Cambodian Cultural Heritage

08/02/2024

សកម្មភាពបើកវគ្គបណ្ដុះបណ្ដាលជំនាញដូនតា ស្ដីពីជំនាញចម្លាក់ស្បែក

កាលពីថ្ងៃទី៣ ខែកុម្ភ: ឆ្នាំ២០២៤ សហការរៀបចំដោយក្រុមល្ខោនស្បែកធំលោកតា ទី ជៀន ក្រសួងវប្បធម៌និងវិចិត្រសិល្បៈ បានបើកវគ្គបណ្ដុះបណ្ដាលជំនាញដូនតា ស្ដីពីជំនាញចម្លាក់ស្បែក ស្ថិតនៅផ្ទះ៧៦១ ផ្លូវលំក្រុមទី២ ភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប ដែលមានសិស្សចូលរួមចំនួន១៥នាក់ បង្រៀនដោយ ចម្មការភិរក្ស ជៀន សុផាន។

កម្មវិធីបណ្តុះបណ្ដាលជំនាញវិជ្ជាជីវៈដូនតាឆ្នាំ២០២៤ រៀបចំដោយក្រសួងវប្បធម៌និងវិចិត្រសិល្បៈ លើមុខជំនាញចំនួន១១ជំនាញ នៅទីតាំងចំនួន ១៣ នៃ៨រាជធានី-ខេត្ត ។

អត្ថបទ និងរូបថត : ក្រសួងវប្បធម៌និងវិចិត្រសិល្ប:

05/02/2024

[ការយកចិត្តទុកដាក់ការពារ ថែរក្សា និងអភិរក្សមត៌កដូនតា]
ថ្ងៃបើកវគ្គបណ្តុះបណ្តាលជំនាញវិជ្ជាជីវ:ដូនតាស្តីពីតម្បាញក្រមាត្រុំ
ក្នុងសហគមន៍ត្រុំអង្គរបាន🌿 ក្នុងស្រុកកងមាស ខេត្តកំពង់ចាមកាលពីថ្ងៃទី៥ ខែកុម្ភ: ឆ្នាំ២០២៤។

រូបភាព÷ ត្រុំអង្គរបាន Angkor Ban Indigo

05/02/2024

Web Pages ដែលផ្សព្វផ្សាយអត្ថបទស្រាវជ្រាវសំខាន់ៗ និងចូលអានដោយមិនគិតថ្លៃ។ សូមចុចLinkខាងក្រោមដើម្បីចូលទៅកាន់Web Pages ទាំងនោះ____!
យសោធរ
https://www.yosothor.org/
EFEO Cambodia
https://www.efeo.fr/base.php?code=217
Persee
https://info.persee.fr/
Popular-Archaeology
https://popular-archaeology.com/

05/02/2024

18/01/2024

[កម្មវិធីបណ្តុះបណ្តាល ជំនាញវិជ្ជាជីវ:ដូនតាឆ្នាំ២០២៤]
សិក្សាដោយឥតគិតថ្លៃ ថែមទាំងទទួលបានប្រាក់ឧបត្ថម្ភប្រចាំខែទៀត។

03/06/2023

[វាយកូនគោល]
អ្នកស្រុកវិហារសួគ៍ ខេត្តកណ្តាល​ហៅថា វាយកូនគោល ចំណែកអ្នកស្រុកខាងស្វាយរៀងហៅថាវាយប្រដំ អ្នកខាងកំពង់ចាមឯនោះវិញហៅថាលេងប៊ែក​ ចំណែកនៅខាងសៀមរាប បន្ទាយមានជ័យ ឧត្តរមានជ័យ​ហៅ​ថា​វាយកូនកែ(កូនកែទឹក, កូនកែភ្លើង, កូនកែគោក)។
#វាយកូនគោល

28/04/2023

VDO[បបរព្យួក] ខេត្តកំពង់ធំ
បបរព្យួកជាបង្អែមក្នុងសហគមន៍របស់បងប្អូនជនជាតិដើមភាគតិចកួយក្នុងខេត្តកំពង់ធំ។ បង្អែមនេះគេនិយមធ្វើនៅពេលមានបុណ្យ ឬកិច្ចពិធីក្នុងភូមិ និងពេលខ្លះឃើញមានគ្រួសារមួយចំនួនធ្វើបង្អែមនេះបរិភោគក្នុងការរស់នៅប្រចាំថ្ងៃផងដែរ។ បងប្អូនជនជាតិដើមភាគតិចកួយចាត់ទុកបបរព្យួកជាបង្អែមដែលមានរស់ជាតិឆ្ញាញ់ជាងបង្អែមផ្សេងៗទៀត។

បង្អែមនេះមានគ្រឿងផ្សំដូចជា៖ ស្ករត្នោត ឬស្ករស, ដូង, គ្រាប់ព្យួក, គ្រាប់កកោះ, គ្រាប់សណ្តែកចំការ, អំបិល, និងខ្ទិះដូង។ ដំបូងគេយកគ្រាប់កកោះទៅដុតឱ្យមានខ្លិនឈ្ងុយ ហើយចាប់ផ្តើមលីងគ្រាប់សណ្តែកចំការរួចត្រាំទឹកទុកមួយយប់។ គេត្រូវដាំទឹកឲ្យពុះបង់គ្រាប់កកោះ គ្រាប់សណ្តែក ដាក់អំបិលបន្តិចដើម្បីឱ្យរស់ជាតិកាន់ដិត និងដាក់គ្រាប់ព្យួក។ នៅពេលគ្រាប់ព្យួកឆ្អិនល្អហើយ ទើបបង់ស្ករ និងដាក់ខ្ទិះដូងចូល កូរឲ្យសព្វទុកឲ្យពុះម្តងទៀតជាការស្រេច ។

ព្យួកមានដើមស្រដៀងគ្នាទៅនឹងស្រូវដែរ គេប្រមូលផលគ្រាប់ព្យួក ទុកដាក់ដូចស្រូវអង្ករយើងដែរ។
សព្វថ្ងៃព្យួកមិនសូវសំបូរប៉ុន្មាននោះទេ ប្រហែលជាមកពីកត្តា២ធំៗគឺការបាត់បង់ដីចំការរបស់បងប្អូនជនជាតិ និងម្យ៉ាងទៀតព្យួកជារុក្ខជាតិដែលពិបាកសម្របខ្លួនទៅការប្រែប្រួលអាកាសធាតុ។

26/04/2023

[សិប្បកម្មតម្បាញឫស្សី] ខេត្តកំពង់ឆ្នាំង។

សិប្បកម្មដែលធ្វើពីឫស្សីនេះមានទីតាំងនៅឃុំជើងគ្រៀវ នៃស្រុករលាប្អៀរ ខេត្តកំពង់ឆ្នាំង។ ប្រសិនបើធ្វើដំណើរពីរាជធានីភ្នំពេញមកកាន់ខេត្តកំពង់ឆ្នាំងតាមផ្លូវជាតិលេខ៥ ក្នុងចម្ងាយប្រមាណ ៨០គីឡូម៉ែត្រ យើងនឹងមកដល់ ផ្សារព្រៃខ្មែរ ហើយបត់ឆ្វេង ( ផ្លូវលេខ១៤១ នៅខាងលិចផ្សារ ) ចុះមកកាន់ ឃុំជើងគ្រៀវ នៃស្រុករលាប្អៀរ។ បន្ទាប់មកត្រូវបន្តដំណើរប្រមាណជា ៦គីឡូម៉ែត្របន្ថែមទៀតនឹងមកដល់ទីតាំងសិប្បកម្មតម្បាញឫស្សីនៅតាមភូមិ។
ឃុំជើងគ្រៀវមានភូមិចំណុះចំនួន៩ ដែលអ្នកភូមិសុទ្ធសឹងតែប្រកបរបរសិប្បកម្មធ្វើពីឫស្សីដែលមានដូចជាកញ្ច្រែង កឡោបិ៍ កញ្ជើ និងចង្អេរជាដើម។ ជាទូទៅ អ្នកភូមិបានធ្វើបំណែកចែកការបង្កើតផលិតផលឫស្សីទាំងនេះទៅតាមភូមិនីមួយៗដាច់ដោយឡែក មានន័យថាពុំធ្វើជាន់គ្នា ឬដូចគ្នាទាំងស្រុងនោះទេ គឺភូមិខ្លះធ្វើកញ្ច្រែង ភូមិខ្លះទៀតធ្វើកញ្ជើ ចង្អេរ រីឯភូមិខ្លះទៀតធ្វើកឡោបិ៍ជាដើម។ ប៉ុន្តែបើទោះយ៉ាងនេះក្ដី អ្នកភូមិបានអនុវត្តសកម្មភាពជាប្រព័ន្ធពីភូមិមួយទៅភូមិមួយក្នុងការទិញលក់ផលិតផលមិនទាន់សម្រេចមកបំពេញបន្ថែម មុននឹងនាំយកទៅកាន់ទីផ្សារ។

26/04/2023

[សម្លម្ជូរខ្ទិះត្នោត] ខេត្តសៀមរាប

ម្ជូរខ្ទិះត្នោត​ ជាម្ហូប​ប្រចាំខេត្តសៀមរាប ដែលមានរសជាតិឆ្ញាញ់ពិសា។ ប្រសិនបើលោកអ្នកទៅដល់ខេត្តសៀមរាប សូមកុំភ្លេច​សាកសម្លម្ជូរខ្ទិះត្នោត ជាពិសេស​រសជាតិ​ដើម ​ដែល​ជាស្នាដៃរបស់អ្នកភូមិ​។

កម្រងរូបភាពខាងក្រោមជាស្នាដៃរបស់​អ្នកភូមិ​ស្ពានថ្មី ឃុំលាងដៃ ស្រុក​អង្គរធំ ខេត្ត​សៀម​រាប​។

25/04/2023

[បន្ទាត់បោះ]​ ខេត្តបន្ទាយមានជ័យ
អ្នកស្រុកខ្លះហៅថា​ថ្មរាប់ ឬ ប្រទាលបោះ។