02/06/2026
*কিছুমান কথা মনত ৰখা যায়*, ৰাখো বুলি নহয়, মনত নিজেই সাঁজ বহি যাই।
এই যে ৰিজাল্টটো আশা কৰা মতে নোহোৱাত "ইচ বৰ বেয়া লাগিল হে! ইয়াৰ আকৌ এইবাৰ হব বুলি ভাবিছিলোঁ-”এই বুলি কোৱা কথাষাৰৰ লগতে সেই তীর্যক চাৱনিটো, মনত ৰখা যায়।
এই যে পঢ়া শেষ হোৱাৰ পাছত চাকৰিৰ সন্ধানত থাকোতে "কি হ'ল, ঘৰতে শুই বহি আছচোন, private কিবা এটাকে বিচাৰ আকৌ” বুলি কোৱা কথাষাৰৰ লগত হাঁহিটো, মনত ৰখা যায়।
এই যে কেতিয়াবা দুখত কিবা এটা লিখিলে "বেলেগ ট্রেজেডি ফালি থাকচোন আজি কালি” বুলি কোৱা মাতষাৰ, মনত ৰখা যায়।
এই যে কেতিয়াবা নিজৰ সন্তানৰ কথা কৈ কৈ মা-দেউতাক "আপোনালোকৰ ইয়ালৈহে দুখ লাগে পাই-” বুলি কোৱা আক্ষেপখিনি মনত ৰখা যায়।
এই যে কষ্টকৰ সময়ত এষাৰ মাতৰ বাবে ফোন কৰিলে বন্ধুৱে দিয়া হাঁহি উঠা অজুহাতবোৰ, মনত ৰখা যায়..
আচলতে ৰাখিব নুখুজিলেও মনত থাকি যায়.. কথাৰ শেলবোৰ পাহৰিব নোৱাৰি। নাই! ওলোটাই কেতিয়াবা কিবা ক'ম বুলি নহয়.. কাৰণ, কৈ দিলে তেওঁলোক আৰু আমাৰ মাজত পাৰ্থক্য কি থাকিব.. কিন্তু ৰৈ যায় ক'ৰবাত.. শালে বিন্ধা দি বিন্ধি থাকে সেই অনুভৱ বোৰে... চকুপানীক লৈ কৌতুক কৰা মানুহবোৰ মনত থাকি যায়..
সফলতা পোৱাৰ পাছত হাজাৰ প্ৰশংসা কৰিলেও সেই হাঁহিবোৰ পাহৰি পেলাব নোৱাৰি.. উত্তৰ বাৰু সময়েই দিব, কিন্তু সেই শেলবোৰতে ভেঁজা দি নিজক আগুৱাই নিয়াটো আচল কথা.. সেইবাবেই কেতিয়াবা এই শেলবোৰ আহিলে ভাঙি পৰিব নালাগে, তাকেই অস্ত্র সাজি নিজক সাজু কৰি যাব লাগে.. কাৰণ, সময় সকলোৰেই আহে.. সময়ে সকলো লৈ আহে.. আৰু সময়ৰ উত্তৰ বেছি প্ৰভাৱশালী হয়..🙏
