31/01/2026
對於一個人旅行：
如果你要問我一個人去係咪真係好正
我答你應該係叫個感覺好特別
因為當中真係有好多好同唔好嘅地方
一個人旅行有好多地方都好麻煩同好困難
特別係我鍾意影人
要幫自己自拍一張相都要影幾個字
部相機都已經係全手動
估焦距估光圈快門再行過去自拍再返返嚟睇
唔得就要再影過
有啲地方係打卡位
後面排咗10幾人你都唔好意思set腳架慢慢影
搵人幫你影相，又要幫佢set好晒所有嘢，但你冇得要求佢角度攞得好好
其實好多相都最後出唔到
影風景其實我都真係一般
純粹對旅行嘅一種生活紀錄
不過好嘅地方亦都真係好多
當中有好多風景，真係會令我放低部相機用肉眼去感受同埋欣賞
我覺得好難去用言語去形容當中嘅風景
有啲環境真係靚到大腦停止思考
實在係好難得
我成日都諗影相出嚟，一定會靚過真實見到嘅景
但原來真係有啲風景，係影相都影唔出咁靚
當然我都係鍾意一大班朋友一齊食嘢
一個人食唔到好多嘢有好多嘢想食都冇咁大個胃
講好咗轉場最後都係返酒店
想點個飲放題最後都係兩杯收皮
一個人旅行真係好特別好自由
我冇諗過可以有機會俾自己一個人去旅行
特別係今次呢個地方好難有人會同我7:00坐船去睇藝術嘢
我真係覺得好爽
嗰種爽係心裏面嘅雀躍
唔係開唔開心咁簡單
係一種對時間豁出去嘅感覺
今日唔做難道還有聽日？
聽日你仲唔生存到都係未知之數
好好享受每一日啦
