орындады.
Әзірбай Өскінбаев, Кенжебек Аяғанов, Бердібай Тойғұлиев, Болат Бисенқұл, Әлия Қарамұқан, Мұратбек Кедірбаев, Айбат Збайрашов, Бекенжан Нұрмергенұлы, Манаш Әбілбаев, Бақдәулет Толыбекұлы.
Асылбек Даулетияров сынды саңлақтардың орындауындағы жыр-күйлер өнер кешінің көркін ашты.
Кешке жиналған халық өнерпаздардың өнеріне тәнті болып, бағзыдан жеткен баба сарын мен күй күмбірі Бейнеу кеңістігінде қалықтап тұрды.
БЕЙНЕУ АУДАНЫ ӘКІМДІГІНІҢ БАСПАСӨЗ ҚЫЗМЕТІ
