ykhlas_museum

ykhlas_museum Contact information, map and directions, contact form, opening hours, services, ratings, photos, videos and announcements from ykhlas_museum, Art, ул. Зенкова 24/А, уг. ул. Гоголя, Almaty.

🎶 2026 жылғы 19 маусымда сағат 16:00-де Ықылас атындағы халық музыкалық аспаптар музейінде музейдің 45 жылдық мерейтойы ...
17/06/2026

🎶 2026 жылғы 19 маусымда сағат 16:00-де Ықылас атындағы халық музыкалық аспаптар музейінде музейдің 45 жылдық мерейтойы мен Португалияның Алматы қаласындағы Құрметті консулдығының ашылғанына бір жыл толуына арналған салтанатты іс-шара өтеді.

Іс-шара аясында Португалияның ұлттық музыкалық мұрасының бірегей үлгілері – дәстүрлі португал гитаралары музей қорына табысталады. Бұл аспаптар ЮНЕСКО-ның Адамзаттың материалдық емес мәдени мұрасының репрезентативтік тізіміне енген әйгілі фаду өнерімен тығыз байланысты.

Мәдени бағдарламада португал музыкалық өнерінің көрнекті өкілдері – португал гитарасының шебері Луиш Геррейру, фаду әншісі Матилде Сид және классикалық гитара орындаушысы Жуан Филипе өнер көрсетеді.

Салтанатты жиын Қазақстан мен Португалия арасындағы мәдени байланыстарды нығайтып, музейдің халықаралық музыкалық аспаптар коллекциясын толықтыра түсетін маңызды мәдени оқиға болмақ.

📌 Іс-шара жабық форматта өтеді.

12/06/2026

🎼 «Димаш: Бір дауыс – мың ел» көрмесі аясында музейге ұсынылған музыкалық аспаптар Алматы қаласынан Астана қаласына жеткізіліп, Димаш Құдайбергеннің анасы Света Айтбаеваға табысталды.

Төрт айға жуық уақыт бойы музей төрінде көпшілік назарына ұсынылған көрме өнер арқылы түрлі елдер мен мәдениеттерді жақындастырып, мыңдаған келушінің ыстық ықыласына бөленді.

Ықылас атындағы халық музыкалық аспаптар музейі мен Димаш Құдайбергеннің шығармашылығын тоғыстырған бұл жоба жаңа мәдени байланыстар мен жарқын бастамалардың негізіне айналады деп сенеміз.✨

10/06/2026

🎼 «Димаш: Бір дауыс – мың ел» көрмесі өз мәресіне жетті.

Алматы қаласы музейлер бірлестігіне қарасты Ықылас атындағы халық музыкалық аспаптар музейінде өткен «Димаш: Бір дауыс – мың ел» көрмесі аяқталды.

Бастапқыда бір айға жоспарланған көрме келушілердің ерекше қызығушылығының арқасында төрт айға жуық уақытқа созылып, музей өміріндегі ерекше мәдени оқиғалардың біріне айналды.

Осы уақыт ішінде көрме Қазақстанның әр өңірінен және әлемнің түрлі елдерінен келген қонақтар мен Димаш Құдайбергеннің жанкүйерлерін бір арнаға тоғыстырды. Бұл кеңістік тек жәдігерлермен танысу орны емес, ортақ әсер мен естеліктер тоғысқан ерекше алаң болды.

Бүгінде көрмеге қойылған музыкалық аспаптарды жинақтау және оларды Астана қаласына, Димаш Құдайбергеннің ата-анасына жеткізу жұмыстары басталды.

Төрт ай бойы көрменің бір бөлшегіне айналған барша қонақтарға шынайы алғысымызды білдіреміз.

Музыка арқылы түрлі мәдениеттер мен халықтарды тоғыстырған «Димаш: Бір дауыс – мың ел» көрмесі алдағы уақытта да өз ауқымын кеңейтіп, жаңа белестерді бағындырады деп сенеміз.

Музейіміздің алдағы ауқымды көрмелерінде кездескенше! ✨🎶

05/06/2026

🎶 Музей қорына құнды жәдігер табысталды

Ықылас атындағы халық музыкалық аспаптар музейінің экспозициясы тағы бір құнды жәдігермен толықты.

Музей қорына қазақтың көрнекті әншісі, Қазақстанның және бұрынғы КСРО-ның халық әртісі, Халық қаһарманы Роза Бағланова ұстаған домбыра табысталды.

Бағалы жәдігерді музейге әншінің ұлы Тәжен Бағланов пен келіні Мақпал Бағланова сыйға тартты.

Бұл домбыра – қазақ музыка өнерінің тарихынан сыр шертетін, ұлт мәдениетінің асыл мұрасын айғақтайтын құнды жәдігер. Енді музей келушілері атақты әншінің өмірі мен шығармашылығына қатысты ерекше мұрамен жақынырақ таныса алады. 🎼✨

03/06/2026

Алматыда Мемлекеттік рәміздер күніне арналған ауқымды Open-Air концерт өтеді

4 маусым күні сағат 17:00-де Алматы қаласындағы Көк-Төбе демалыс саябағында Қазақстан Республикасының Мемлекеттік рәміздер күніне арналған мерекелік Open-Air концерт ұйымдастырылады.

Іс-шара заманауи фестиваль форматында өтіп, әртүрлі буын өкілдерін бір алаңға тоғыстырады. Музыка, өнер және шығармашылық арқылы ұйымдастырылатын мерекелік кеш қала тұрғындары мен қонақтарына ерекше атмосфера сыйлап, ұлттық бірегейлік пен қоғамдық келісім құндылықтарын насихаттайды.

Мерекелік концерт аясында қазақстандық эстраданың танымал өнер жұлдыздары патриоттық әндер орындап, көрермендерге көтеріңкі көңіл-күй сыйлайды. Концертке Айдар Тұрғанбек, Төреғали Төрәлі, Әбдіжаппар Әлқожа, Тұрар, Ақботанұр Сейтмағамбет, Баянсулу, Диная, Ернар Жұматаев және «КешYOU», «Алашұлы», «Абырой» топтары өнер көрсетеді.

Барша алматылықтар мен қала қонақтарын Мемлекеттік рәміздер күніне арналған мерекелік кешті бірге тамашалауға шақырамыз!

Өтетін орны: Көк-Төбе демалыс саябағы, Алматы қаласы
Күні: 4 маусым 2026 жыл
Уақыты: 17:00-21:00

02/06/2026

Алматы – мәдениет, спорт және туризм тоғысқан ерекше қала

2025 жылы мегаполисте 192 ірі іс-шара өткізіліп, оған 5,3 миллион адам қатысты. Оның ішінде 500 мыңнан астамы – шетелдік туристер. Іс-шаралардан түскен табыс 2 млрд теңгені құрады.

Қалада сондай-ақ 5 мыңнан астам мәдени-көпшілік шара ұйымдастырылып, шетелдік әртістердің қатысуымен 58 концерт өтті.

Алматы жыл сайын орта есеппен 1,9 миллион турист қабылдайды. Осыған байланысты туристік аумақтарды дамытуға ерекше көңіл бөлінуде: 1 000 шақырым туристік маршрут цифрландырылып, 850 шақырым аумақ абаттандырылды. Сонымен қатар 16 кемпинг пен 6 бұлақ инфрақұрылымы жасақталды.

Спорт саласында да ауқымды жұмыстар атқарылды. Спорт мектептері жаңартылып, 1 млрд теңгеге жаңа құрал-жабдықтар сатып алынды. Бұдан бөлек, демеушілер есебінен 400 млн теңге тартылып, оның бір бөлігі спортшыларды қолдауға бағытталды.

Алматы мәдениет, туризм және спорт арқылы халықаралық аренадағы беделін нығайтып келеді.

31/05/2026

1 маусым күні Алматы қаласының әкімдігі балалар мен ата-аналарды Халықаралық балаларды қорғау күніне арналған үлкен мерекелік шараға Орталық демалыс саябағына шақырады!

Қала қонақтарын қызықты мерекелік бағдарлама, әсем фотозоналар, интерактивті алаңдар және бүкіл отбасыға арналған ойын-сауықтар күтеді.

Бағдарламада:
— спорттық аймақтар мен түрлі ойындар,
— шахмат сайыстары,
— суретшілер аллеясы,
— қазақ ұлттық аспаптарына арналған арнайы алаң,
және, әрине, жас таланттар мен эстрада жұлдыздарының қатысуымен өтетін мерекелік концерт болады.

Басталуы: сағат 10:00-де.

1 маусым — жарқын эмоциялар, шат күлкі мен нағыз жазғы мереке күні!

31/05/2026

31 мамыр – Саяси қуғын-сүргін құрбандарын еске алу күніне орай Ықылас атындағы халық музыкалық аспаптар музейінің ұжымы қазақ халқының ұлы ағартушысы, ұлт ұстазы Ахмет Байтұрсынұлының ескерткішіне гүл шоқтарын қойып, рухына тағзым етті.

Сондай-ақ ұжым Ахмет Байтұрсынұлы музей-үйіне барып, экскурсияға қатысты. Экскурсия барысында ұлы тұлғаның өмір жолы, ағартушылық қызметі, ұлт руханиятына қосқан өлшеусіз үлесі мен ел тарихындағы орны туралы құнды мәліметтермен танысты.

Бұл тағылымды шара ұлт үшін құрбан болған арыстардың рухына тағзым етіп, олардың асыл мұрасын ұлықтауға мүмкіндік берді 🇰🇿

Экскурсия жүргізіп, құрметпен күтіп алған ұжымына шынайы алғысымызды білдіреміз 🙌🏻

21 мамыр – Мәдениет және өнер қызметкерлері күні қарсаңында «Алматы қаласы музейлер бірлестігі» КМҚК қарасты Ықылас атын...
21/05/2026

21 мамыр – Мәдениет және өнер қызметкерлері күні қарсаңында «Алматы қаласы музейлер бірлестігі» КМҚК қарасты Ықылас атындағы халық музыкалық аспаптар музейінің экскурсия жетекшісі Арна Бақытқызы Алматы қаласы әкімінің Алғыс хатымен марапатталды.

Сондай-ақ, 18 мамыр – Халықаралық музейлер күніне орай Алматы қаласы әкімінің Алғыс хатымен Балжан Маратқызы да марапатталған болатын.

Мәдениет пен музей ісінің дамуына қосқан еңбектің еленуі – үлкен мәртебе. Әріптестерімізді шын жүректен құттықтап, шығармашылық табыс пен жаңа жетістіктер тілейміз! 💐✨

Address

ул. Зенкова 24/А, уг. ул. Гоголя
Almaty
050010

Website

Alerts

Be the first to know and let us send you an email when ykhlas_museum posts news and promotions. Your email address will not be used for any other purpose, and you can unsubscribe at any time.

Shortcuts

Share

Category