07/03/2026
ប្រេងសាំងអាចនឹងមានគ្រប់គ្រាន់សម្រាប់មនុស្សគ្រប់គ្នា ប៉ុន្តែវាអាចនឹងដាច់ស្តុក ដោយសារភាពអាត្មានិយមរបស់មនុស្ស។ អ្នកអាចនឹងគិតថាខ្លួនឯងឆ្លាត ដែលចេះទិញទុកមុន។ ប៉ុន្តែសូមសាកស្រមៃមើលថា ប្រសិនបើមនុស្សគ្រប់គ្នាសុទ្ធតែឆ្លាតដូចអ្នក តើសង្គមរបស់យើងនឹងត្រូវហែកហួរគ្នាខ្លាំងប៉ុនណា?
នៅពេលប្រេងសាំងដាច់ស្តុក ម៉ាស៊ីនរោងចក្រ និងយានយន្តនានានឹងផ្អាកដំណើរការ។ ការដឹកជញ្ជូនទំនិញក៏នឹងត្រូវរាំងស្ទះ ឬឈប់ដំណើរការ។ ជាហេតុធ្វើឲ្យទំនិញសព្វសារពើឡើងថ្លៃខ្ពស់យ៉ាងខ្លាំង។ មូលហេតុគឺដោយសារប្រេងសាំងត្រូវបានមនុស្សដែលតាំងខ្លួនថាឆ្លាត (តែជាក់ស្តែងគឺអាត្មានិយម) មួយក្រុមតូចយកទៅស្តុកទុក។
រឿងដែលគួរតែអាចឲ្យមនុស្សទាំងអស់រស់នៅបានជាមួយគ្នា បែរជាប្រែក្លាយទៅជាធ្វើឲ្យគ្រប់គ្នារងគ្រោះទៅវិញ។
