24/08/2026
“Blooming in the wrong place”
ឃ្លានមួយនេះបានឆ្លុះបញ្ចាំអំពី អារម្មណ៍ឈឺចាប់ និងការអាក់អន់ចិត្តយ៉ាងស្ងៀមស្ងាត់ ពេលដែលយើងដឹងថាខ្លួនឯងមានសមត្ថភាព មានថាមពល ប៉ុន្តែបរិស្ថាន ឬទីកន្លែងជុំវិញខ្លួន បែរជាមិនផ្តល់ដី ពន្លឺ ឬខ្យល់អាកាសដែលស័ក្តិសមឱ្យយើងលូតលាស់បានពេញលេញសោះ។
ការពិតដែលឈឺចាប់បំផុតដែលយើងត្រូវទទួលស្គាល់ក្នុងពេលបែបនេះ គឺ៖ អ្នកមិនអាចបង្ខំភ្នែកដែលងងឹត ឱ្យមើលឃើញភាពស្រស់ស្អាតរបស់អ្នកបានឡើយ ទោះជាអ្នកប្រឹងរីកស្កឹមស្កៃយ៉ាងណាក៏ដោយ។
ប្រសិនបើអ្នកកំពុងស្ថិតក្នុងបរិយាកាសមួយ មិនថាជាកន្លែងធ្វើការ ទំនាក់ទំនង ឬរង្វង់មិត្តភក្តិ ដែលបំបាក់ទឹកចិត្តអ្នក ឬធ្វើមើលមិនឃើញការខិតខំរបស់អ្នក នោះវាកំពុងឆ្លុះបញ្ចាំងពី កម្រិតនៃទស្សនវិស័យរបស់ពួកគេ ប៉ុណ្ណោះ មិនមែនជាតម្លៃរបស់អ្នកឡើយ។ អ្នកសមនឹងទទួលបានកន្លែងមួយ ដែលគេមើលឃើញការខិតខំ ឲ្យតម្លៃលើសមិទ្ធផល និងអបអរភាពជោគជ័យរបស់អ្នក ដោយមិនចាំបាច់ឱ្យអ្នកទៅអង្វរសុំការទទួលស្គាល់នោះទេ។
កុំបង្រួមខ្លួនឯង ឱ្យត្រូវទៅនឹងកន្លែងដែលមិនចេះឱ្យតម្លៃលើការលូតលាស់របស់អ្នកឡើយ។
ជួនកាល ការ «រីកខុសកន្លែង» គឺជាសញ្ញាប្រាប់ថា អ្នកបានធំធាត់ផុតផើង ឬកែវដែលឃុំឃាំងអ្នកហើយ។ ជួនកាលទៀត វាបង្ហាញថាអ្នកជាមនុស្សរឹងមាំខ្លាំងប៉ុណ្ណា ដែលអាចរស់រាន និងរំលេចភាពស្រស់ស្អាតបាន ទោះស្ថិតក្នុងលក្ខខណ្ឌដែលមិនអំណោយផលក៏ដោយ រហូតដល់ថ្ងៃដែលអ្នកអាចផ្លាស់ប្តូរទៅដាំក្នុងសួនថ្មីមួយ ដែលស្វាគមន៍ និងឲ្យតម្លៃអ្នកយ៉ាងពិតប្រាកដ។
ប៉ុន្តែ សូមចងចាំថា៖ ផ្កាដែលរីកខុសកន្លែង មិនមែនជាផ្កាដែលបាក់បែក ឬគ្មានតម្លៃនោះទេ វាគ្រាន់តែជារុក្ខជាតិដែលនៅខុសទីតាំងតែប៉ុណ្ណោះ។
