13/05/2026
- កាលពីថ្ងៃទី១០ និង១១ ខែឧសភា ឆ្នាំ២០២៦
លោក ម៉ារ៉ា សុជាតិ អគ្គលេខាធិការ សហព័ន្ធកីឡាប៊ីយ៉ាកម្ពុជា តំណាងឱ្យសហព័ន្ធកីឡាប៊ីយ៉ាកម្ពុជា និងលោក ប៉ែន វុទ្ធី ប្រធាននាយកដ្ឋានកីឡាជំនាញ និងកីឡាមហាជន តំណាងឱ្យក្រសួងអប់រំ យុវជន និងកីឡា បានអញ្ជេីញចូលរួមពិធីតាំងពិពណ៌ប៊ីយ៉ាពិភពលោកលេីកទី២០ នៅទីក្រុងក្វាងចូវ សាធារណរដ្ឋប្រជាមានិតចិន។
- កម្មវិធីនេះដែរមានការចូលរួមពីសំណាក់ថ្នាក់ដឹកនាំសហព័ន្ធ និងសមាគមន៍ ប៊ីយាពិភពលោក អាស៊ី អេស៊ាន អាមេរិក អាហ្វ្រឹក អ៊ឺរ៉ុប ឡាទីន អូស្ត្រាលី ចិននិងសហព័ន្ធកីឡាប៊ីយ៉ាតាមបណ្តាប្រទេសលេីពិភពលោក បូករួមជាមួយបណ្តាក្រុមហ៊ុនផលិតសម្ភារប៊ីយ៉ាជាង៨០០ក្រុមហ៊ុន ក្នុងទីតាំងតែមួយ។
- យេីងសម្គាល់ឃេីញថាកីឡាប៊ីយ៉ាពិតជាមានការរីកចម្រេីន និងមានការអភិវឌ្ឍន៍ខ្លាំង ហេីយមានប្រជាប្រិយភាពជុំវិញពិភពលោកដោយមានអ្នកទស្សនកិច្ចយ៉ាងច្រេីនកុះករ។
- ដោយមានការស្វាគមន៍ពីសំណាក់អ្នករៀបចំកម្មវិធី និងការទំនាក់ទំនងល្អរវាងសហព័ន្ធកីឡាប៊ីយ៉ាកម្ពុជា និងបណ្តាសហព័ន្ធទាំងអស់ខាងលេី ពិសេសគឺបណ្តាក្រុមហ៊ុនផលិតសម្ភារប៊ីយ៉ាធំៗ និងការតាំងបង្ហាញដ៏អស្ចារ្យ សម្រាប់វិស័យកីឡាប៊ីយ៉ា ថ្នាក់ដឹកនាំក្រសួងអប់រំ យុវជន និងកីឡា បានវាយតម្លៃខ្ពស់ថា វិស័យកីឡាប៊ីយ៉ា នឹងទទួលបានការចាប់អារម្មណ៍ពីសំណាក់យុវវ័យ និងអ្នកចូលចិត្តលេងកីឡាមួយនេះនៅកម្ពុជានាពេលអនាគតកាន់តែច្រេីនឡេីងជាក់ជាមិនខាន ហេីយក្រសួងអប់រំ យុវជន និងកីឡា នឹងជំរុញគាំទ្រដល់ការចូលរួមពីបណ្តាក្លឹបប៊ីយ៉ាទាំងអស់នៅកម្ពុជា និងការចូលរួមប្រកួតរបស់កីឡាករ កីឡាការិនី ដែលមានសមត្ថភាព ក្នុងការប្រកួតថ្នាក់ជាតិ និងការប្រកួតជាលក្ខណៈអន្តរជាតិតំណាងឱ្យកម្ពុជាដេីម្បីដណ្តេីមមេដាយជូនជាតិផងដែរ។
