សហភាពសហព័ន្ធយុវជនកម្ពុជាស្រុកស៊ីធរកណ្ដាល

23/01/2026

30/11/2024

លិខិតថ្លែងអំណរគុណ ជូនសមាជិក សមាជិកា ស.ស.យ.ក.ស្រុក​ស៊ីធរកណ្តាលខេត្តព្រៃវែង ក្នុងឱកាសខួបលើកទី៤៦ នៃកំណើតរបស់សហភាពសហព័ន្ធយុវជនកម្ពុជា ២ ធ្នូ ១៩៧៨ - ២ ធ្នូ ២០២៤.

15/10/2024

ថ្ងៃទី១៥ ខែតុលា ឆ្នាំ២០១២ គឺជាពេលមួយដែលប្រជាជាតិកម្ពុជាជួបមហាទុក្ខដ៏ក្រៀមក្រំបំផុត ដែលបានបាត់បង់ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» ជាទីសក្ការៈដ៏ខ្ពង់ខ្ពស់បំផុត នៃកូនចៅ ចៅទួត ចៅលួត ចៅលា។ ទូលព្រះបង្គំយើងខ្ញុំទាំងអស់គ្នាចងចាំមិនភ្លេចនូវស្នាព្រះហស្ថដ៏ធំធេងនៃអង្គព្រះវររាជបិតាជាតិ និងព្រះមហាករុណាទិគុណចំពោះប្រទេសជាតិ។

ទូលព្រះបង្គំយើងខ្ញុំសូមថ្វាយព្រះមហារាជកុសលឧទ្ទិសថ្វាយដួងព្រះវិញ្ញាណក្ខន្ធ ព្រះករុណា ព្រះបាទសម្តេចព្រះ នរោត្តម សីហនុ ព្រះវររាជបិតាឯករាជ្យ បូរណភាពដែនដី និងឯកភាពជាតិ «ព្រះបរមរតនកោដ្ឋ» ជាទីសក្ការៈដ៏ខ្ពង់ខ្ពស់បំផុត។

17/09/2024

អបអរសាទរខួបលើកទីមួយ រមណីយដ្ឋានប្រាសាទកោះកេរ ត្រូវបានចុះក្នុងបញ្ជីបេតិកភណ្ឌវប្បធម៌ពិភពលោករបស់អង្គការយូណេស្កូ

កាលពីថ្ងៃទី១៧ ខែកញ្ញា ឆ្នាំ២០២៣ គណៈកម្មាធិការបេតិកភណ្ឌវប្បធម៌ពិភពលោក នៃអង្គការយូណេស្កូ បានសម្រេចជាឯកច្ឆ័ន្ទចុះ «រមណីយដ្ឋានប្រាសាទកោះកេរ» ទៅក្នុងបញ្ជីបេតិកភណ្ឌពិភពលោក នៅក្នុងសម័យប្រជុំលើកទី៤៥ របស់ខ្លួន ឯទីក្រុងរីយ៉ាដ ប្រទេសអារ៉ាប៊ីសាអ៊ូឌីត។ រមណីយដ្ឋានកោះកេរជាអតីតរាជធានីរបស់ខ្មែរក្នុងសតវត្សរ៍ទី១០ ដែលមានអាយុកាលជាង១ពាន់ឆ្នាំមកហើយ ហើយត្រូវបានកសាងដោយព្រះបាទជ័យវរ្ម័នទី៤ នៅពេលផ្លាស់ប្តូររាជធានីពីក្រុងអង្គរមកតំបន់កោះកេរ។ សព្វថ្ងៃប្រាសាទកោះកេរនៅតែចាត់ទុកជាទីតាំងដ៏ពិសិដ្ឋ និងទីសក្ការៈបូជារបស់អ្នកស្រុក។

ក្រុមគ្រួសារសហភាពសហព័ន្ធយុវជនកម្ពុជាមានមោទកភាពចំពោះសម្បត្តិវប្បធម៍ជាកេរ្ដិ៍ដំណែលបុព្វបុរសខ្មែរបន្សល់ទុក ដែលមានតម្លៃជាសកល។ ក្នុងនាមជាយុវជន យើងបេ្ដជ្ញាបន្ដការពារ និងថែរក្សាឱ្យខានតែបាននូវមរតកដូនតាដើម្បីបន្ដជាអត្តសញ្ញាណជាតិទៅអ្នកជំនាន់ក្រោយ។

18/08/2024

សេចក្ដីថ្លែងការណ៍របស់អ្នកនាំពាក្យអភិសន្តិបណ្ឌិត ស សុខា ជុំវិញការចុះផ្សាយរបស់ជនខ្លះដែលយកឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ទៅប្រៀបធៀបជាមួយសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។

16/08/2024

សូមស្ដាប់សាររបស់ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ជុំវិញកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA

កិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA ត្រូវបានបង្កើតឡើង ក្នុងគោលដៅតភ្ជាប់ហេដ្ឋារចនាសម្ពន្ធ ការបង្កើតពាណិជ្ជកម្មឆ្លងដែន ការពង្រឹងសន្តិសុខ បង្ការបទល្មើសឆ្លងដែន និងការបង្កើនសក្ដានុពលទេសចរណ៍នៅក្នុងខេត្តទាំងបួនរបស់ប្រទេសកម្ពុជា គឺមណ្ឌលគិរី រតនគិរី ក្រចេះ និងស្ទឹងត្រែង។

13/08/2024

សារសំឡេងពិសេស!!! សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ពន្យល់បន្ថែមអំពីកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) ដល់ជនរួមជាតិ។

ថ្ងៃទី១២ ខែសីហា ឆ្នាំ២០២៤

10/08/2024

សហភាពសហព័ន្ធយុវជនកម្ពុជាស្រុកស៊ីធរកណ្តាល
………………………….
នាថ្ងៃសៅរ៍ ៦ កើត ខែស្រាពណ៍ ឆ្នាំរោងឆស័ក ព.ស.២៥៦៨ ត្រូវនឹងថ្ងៃទី១០ ខែសីហា ឆ្នាំ២០២៤ វេលាម៉ោង 7:30 នាទី សហភាពសហព័ន្ធយុវជនកម្ពុជាស្រុកស៊ីធរកណ្តាលបានរៀបចំពិធីដាំកូនឈើ នៅវត្តតាគ្រាប ឃុំ ព្នៅទី 1 ស្រុកស៊ីធរកណ្ដាល ក្រោមអធិបតីភាពលោក ប៊ុន សុបុត្ត ប្រធានក្រុមការងារចុះជួយ សសយកស្រុក និងសហការី ។
សូមអរគុណ !

09/08/2024

សេចក្តីជូនដំណឹង
………………………….
សហភាពសហព័ន្ធយុវជនកម្ពុជាស្រុកស៊ីធរកណ្តាល មានកិត្តិយសជម្រាបជូន សមាជិកសមាជិកា និងសាធារណជនមេត្តាជ្រាបថា:
សហភាពសហព័ន្ធយុវជនកម្ពុជាស្រុកស៊ីធរកណ្តាលនឹងរៀបចំពិធីដាំកូនឈើ នៅវត្តតាគ្រាប ឃុំ ព្នៅទី 1 ស្រុកស៊ីធរកណ្ដាល នាថ្ងៃសៅរ៍ ៦ កើត ខែស្រាពណ៍ ឆ្នាំរោងឆស័ក ព.ស.២៥៦៨ ត្រូវនឹងថ្ងៃទី១០ ខែសីហា ឆ្នាំ២០២៤ វេលាម៉ោង 7:30 នាទី ក្រោមអធិបតីភាពលោក ប៊ុន សុបុត្ត ប្រធានក្រុមការងារចុះជួយ សសយកស្រុក និងសហការី
សូមអរគុណ !

06/07/2024

លទ្ធផលការប្រកួតបាល់ទាត់ពានរង្វាន់ ឯកឧត្តមអភិសន្តិបណ្ឌិត ស សុខា ខេត្តព្រៃវែង ឆ្នាំ២០២៤ វគ្គ៨ក្រុមចុងក្រោយ នៅទីលានបាល់ទាត់វិទ្យាល័យ ព្រះបាទនរោត្តម ថ្ងៃទី៦ ខែកក្កដា ឆ្នាំ២០២៤។

សូមចូលរួមអបអរសាទរ ក្រុមយុវជនស្រុកស៊ីធរកណ្តាល និងក្រុមវិទ្យាល័យ មិត្តភាព ខ្មែរជប៉ុន