សមាគមសិល្បករខ្មែរ Khmer Artists Association

សមាគមសិល្បករខ្មែរ Khmer Artists Association We have a specific direction to help Cambodian artist growth in national and international stage.
(6)

We’re so proud to bring our vibrant art and culture to the world. We’re together to promote Cambodian Culture and Tourism to any corner of the world.

លោកជំទាវអ្នកឧកញ៉ា ម៉ៅ ចំណាន គិតម៉េង ផ្តល់អាហារូបករណ៍សិក្សា ៥កន្លែង នៅសាកលវិទ្យាភ្នំពេញអន្តរជាតិ (PPIU) ជូនដល់សិល្បករសិល្...
22/08/2026

លោកជំទាវអ្នកឧកញ៉ា ម៉ៅ ចំណាន គិតម៉េង ផ្តល់អាហារូបករណ៍សិក្សា ៥កន្លែង នៅសាកលវិទ្យាភ្នំពេញអន្តរជាតិ (PPIU) ជូនដល់សិល្បករសិល្បការិនី

សមាគមសិល្បករខ្មែរ មានកិត្តិយសសូមជម្រាបជូនដល់បងប្អូនសិល្បករសិល្បការិនីទាំងអស់ឱ្យបានជ្រាបថា លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ នឹងផ្តល់អាហារូបករណ៍ចំនួន ៥កន្លែង (ថ្នាក់បរិញ្ញាបត្រ) សិក្សានៅសាកលវិទ្យាភ្នំពេញអន្តរជាតិ (PPIU) ជូនដល់សិល្បករសិល្បការិនី ជាសមាជិកសមាគម ដើម្បីរួមចំណែកកសាងធនធានមនុស្ស និងជាការតបស្នងចំពោះកិច្ចខិតខំថែរក្សាការពារសិល្បៈវប្បធម៌ ក៏ដូចជាជួយសម្រួលដល់ការខ្វះខាតរបស់សិល្បករមួយចំនួន។
�បងប្អូនសមាជិកសិល្បករសិល្បការិនីដែលមានបំណងទទួលបានឱកាសអាហារូបករណ៍ដ៏ពិសេសពីលោកជំទាវអ្នកឧកញ៉ា ម៉ៅ ចំណាន គិតម៉េង សូមរួសរាន់មកសាកសួរព័ត៌មានដោយផ្ទាល់នៅទីស្នាក់ការសមាគមសិល្បករខ្មែរ ដែលមានអាសយដ្ឋាន ផ្ទះលេខ៩៣ ផ្លូវ៣៧៦ ភូមិ១ សង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ ចាប់ពីថ្ងៃនេះ រហូតដល់ថ្ងៃទី១៥ ខែកញ្ញា ឆ្នាំ២០២៦ ឬ តាមរយៈលេខទូរស័ព្ទ ០៩៥ ៨២៦ ៨២៦/ ០៩៥ ៨២៧ ៨២៧៕

21/08/2026

អបអរសាទរសមិទ្ធផលសំណង់ស្ថាបត្យកម្មនៃវិមានសាមគ្គីភាពនៃព្រឹទ្ធសភា ត្រូវបានរៀបចំព្រះរាជពិធីសម្ពោធ ក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ ព្រះមហាក្សត្រនៃព្រះរាជាណាចក្រកម្ពុជា

នាព្រឹកថ្ងៃសុក្រ ៨កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែសីហា ឆ្នាំ២០២៦ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានយាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងព្រះរាជពិធីសម្ពោធអគារថ្មី «វិមានសាមគ្គីភាព» នៃព្រឹទ្ធសភា ដោយមានការអញ្ជើញចូលរួមពី សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ្រ ចាន់មុន្នី ហ៊ុនម៉ាណែត ព្រមទាំងឥស្សរជនជាន់ខ្ពស់ ថ្នាក់ដឹកនាំ សមាជិក សមាជិកាព្រឹទ្ធសភា រដ្ឋសភា រាជរដ្ឋាភិបាល អង្គទូត ភ្ញៀវជាតិ-អន្តរជាតិ និងថ្នាក់ដឹកនាំអគ្គលេខាធិការដ្ឋានព្រឹទ្ធសភា។

«វិមានសាមគ្គីភាព» ត្រូវបានផ្តួចផ្តើមកសាងឡើងកាលពីឆ្នាំ២០២៤ និងប្រសិទ្ធនាមដោយ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ ព្រះមហាក្សត្រនៃព្រះរាជាណាចក្រកម្ពុជា និងដឹកនាំសាងសង់ដោយ ឯកឧត្តម ប្រាក់ សុខុន អនុប្រធានទី១ព្រឹទ្ធសភានាពេលនោះ។ នាមនៃ វិមាននេះត្រូវបានផ្តល់ជូនដើម្បីជាមហាកិត្តិយសក្នុងស្មារតីលើកកម្ពស់តួនាទីរបស់ព្រឹទ្ធសភា ដែលជាស្ថាប័នតំណាងឱ្យក្រុមប្រឹក្សាឃុំ-សង្កាត់ និងជាការរួមកម្លាំងពីសប្បុរសជននានាដែលជាភស្តុតាងនៃស្មារតី សាមគ្គីភាពជាតិដ៏រឹងមាំ។ «វិមានសាមគ្គីភាព» គួបផ្សំនឹង «វិមានមិត្តភាព» និង «វិមានសន្តិភាព» បានបង្កើតជា «ត្រៃឋាន» នៃអំណាចរដ្ឋគឺជា មុំចង្ក្រានដ៏រឹងមាំសម្រាប់ធានានូវសន្តិភាព និងការអភិវឌ្ឍប្រកបដោយចីរភាព។

វិមាននេះមានបណ្តោយ ៧៩ម៉ែត្រ ទទឹង ៤៧ម៉ែត្រ និងកម្ពស់ ៤ជាន់ ប្រើប្រាស់ថវិកាដែលបានមកពីការចូលរួមវិភាគទានរបស់សប្បុរសជននានា ដោយពុំប្រើប្រាស់ថវិកាជាតិ។ សមិទ្ធផលថ្មីនេះបានរួមចំណែកពង្រឹងហេដ្ឋារចនាសម្ព័ន្ធ និងបង្កើនសមត្ថភាពរបស់ព្រឹទ្ធសភា ក្នុងការបំពេញតួនាទី និងភារកិច្ច ព្រមទាំងការរៀបចំកិច្ចប្រជុំ និងទទួលបដិសណ្ឋារកិច្ចគណៈប្រតិភូជាតិ និងអន្តរជាតិប្រកបដោយប្រសិទ្ធភាព៕

លោក សុវណ្ណ មករា អគ្គលេខារងសមាគមសិល្បករខ្មែរ ចូលរួមជាវាគ្មិនក្នុងសិក្ខាសាលាថ្នាក់ជាតិស្តីពី «ការជំរុញទេសចរណ៍ភាពយន្តនៅកម្ព...
21/08/2026

លោក សុវណ្ណ មករា អគ្គលេខារងសមាគមសិល្បករខ្មែរ ចូលរួមជាវាគ្មិនក្នុងសិក្ខាសាលាថ្នាក់ជាតិស្តីពី «ការជំរុញទេសចរណ៍ភាពយន្តនៅកម្ពុជា»

ខេត្តសៀមរាប, ព្រឹកថ្ងៃទី២០ ខែសីហា ឆ្នាំ២០២៦៖ កម្ពុជាបាននិងកំពុងបោះជំហានថ្មីឆ្ពោះទៅកាន់គោលដៅទេសចរណ៍ភាពយន្ត (Film Destination) តាមរយៈកិច្ចសហការរួមរវាងរដ្ឋ និងឯកជន ធ្វើយ៉ាងណាជំរុញកម្ពុជាឱ្យ​កា្លយ​ជាគោលដៅទេសចរណ៍ភាពយន្ត (Film Destination) លំដាប់ជាតិ និងអន្តរជាតិ។

ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងជាប្រធានក្រុមការងារអន្តរក្រសួង ដើម្បីសម្របសម្រួល និងគាំទ្រវិស័យទេសចរណ៍ភាពយន្ត និងការទស្សនាប្រាសាទនាពេលរាត្រីនៅកម្ពុជា បានគូសបញ្ជាក់ថា កម្ពុជាមានសក្តានុពលខ្ពស់ក្នុងការប្រែក្លាយខ្លួនជាគោលដៅទេសចរណ៍ភាពយន្ត (Film Destination) ទាំងកម្រិតជាតិ និងអន្តរជាតិ។

ថ្លែងក្នុងពិធីបើកសិក្ខាសាលាថ្នាក់ជាតិស្តីពី «ការជំរុញទេសចរណ៍ភាពយន្តនៅកម្ពុជា» ឯកឧត្តមរដ្ឋមន្ត្រី បានមានប្រសាសន៍ថា៖ «កម្ពុជាមិនមែនមានតែប្រាសាទអង្គរវត្តនោះទេ។ យើងនៅមាន “ស្ទូឌីយូធម្មជាតិ” ដ៏សម្បូរបែប និងស្រស់ស្អាតជាច្រើន ដូចជា តំបន់ឆ្នេរសមុទ្រ ព្រៃភ្នំ និងទឹកជ្រោះនៅភាគឦសាន ប្រាសាទកោះកេរ តំបន់ប្រាសាទសំបូរព្រៃគុក ព្រមទាំងស្ថាបត្យកម្ម និងទីតាំងប្រវត្តិសាស្ត្រជាច្រើនទៀត ដែលកំពុងរង់ចាំផលិតករជាតិ និងអន្តរជាតិ មកផ្តិតយករូបភាព និងនាំយកសម្រស់កម្ពុជា ទៅបង្ហាញជូនពិភពលោក»។

សិក្ខាសាលាថ្នាក់ជាតិនេះ គឺ​ជាវេទិកាដ៏មានសារៈសំខាន់សម្រាប់ធ្វើជាស្ពានតភ្ជាប់ និងបង្កើតកិច្ចសន្ទនារវាងស្ថាប័នរដ្ឋ ប្រតិបត្តិករក្នុងឧស្សាហកម្មភាពយន្ត និងឧស្សាហកម្មទេសចរណ៍ ដើម្បីរួមគ្នាស្វែងរកកាលានុវត្តភាព ដោះស្រាយបញ្ហាប្រឈម និងកំណត់វិធានការគន្លឹះ សំដៅជំរុញការអភិវឌ្ឍទេសចរណ៍ភាពយន្តនៅកម្ពុជាឱ្យកាន់តែមានភាពប្រកួតប្រជែង។

គួរបញ្ជាក់ថា កម្ពុជាធ្លាប់មានបទពិសោធន៍ប្រវត្តិសាស្ត្រដ៏ជោគជ័យ ក្នុងការប្រើប្រាស់ឥទ្ធិពលនៃភាពយន្ត ដើម្បីជំរុញការផ្សព្វផ្សាយគោលដៅទេសចរណ៍។ ជាក់ស្តែង កម្ពុជាធ្លាប់ជាទីតាំងថតខ្សែភាពយន្តអន្តរជាតិធំៗជាច្រើន ដូចជា Lord Jim, Two Brothers និងជាពិសេសខ្សែភាពយន្តហូលីវូដខ្នាតធំ Tomb Raider នៅដើមទសវត្សរ៍ឆ្នាំ២០០០។ ភាពយន្ត Tomb Raider បានរួមចំណែកធ្វើឱ្យប្រាសាទតាព្រហ្ម ដែលមានអត្តសញ្ញាណពិសេសដោយសំណង់បុរាណលាយឡំជាមួយព្រៃព្រឹក្សា ក្លាយជាគោលដៅទេសចរណ៍ដ៏ល្បីល្បាញលើពិភពលោក។ រហូតមកដល់សព្វថ្ងៃ ភ្ញៀវទេសចរអន្តរជាតិមួយចំនួន នៅតែហៅប្រាសាទតាព្រហ្មក្រៅផ្លូវការថា «ប្រាសាទ Angelina Jolie»។ ភាពយន្ត First They Killed My Father ក៏បានបង្ហាញឱ្យឃើញពីសមត្ថភាព និងសក្តានុពលរបស់កម្ពុជា ក្នុងការធ្វើជាទីតាំងថតភាពយន្តខ្នាតអន្តរជាតិ ព្រមទាំងបង្កើតផលប្រយោជន៍សេដ្ឋកិច្ចតាមរយៈការចំណាយ និងការវិនិយោគដោយផ្ទាល់ទៅក្នុងសេដ្ឋកិច្ចមូលដ្ឋាន ក្នុងអំឡុងពេលនៃការផលិតភាពយន្ត៕

លោក សុវណ្ណ មករា អគ្គលេខារងសមាគមសិល្បករខ្មែរ បាននាំយក​​ថវិកាចំនួន ៧​លានរៀល របស់​លោកជំទាវអ្នកឧកញ៉ា ម៉ៅ ចំណាន គិតម៉េង និង​...
19/08/2026

លោក សុវណ្ណ មករា អគ្គលេខារងសមាគមសិល្បករខ្មែរ បាននាំយក​​ថវិកាចំនួន ៧​លានរៀល របស់​លោកជំទាវអ្នកឧកញ៉ា ម៉ៅ ចំណាន គិតម៉េង និង​ថវិការបស់សមាគមសិល្បករខ្មែរ ឧបត្ថម្ភ​ជូនដល់លោក សក្តិ ស៊ីថន ដែលជាអ្នកដឹកនាំភាពយន្ត​ដ៏មានឈ្មោះ​បោះសំឡេង​ម្នាក់ក្នុងវិស័យ​សិល្បៈ​ ដែល​កំពុង​មាន​ជំងឺ​ប្រចាំ​កាយ។

ថវិកាចំនួន៧​លានរៀល​នេះ ៥​លានរៀល​ជាថវិកាផ្ទាល់ខ្លួន​របស់​លោកជំទាវអ្នកឧកញ៉ា ម៉ៅ ចំណាន គិតម៉េង និង​២លាន​រៀល​ទៀត​ជា​ថវិកា​របស់​សមាគមសិល្បករខ្មែរ។

គួរ​បញ្ជាក់ថា លោក សក្តិ ស៊ីថន មានស្នាដៃជាច្រើនក្នុងសិល្បៈកម្ពុជា ទាំងការផលិតដឹកនាំសម្ដែងភាពយន្ត វីដេអូបទចម្រៀង និពន្ធសាច់រឿង និពន្ធបទចម្រៀង និងធ្លាប់​ជាសិល្បករល្ខោននិយាយទៀត​ផង។

ចំពោះស្នាដៃដឹកនាំផលិតភាពយន្ត លោក សក្តិ ស៊ីថន ធ្លាប់បានផលិតនិងដឹកនាំរឿងបែបប្រវត្តិសាស្រ្ត ជាច្រើន ដូចជា រឿងតេជោដំឌិន រឿងភូមិតិរច្ឆាន រឿងផ្កាស្រពោន ជាដើម តែប៉ុន្មានឆ្នាំចុង​ក្រោយនេះ ដោយ​វ័យ​កាន់តែ​ចាស់ លោក សក្តិ ស៊ីថន មិនសូវមានស្នាដៃថ្មីៗដូចពីមុនឡើយ ហើយ​បាន​ក្លាយជាមនុស្សពិការ ដើរមិនរួច ដោយសារមានជំងឺ Stroke ៕

លោកជំទាវអ្នកឧកញ៉ា ម៉ៅ ចំណាន គិតម៉េង ​ឧបត្ថម្ភ​ថវិកា ៧​លានរៀលការយកចិត្តទុកដាក់ចំពោះសិល្បករចាស់ៗ ឬ​សិល្បកររាមច្បងជាបេសកកម្...
19/08/2026

លោកជំទាវអ្នកឧកញ៉ា ម៉ៅ ចំណាន គិតម៉េង ​ឧបត្ថម្ភ​ថវិកា ៧​លានរៀល

ការយកចិត្តទុកដាក់ចំពោះសិល្បករចាស់ៗ ឬ​សិល្បកររាមច្បងជាបេសកកម្មដ៏សំខាន់មួយយ​របស់សមាគមសិល្បករខ្មែរ។

កាលពីសប្តាហ៍មុន​នេះ លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ បាន​ឧបត្ថម្ភ​ថវិកាចំនួន ៧​លានរៀល ជូនដល់លោក សក្តិ ស៊ីថន ដែលជាអ្នកដឹកនាំភាពយន្ត​ដ៏មានឈ្មោះ​បោះសំឡេង​ម្នាក់ក្នុងវិស័យ​សិល្បៈ​។

ថវិកាចំនួន៧​លានរៀល​នេះ ៥​លានរៀល​ជាថវិកាផ្ទាល់ខ្លួន​របស់​លោកជំទាវអ្នកឧកញ៉ា ម៉ៅ ចំណាន គិតម៉េង និង​២លាន​រៀល​ទៀត​ជា​ថវិកា​របស់​សមាគមសិល្បករខ្មែរ។

គួរ​បញ្ជាក់ថា លោក សក្តិ ស៊ីថន មានស្នាដៃជាច្រើនក្នុងសិល្បៈកម្ពុជា ទាំងការផលិតដឹកនាំសម្ដែងភាពយន្ត វីដេអូបទចម្រៀង និពន្ធសាច់រឿង និពន្ធបទចម្រៀង និងធ្លាប់​ជាសិល្បករល្ខោននិយាយទៀត​ផង។

ចំពោះស្នាដៃដឹកនាំផលិតភាពយន្ត លោក សក្តិ ស៊ីថន ធ្លាប់បានផលិតនិងដឹកនាំរឿងបែបប្រវត្តិសាស្រ្ត ជាច្រើន ដូចជា រឿងតេជោដំឌិន រឿងភូមិតិរច្ឆាន រឿងផ្កាស្រពោន ជាដើម តែប៉ុន្មានឆ្នាំចុង​ក្រោយនេះ ដោយ​វ័យ​កាន់តែ​ចាស់ លោក សក្តិ ស៊ីថន មិនសូវមានស្នាដៃថ្មីៗដូចពីមុនឡើយ ហើយ​បាន​ធ្លាក់ខ្លួនមានពិការភាព ដើរមិនរួច ដោយសារមានជំងឺ Stroke ៕

19/08/2026

គំនិតផ្តួចផ្តើមដ៏មានតម្លៃបំផុត!
កាតសមាគមសិល្បករខ្មែរ ឬក៏ វីងម៉ាស្ទ័រកាតសិល្បករខ្មែរ

17/08/2026

មិនធម្មតា! វីងម៉ាស្ទ័រកាតសមាគមសិល្បករខ្មែរ អាចប្រើបាននៅជុំវិញពិភពលោក

សេចក្តីណែនាំពិសេស!ស្តីពី ការពង្រឹងការទទួលខុសត្រូវក្នុងការផលិត និងផ្សព្វផ្សាយមាតិកា ដើម្បីលើកកម្ពស់សីលធម៌សង្គម និងការពារត...
15/08/2026

សេចក្តីណែនាំពិសេស!

ស្តីពី ការពង្រឹងការទទួលខុសត្រូវក្នុងការផលិត និងផ្សព្វផ្សាយមាតិកា ដើម្បីលើកកម្ពស់សីលធម៌សង្គម និងការពារតម្លៃ សិទ្ធិ កិត្តិយស និងសេចក្តីថ្លៃថ្នូររបស់ស្ត្រី

ក្រសួងព័ត៌មាន

សូមចូលរួមរំលែកមរណទុក្ខ ជូនចំពោះ លោកជំទាវ ព្រាប បញ្ញា ទីប្រឹក្សាជាន់ខ្ពស់នៃសមាគមសិល្បករខ្មែរ និងឯកឧត្តម ព្រមទាំងក្រុមគ្រួ...
15/08/2026

សូមចូលរួមរំលែកមរណទុក្ខ ជូនចំពោះ លោកជំទាវ ព្រាប បញ្ញា ទីប្រឹក្សាជាន់ខ្ពស់នៃសមាគមសិល្បករខ្មែរ និងឯកឧត្តម ព្រមទាំងក្រុមគ្រួសារ

តាងនាមសមាគមសិល្បករខ្មែរ ថ្នាក់ដឹកនាំ ​សមាជិកសមាជិកាទាំងអស់នៃសមាគមសិល្បករខ្មែរ ពិតជាមានសេចក្តីរន្ធត់តក់​ស្លុត​​ឥតឧបមា នៅ​ពេល​ទទួលបាន​ដំណឹងថា មហាឧបាសក ទឹម ផន ដែល​ត្រូវជាឪពុក ឪពុក​ក្មេករបស់ លោកជំទាវ បានទទួលមរណភាព នៅថ្ងៃសុក្រ ១កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ ក្នុងជន្មាយុ ៧៦ឆ្នាំ ដោយរោគាពាធ។

ក្នុងឱកាសប្រកបដោយក្តីខ្សឹកខ្សួលរំជួលចិត្ត ទុក្ខសោកសង្រេង និងមហាក្រៀមក្រំបំផុត​នេះ តាងនាមសមាគមសិល្បករខ្មែរ សូមសម្តែងនូវសមានទុក្ខប្រកបដោយអនិច្ចលក្ខណធម៌ដ៏មហាជ្រាលជ្រៅបំផុត ព្រម​ជាមួយនឹងក្តីសោកស្តាយ និងស្រណោះ​អាឡោះអាល័យរកទីបំផុតគ្មានចំពោះ​ការបាត់បង់ មហាឧបាសក ទឹម ផន ដែលត្រូវ​ជាជីតា ជីតា​ក្មេក ឪពុកបង្កើត និង​ឪពុកក្មេក ជាទីគោរពស្រឡាញ់ ប្រកបដោយព្រហ្មវិហារធម៌ សង្គហធម៌ និងអធ្យាស្រ័យខ្ពស់​ចំពោះកូនចៅប្រុសស្រី ព្រមទាំងញាតិមិត្តទាំង​អស់។

ជាថ្មីម្តងទៀត យើងខ្ញុំទាំង អស់គ្នា សូមចូលរួមរំលែកមរណទុក្ខយ៉ាងក្រៀមក្រំបំផុត និងសូមសម្តែងនូវក្តីសោកសង្វេគជាពន់ពេក។ យើងខ្ញុំ សូមឧទ្ទិសបួង សួង ដល់វត្ថុស័ក្តិសិទ្ធិក្នុងលោក និងតេជៈបារមីនៃព្រះពុទ្ធ ព្រះធម៌ ព្រះសង្ឃ តាមជួយ បីបាច់ថែរក្សាដួងវិញ្ញាណក្ខន្ធ មហាឧបាសក ទឹម ផន សូមឆាប់បានយោនយកកំណើតកើតក្នុងសុគតិភពគ្រប់ៗជាតិ កុំបីឃ្លៀងឃ្លាតឡើយ៕

សារបន្ទាន់ ជូនចំពោះ សិល្បករសូមសិល្បករ សិល្បការិនី ឬក្រុមអ្នកផលិតមាតិកាពាក់ព័ន្ធទាំងអស់ មេត្តាយល់ថា សិល្បៈមិនមែនជាមធ្យោបា...
14/08/2026

សារបន្ទាន់ ជូនចំពោះ សិល្បករ

សូមសិល្បករ សិល្បការិនី ឬក្រុមអ្នកផលិតមាតិកាពាក់ព័ន្ធទាំងអស់ មេត្តាយល់ថា សិល្បៈមិនមែនជាមធ្យោបាយសម្រាប់ស្វែងរកប្រជាប្រិយភាព ឬផលប្រយោជន៍មួយពេលប៉ុណ្ណោះទេ ប៉ុន្តែជាបេតិកភណ្ឌដែលត្រូវការការថែរក្សា និងការទទួលខុសត្រូវចំពោះសង្គម និងជាតិ។ ដូច្នេះ សូមប្រកាន់ខ្ជាប់ជានិច្ចនូវក្រមសីលធម៌ វិជ្ជាជីវៈ និងភាពថ្លៃថ្នូរ ពិសេសសូមកុំយកភាពសិចស៊ីជ្រុលហួសហេតុ ឬសកម្មភាពអសីលធម៌ធ្វើជាដើមទុនដើម្បីប្តូរភាពល្បីល្បាញ ឬការចង់បានការចាប់អារម្មណ៍មួយរយៈ ធ្វើឱ្យបាត់បង់តម្លៃ និងកិត្តិយសរបស់ខ្លួន ព្រមទាំងប៉ះពាល់ដល់កេរ្តិ៍ឈ្មោះសិល្បៈ និងវប្បធម៌ដ៏ល្អផូរផង់របស់កម្ពុជា។ សិល្បករដ៏មានតម្លៃ គឺជាអ្នកដែលអាចបញ្ចេញស្នាដៃប្រកបដោយទេពកោសល្យ ហើយជាមួយគ្នានោះ ក៏ចេះរក្សាសេចក្តីថ្លៃថ្នូរ និងធ្វើជាគំរូល្អសម្រាប់សង្គម និងមនុស្សជំនាន់ក្រោយ។ សូមអរគុណ

ស្ថាប័នអ្នកនាំពាក្យសមាគមសិល្បករខ្មែរ

Address

Home39, Street 376, Sangkat Beoung Keng Kang Ti Bei, Khan Beoung Keng Kang
Phnom Penh
121303

Telephone

+85517990332

Website

Alerts

Be the first to know and let us send you an email when សមាគមសិល្បករខ្មែរ Khmer Artists Association posts news and promotions. Your email address will not be used for any other purpose, and you can unsubscribe at any time.

Shortcuts

Share

Category