10/09/2024
اتقن القواعد كمحترف حتى تتمكن من كسرها كفنان
سوء استخدام الشباب للجملة دي كرهني فيها بقيت مش طايق اسمعها
مع انها نصيحة غالية جدا
بس للاسف معظم اللي في بداية الطريق بيستخدمها غلط و يعمل اي حاجة و يقولك انا مش عايز امشي على القاعدة
و انا مش عايز اكون في قالب
و انا و انا و انا
اتقن اتقن اتقن
بعدين اكسر براحتك
طريق الاتقان طويل و مش سهل
نفس الوقت مش صعب و كل مرحلة فيه ممتعة خصوصا مراحل الوصول للهدف
متجيش في اول ولا نص الطريق و تلاقيه صعب عليك تقول لا انا هكسر القاعدة
عافر عشان توصل للمستوى اللي بتحلم بيه و تخطى كل العقبات
اللي القواعد اصلا هتساعدك علشان تتخطى العقبات دي
و موضوع كسر القواعد دا مش كلمتين و خلاص كدا
دا معناه انك لما بتمتلك المهارة و الادوات
انطلق ومتقيدش نفسك بان لازم الضوء يجي من هنا يمشي من هنا
ولازم الخط يروح هناك و يلف هنا
لا
ساعتها مفيش قواعد تقيدك عشان توصل للابداع
ابداع يعني قاعدة جديدة
القواعد وضعها بشر بملاحظاتهم و تحليلهم … منزلتش كتاب سماوي
و انت بامكانك تصنع قواعدك
و بامكانك تنتقد القواعد الموجودة و تعدل عليها
بس اعرفها الاول و ادرسها عشان تقدر تعمل اللي انت عايزه
