05/08/2025
Той қашан деп сұрайсыңдар жарыса,
Менде жүрмін сол ойменен алыса
Үйленем деп ойлаушы едім елжіреп
Ет жүрегім тым жақында табылса!
Қыз барма деп сұрайсыңдар сұқтанып,
Бар екені бір періштем тіпті анық
Келесі жыл үйленемін, үй болам
Ата-ананың ақ тілегі құпталып.
Үйленем деп ойламаппын мен мүлде,
Бойдақ өмір жастығыма сендіңбе
Талай қызды шарпып жүріп беймезгіл
Үйленетін уақытқа да келдімбе?
Ұсындыңдар қыз-қырқымды талайды
Гита,Зита , Мөлдір, Мақпал, Арайды
Есімдерді емес бірақ жүрегім ,
Ес аударар махаббатты қалайды!
Тағы кім бар мүмкін Самал, Ақерке
Анель, Жанель, Гүлнұрыңба, Жанерке
Үйленуге бірақ қуып келгенде,
Маған емес ол қыздарға әлі ерте!
Үйленермін қатты алаңдап тоспаңдар,
Құдай берсе бағым болар қосқан жар
Мен біреудің қорғанымын дәл қазір,
Сондықтанда мені ешкіммен қоспаңдар.
Махаббатта бүгін биік заңғармын,
Ақ сезімде алып күшпін арланмын
Хакім Абай жете алмаған Тоғжанды,
Осы күні мен құрықтап алғанмын.
Абай сүйді Тоғжанды ойлады,
Тойын бірақ Әйгеріммен тойлады
Неткен тағдыр, бір жүректе қос сезім
Жарты әлемді егіз ағып бойлады!
Ақын жаны күйді сезім буына,
Қалай шыдап бақтың күйік уына,
Риза болам дана Абаймен таласпай
Тоғжанды сүйіп өтер ғұмырға!
Жүректегі бар өкпені жойыңдар,
Барлығыңа жақсы ниет ойым бар,
Бірің қалмай келесіңдер, жақындар
Келесі жыл дүркіреген тойым бар!
Бойымда жүр талай мұңның елесі,
Менде бары махаббаттың кемесі,
Сұрамаңдар қинамаңдар қашан деп
Үйленемін жылдың соңы келесі!
💡
