ប្រពៃណីចាម្ប៍ ជ្វា នៅកម្ពុជា Cham Chvea Tradition in Cambodia

07/01/2025

អម្បូរអូស្ត្រូនេស៊ីនៅប្រទេសកម្ពុជា៖
*ខេត្តដែលសម្បូរជនជាតិចាម្ប៍រស់នៅ រួមមាន ខេត្តកំពង់ចាម ខេត្តត្បូងឃ្មុំ ខេត្តក្រចេះ ខេត្តកំពង់ឆ្នាំង ខេត្តពោធិ៍សាត់ ព្រំប្រទល់ខេត្តបាត់ដំបង-ខេត្តពោធិ៍សាត់ ផ្នែកខ្លះនៃខេត្តកណ្តាល និងភ្នំពេញ។ ហើយបច្ចុប្បន្នក៏មានជនជាតិចាម្ប៍ខ្លះទៅខេត្តសៀមរាប ខេត្តរតនគិរី មណ្ឌលគិរី និងខេត្តផ្សេងៗផងដែរ។
*ខេត្តដែលសម្បូរជនជាតិជ្វា-ម៉ាលេរស់នៅ រួមមាន ខេត្តបាត់ដំបង ខេត្តកំពត ខេត្តព្រះសីហនុ ខេត្តកោះកុង ខេត្តកែប ខេត្តតាកែវ-កំពង់ស្ពឺ ខេត្តបន្ទាយមានជ័យ ខេត្តកណ្តាល និងរាជធានីភ្នំពេញ។ បច្ចុប្បន្នក៏មានជនជាតិជ្វា-ម៉ាលេទៅរស់នៅខេត្តផ្សេងៗផងដែរ។
*ខេត្តដែលសម្បូរជនជាតិចារ៉ាយ និង រដែ គឺខេត្តមណ្ឌលគិរី និងរតនគិរី។ ជនជាតិចារ៉ាយ និងរដែ ជាអម្បូរអូស្ត្រូនេស៊ីដែលស្ថិតក្រោមក្រុមភាសាChamic។

30/12/2024

ដូនចាម្ប៍ ក្នុងសម្លៀកបំពាក់អាវតះចាម្ប៍(អាវបំពង់វែងចាម្ប៍) ពណ៌ខ្មៅ ទទូរក្បាលជាមួយនឹងក្រមា ឬ កន្សែង យ៉ាងស្រស់ស្អាត​នៅក្នុងកម្មវិធីម៉ៅឡុតគ្រួសារ ក្នុងសហគមន៍ភូមិអូរលយ ឃុំជើងគ្រាវ ស្រុករលាប្អៀរ ខេត្តកំពង់ឆ្នាំង កាលពីថ្ងៃអាទិត្យ ទី២២ ខែធ្នូ ឆ្នាំ២០២៤

30/12/2024

ឱកាសក្រោយនឹងទៅដែរ

07/10/2024

ពីមួយជំនាន់ទៅមួយជំនាន់ជ្វា(ម៉ាលេ)កាន់តែបាត់បង់អត្តសញ្ញាណ កាន់តែគ្មានភាពជាខ្លួនឯង។ ឈ្មោះថា ជនជាតិជ្វា(ម៉ាលេ) នៅកម្ពុជា មិនមែនបាត់បង់ដោយសារអ្នកណាទេ គឺបាត់បង់ដោយសារជ្វាខ្លួនឯង មិនហៅឈ្មោះខ្លួនឯង បែរជានិយមហៅឈ្មោះសាសនាមកភ្ជាប់នឹងខ្លួនឯងវិញ ខ្លះទៅហៅឈ្មោះសហគមន៍មូស្លីមកម្ពុជា មកជាឈ្មោះខ្លួនឯងវិញ។ បើយុវជនជំនាន់ក្រោយមិនព្រមសិក្សា ព្យាយាមស្វែងយល់ពីខ្លួនឯងទេនោះនឹងបាត់បង់រកឫសគល់លែងឃើញជាក់ជាមិនខាន។ អ្នកខ្លះកូនកាត់ចាម្ប៍ជ្វា ឈ្មោះថាចាម្ប៍ជ្វាក៏ពីរោះ តែជ្វា(ម៉ាលេ)ហាក់មិនសូវចាប់អារម្មណ៍បែរនិយមហៅឈ្មោះសាសនាទៅវិញ។ ជនជាតិចាម្ប៍និយមហៅជ្វា(ម៉ាលេ)នៅកម្ពុជាថា ជវាកូវ(ប្រែថាជ្វាខ្មែរ ឬជ្វានិយាយខ្មែរ) ឬ ជវា(ប្រែថាជ្វា) ដែលជាឈ្មោះពោរពេញដោយអត្តសញ្ញាណ។

14/09/2024

វីដេអូអំពីទិដ្ឋភាពពិធីបុណ្យម៉ៅឡុតណាហ្ពីនៅសហគមន៍ជ្វា(ម៉ាលេ)កំពត នៅក្នុងភូមិម៉ាក់ប្រាង្គស្រែស្វាយ ឃុំកំពង់ក្រែង ស្រុកទឹកឈូ ខេត្តកំពត កាលពីឆ្នាំ២០២០។

credit video: Southwest-Kh News

11/09/2024

រូបថតមួយសន្លឹកនេះថតជាប់ស្ត្រីចាម្ប៍នៅកម្ពុជា ក្នុងសម្លៀកបំពាក់អាវតះ(អាវបំពង់វែង) នៅបរិវេណផ្សារធំថ្មី នាខែមេសា ឆ្នាំ១៩៥៣ សង្គមរាស្ត្រនិយម។ ក្នុងរូបថតនេះអាវបំពង់វែងដែលស្ត្រីចាម្ប៍ពាក់នោះគឺមានភាពស្រស់ស្អាតខ្លាំងណាស់ ទម្រង់ដៃអាវក៏ស្រស់ស្អាតប្លែកពីទម្រង់អាវបំពង់វែងចាម្ប៍ឯទៀត។

ប្រភពរូប៖ Alastair McCready (southeastasiaglobe)

05/09/2024

អក្ខរក្រមចាម្ប៍នៅអតីតដែនដីចាម្ប៉ា បច្ចុប្បន្នវៀតណាមកណ្តាល។
Cham Script in Champa (Now Central Vietnam).

ជនជាតិចាម្ប៍នៅអតីតដែនដីចាម្ប៉ានៅតែបន្តសិក្សារៀនសូត្រអក្សរសាស្ត្រចាម្ប៍របស់ខ្លួនរហូតមកដល់បច្ចុប្បន្ន។ ខាងក្រោមនេះជាទម្រង់ពុម្ពអក្សរចាម្ប៍មួយប្រភេទដែលប្រើប្រាស់នៅអតីតដែនដីចាម្ប៉ា។

Credit Font: EFEO Cam Panrang

04/09/2024

03/09/2024

អក្ខរក្រមចាម្ប៍នៅកម្ពុជា
Cham Script in Cambodia

ជនជាតិចាម្ប៍នៅកម្ពុជានៅតែបន្តសិក្សារៀនសូត្រអំពីអក្សរសាស្ត្រចាម្ប៍នៅតាមតំបន់មួយចំនួន បច្ចុប្បន្នក៏មានយុវជនចាម្ប៍មូស្លីមសិក្សាស្វែងយល់អំពីអក្សរចាម្ប៍ឡើងវិញផងដែរ។ តួយ៉ាងពុម្ពអក្សរខាងក្រោមនេះគឺបង្កើតឡើងដោយយុវជនចាម្ប៍មូស្លីម ដែលស្រឡាញ់ និងអភិរក្សអក្សរចាម្ប៍។

credit font: cham-baity font

តម្រៀបអក្សរឡើងវិញ ដាក់អក្សរខ្មែរ និងអក្សរឡាតាំងបន្ថែមដោយគេហទំព័រយើងខ្ញុំផ្ទាល់ ក្រៅពីហ្នឹងគឺគំរូFont cham-baity។