ykhlas_museum

20/08/2026

✨ALMATY SUMMER FEST

Алматы қаласы әкімдігінің ұйымдастыруымен өтетін ALMATY SUMMER FEST тағы бір жарқын музыкалық кешке шақырады!

Бір сахнада - қазақ эстрадасының аңызы, бүгінгі музыканың жарқын өкілдері, жастардың сүйікті орындаушылары және түрлі жанрдағы ерекше өнерпаздар.

⭐ Бұл аптада сахна төрінде:
Роза Рымбаева, TURAR, ZIRUZA, Dosekesh, Ержан Максим, Danna, Don Baraban Show, Айым Асхатқызы, Есен Жусупов, Мирас Ерболат, DARHAN, Amina Esimzhan, Дархан Қали, Қуанышқызы Назерке, KENZHE, Dako Kalenov, “Qazaq ART“ вокалдық хоры және Түркісіб ауданының өнерпаздары.

🎤Кеш жүргізушілері:
Дидар Каден & Балауса Ерғалина

🗓️ 22.08.2026
🕕 18:00
📍 «Алатау» дәстүрлі өнер театрының алаңы

🤩Жаз аяқталуға жақын, ал біз жарқын естеліктер сыйлауды жалғастырамыз!

Осы сенбіде кездескенше!

19/08/2026

Құрметті қала тұрғындары!

23 тамыз күні өтетін сайлау – азаматтардың өз таңдауын білдіретін маңызды күн.
Әр азаматтың дауыс беру арқылы өз пікірін білдіруге құқығы бар. Ол үшін өзіңіз тіркелген сайлау учаскесіне барып, таңдауыңызды жасай аласыз.
Өз құқығыңызды пайдаланып, азаматтық ұстанымыңызды білдіріңіз!

19/08/2026

16/08/2026

ALMATY SUMMER FEST кешінің орны ерекше болды.

ALMATY SUMMER FEST жаз бойы тек жарқын музыкалық кештер сыйлап қана қоймай, ұлттық құндылықтарымыз бен рухани мұрамызды дәріптеп келеді.

Бұл жолы қазақ вальсінің королі, ұлт музыкасының қайталанбас тұлғасы Шәмші Қалдаяқовтың туған күнінде оның мәңгілік мұрасына құрмет көрсетіліп, халық жүрегінен орын алған әндері мыңдаған көрермендермен бірге шырқалды.

🎤 Кеш сахнасында: Құдайберген Бекіш, Бейбіт Қорған, Әділет Жауғашар, ADAM, Әлішер Қонысбай, Мәди Ахметқожа, Рүстем Нұржігіт, Елнұр Наурызбек, IGIGAI, RAY, Жасқайрат Валиуллиев, dj Akhmetoff, «Бәйтерек», «ILIGAI», «WinL» топтары, Елдар Отарбаев, Балауса Ерғалина және Наурызбай ауданының өнерпаздары өнер көрсетті.

Алматы қаласы әкімдігінің ұйымдастыруымен өткен кешке келіп, өнерге құрмет көрсеткен барша көрерменге, сахна сәнін келтірген өнерпаздарға алғысымыз шексіз!

ALMATY SUMMER FEST жалғасады! Келесі сенбіде кездескенше✨

14/08/2026

Мемлекет басшысы Қасым-Жомарт Тоқаевтың ұзақ жылдар ойынан сүзіліп шыққан сөздері енген «Әділетті қоғамға - шыншыл сөз» атты жинағы жарық көрді.

21 тақырыптық бөлімнен тұратын кітапқа Мемлекет басшысының 1994 жылдан бергі әр жылдары айтқан сөздері мен ой-толғамдары жүйелі берілген.

Кітапта мемлекеттік басқару, заң үстемдігі, білім және жастар саясаты, цифрландыру, ұлттық құндылықтар, экологиялық мәдениет, сондай-ақ «Таза Қазақстан» бастамасы сынды маңызды бағыттар қамтылған.щ

12/08/2026

🔥 АЛМАТЫ, ОСЫ СЕНБІГЕ ДАЙЫНБЫЗ БА?

Алматы қаласы әкімдігінің ұйымдастыруымен өтетін ALMATY SUMMER FEST жаздың жарқын кештерін жалғастырады!

Апта сайын мыңдаған көрерменнің басын қосып, көпшіліктің асыға күтетін фестиваліне айналған ALMATY SUMMER FEST бұл жолы да танымал орындаушылар мен жаңа есімдерді бір сахнада тоғыстырады.

🎤 Бұл аптада сахна төрінде: Құдайберген Бекіш, Бейбіт Қорған, Әділет Жауғашар, ADAM, Әлішер Қонысбай, Мәди Ахметқожа, Рүстем Нұржігіт, IGIGAI, RAY, Жасқайрат Валиуллиев, dj Akhmetoff, «Бәйтерек» тобы, «ILIGAI» тобы, «WinL» тобы және Наурызбай ауданының өнерпаздары.

🎙 Кеш жүргізушілері:
Елдар Отарбаев & Балауса Ерғалина

🗓️ 15.08.2026
🕕 18:00
📍 «Алатау» дәстүрлі өнер театрының алаңы

Сенбінің ең жарқын сәттерін бірге жасайық!

09/08/2026

Алматыда 20 мың адам бір мезетте Абай әндерін орындады…

Абай күні қарсаңында Алматы қаласы әкімдігінің қолдауымен «Алатау» дәстүрлі өнер театрының ашық аспан астындағы сахнасында «Абай әлемі» музыкалық-поэтикалық мерекелік кеші өтті.

Атаулы іс-шара «Алғашқы кітап» деректі фильмінің көрсетілімінен басталып, Абай мұрасын насихаттаған театрландырылған қойылыммен жалғасып, соңы «Almaty Summer Fest» концертімен ұласты.

Кештің ең әсерлі сәті – 20 мыңнан астам көрерменнің Мақпал Жүнісова мен «IL Canto» тобына қосылып, Абай әндерін бірге шырқады. Осы бір ғажап сәт - ұлы ақын мұрасын бүгінгі ұрпақ жүрегінде айрықша жаңғыртты. Абай есімін ұлықтаған алаңда ерекше атмосфера қалыптасты. Ел жүрегіндегі Абайға деген сағыныш пен құрмет ән болып шалқыды.

02/08/2026

✨ALMATY SUMMER FEST

Осы сенбіде ALMATY SUMMER FEST тағы да мыңдаған көрерменнің басын қосып, өнер мен мәдениеттің, жақсы көңіл-күй мен шынайы эмоцияның мерекесіне айналды.

Алматы қаласы әкімдігінің ұйымдастыруымен өтіп жатқан ALMATY SUMMER FEST – бұл тек музыкалық фестиваль ғана емес, қала тұрғындары мен қонақтарын біріктіретін, мәдени демалысты дәріптейтін және жаңа естеліктер сыйлайтын үлкен жоба.

🎤 Сахна төрінде өнер көрсеткендер: Sadraddin, Саят Медеуов, Ғаділбек Жанай, DinaYa, Зарина Омарова, Мақсат Рахмет, Қарагөз Сүлейменова, «Алашұлы», «Ұлы дала қыздары», «SARDAR» топтары, KAINAR, YESSET, Ademi-Ai, ZHANISA, AiGesha, Zhumakhmet, Дидар Каден, Балауса Ерғалина және Жетісу ауданының өнерпаздары.

Әр әнге бірге қосылып, әр орындаушыны ыстық ықыласпен қарсы алған көрерменге ерекше алғыс айтамыз. Осындай ерекше атмосфераны дәл сіздер қалыптастырып келесіздер.

Келесі сенбіде осы алаңда кездескенше!

01/08/2026

Назарларыңызға «Музей үні» айдарының кезекті шығарылымын ұсынамыз. 🎶

🐎 Тұяқтас — қазақтың көне ұрмалы музыкалық аспаптарының бірі. Ол негізінен жылқының тұяғынан жасалып, соққылау арқылы ат тұяғының дүбіріне ұқсас ырғақты дыбыс шығарады.

Ертеде тұяқтас қыз ұзату кезінде сыңсуды сүйемелдеп,
ән мен жырға ырғақ қосқан. Оның дүбірлі үні қыздың туған елінен аттану сәтіне ерекше ырғақ пен әсер берген.

Кейіннен тұяқтас ұлттық фольклорлық ансамбльдер мен оркестрлер құрамында қолданылып, қазақтың дәстүрлі музыкасының өзіндік бояуын толықтырды.

29/07/2026

Алматы қаласы Мәдениет басқармасы еліміздің барлық өңіріндегі ақындарды «Шабыт берген Алматы!» атты республикалық поэзиялық шығармалар байқауына қатысуға шақырады.

Байқау Алматы қаласының тарихи, мәдени және рухани келбетін, табиғи сұлулығы мен бүгінгі болмысын поэзия арқылы дәріптеуге бағытталған.

Аталған байқауға Қазақстан Республикасының 18 жасқа толған азаматтары тұрғылықты жеріне және қызмет саласына қарамастан қатыса алады.

Байқауға:
Алматы қаласына арналған қазақ немесе орыс тіліндегі авторлық өлеңдер қабылданады;
Әр қатысушы көлемі кемінде 5 шумақтан тұратын 2 өлеңге дейін ұсына алады;
Жұмыстар бұрын жарияланбаған, өзге әдеби байқауларда жүлде алмаған түпнұсқа авторлық туынды болуы тиіс.

Өтінімдер мен байқау материалдары 2026 жылғы 29 шілде мен 15 тамыз аралығында [email protected] электронды поштасы арқылы қабылданады.

Жүлде қоры:
І орын – 3 000 000 теңге
ІІ орын – 2 000 000 теңге
ІІІ орын – 1 000 000 теңге
5 ынталандыру сыйлығы – әрқайсысы 300 000 теңге

Байқау ережесімен Алматы қаласы Мәдениет басқармасы | Управление культуры парақшасындағы био сілтеме арқылы таныса аласыз.
Қосымша ақпарат: +7 747 965 3329 – Ания Алпысбай.