قصف جبهات $

26/05/2026

لبيكَ وَإِن قست القلوب ، لبيكَ وَإِن فاضت الذنوب ، لبيكَ إنَّا عائِدُون ، تائِبُون ، نادِمُون لبيّك إنّا مُتعبون، اجبُرنا كأننا لم نرى حُزناً."
‏لبيكَ ربي وإن لَم أكن بين الزحام ملبياً ، لبيك وان لم اكن علي عرفات مناجياً ، لبيك وان لم اكن مع الطائفين داعياً ، لبيك وان لم اكن بين الصفوف مصلياً ، لبيك و ان لم اكن بين الحجاج ساعيا

🕋❤️

25/05/2026

ثمانون عاماً من الاستقلال وحفظ الله الوطن ارضاً وملكاً و شعباً 🇯🇴🇯🇴🇯🇴 الأردن اليوم #استقلال #الاردن

25/05/2026

بعد العيد بسدك
:
20 دينار لبسة لراما، و20 لعلي، محمود عنده من العام، وسناء عندها، بس بدها كندرة جديدة .
100 عيديات للخوات… بنرجع نعيد الحسبة: 50 بكفي، كل وحدة عشرة.
بدنا أغراض، 100 قهوة ومكسرات وشوكولاتة نص كم

نظل نخصم ونزيد ونقص ونزيد لما تزبط الحسبة ، وبعدين بنرد نعيد من أول.
معمول؟ فِش معمول هالعيد.
بتقول أم عثمان: “هذا عيد اللحمة”.

طبعًا لا، إحنا لا شارين خروف ولا عاملين معمول، ولكنها فترة بدنا نعيشها، وبنأجل كل شيء لبعد العيد، ونبلش نقلق من أول يوم عيد من حجم الالتزامات المؤجلة.

لا بنستمتع بالعيد، ولا بنقدر نسد بعد العيد، وصار فينا زي اللي باع داره عشان يسد دينه؛ لا سد دينه، ولا ضل عنده دار

19/05/2026

لو الدكتور النّفسي وقع بحب مريضته النفسيّة… شو بتكون النتيجة

17/05/2026

حبيبه أخي إجت لعندي تبكي بتقول أخوكي عم بهددني بصوري قمت بعتلها صوري وقلتلها هدديه أنت كمان .

11/05/2026

جوزي ضرّب أبوي قدّامي، والواقعة هاي صارت من 19 سنة، وأنا هسه عمري 46 سنة.

ومع هيك لليوم مش قادرة أنساها، وكل شوي بتذكرها وبطلب السماح من أبوي الله يرحمه.

السبب إنه أخو جوزي شاف ابني بلعب بالرمل اللي كان محطوط للبناء، فمسكه وكبّه عالأرض وصار يضرّبه.

ولما شفت ابني بهاي الحالة طلعت من البيت بدون ما أحس بحالي، كنت لابسة بيجامة نوم من كثر الصدمة، وأخدت ابني ودخلت فيه بسرعة.

بعدها أمه وأخوه حكوا لجوزي إني طلعت بلبس البيت، ولما عرفت لبست أواعيّ واتصلت بأبوي لأني ما عندي إخوان شباب.

جوزي دخل، وحاولت أشرحله شو صار، بس ما أعطاني فرصة أحكي، وبلش يعتدي علي بعنف قدّام الناس، وما ترك مكان بجسمي إلا وضربني فيه، واللي كانوا موجودين ما حد تدخل، كانوا بس يتفرجوا وخايفين يحكوا إشي.

ضل يجرجرني لحد باب البيت وأنا بصرخ، لحد ما إجا أبوي، وكان زلمة كبير بالعمر، عمره 80 سنة. حاول يدافع عني ويفرّق بينّا، بس جوزي ضربه بعصاية على وجهه ووقّعه عالأرض.

الحمد لله الجيران تدخلوا وخلصونا، بس جوزي ضل يغلط على أبوي ويحكيله إنه ما عرف يربي بنته.

رجعنا عالبيت، وأبوي كان مكسور وخايف ودمعته بعينه، وحكالي كلام ما عمره راح من بالي. حكى: اللي ما إله سند بينظلم، وكان نفسه يكون عنده ولاد شباب يدافعوا عني.

من يومها أبوي تغيّر كثير، صار ساكت وحزين طول الوقت، وكأنه شايل وجع كبير بقلبه، لحد ما توفى الله يرحمه.

رسالتي لكل رجال: إذا تزوجت وحدة ما إلها سند أو إخوان شباب، لا تظلمها ولا تتقوى عليها. الدنيا دوارة، واللي بعمله بالناس برجعله.

سامحوني إذا طولت، بس هاي قصة وجعها لسه عايش جواي، وياريت تدعوا لأبوي بالرحمة وتاخدوا منها عبرة

08/05/2026

08/05/2026

خمن الاسم 🤔

07/05/2026

‏ولا ساحِراً إلا أخزيته
ولا مسحوراً إلا عافيتهُ
ولا ساعيًا للسحر إلا أهلكته وأمرضته

05/05/2026

قبل كم يوم كان في شاب أردني، قاعد وماسك تلفونه.

فجأة بيجيه إشعار طلب صداقة من شاب من جنسية عربية.

قال يمكن واحد بده يتعرف، أو عنده شغلة،
قبل الطلب، وما مرت دقايق، إلا ورن عليه اتصال عبر المسنجر.

اللي رن قال بلهجته:
"مرحبا كيفك يا نشمي!"

الطرف الثاني جاوبه:
"حياك الله يخوي، تفضل؟"

وبدون مقدمات، دخل بالموضوع مباشرة:
"والله أنا شفتك ابن حلال، وأنا كان عندي استثمارات في الأردن وطلعتها برا البلد، ولكن أختي تزوجت واحد أردني، وعندها منه أولاد، وتطلقت، والأولاد هسا عند طليقها!"

الشب هون وقف لحظة،
استغرب شو دخله بكل هالتفاصيل، وليش هو تحديدا؟

سأله بصراحة:
"عفوا بس شو أنا أعمل يعني؟"

رد عليه بثقة وكأنه حافظ الدور:
"أنا كلي عشم فيكم، وأنتم نشامى وأهل خير، هذا رقم أختي، وبدي منك تساعدها بغربتها وضيقتها بالمحاكم وغيره، وشو ما بدك مصاريف أنا حاضر!"

يعني الكلام فيه استعطاف وفيه مدح، وفيه إغراء بمصاري!

الشب قال له:
"أبشر، ولا يهمك."

وفعلا أخذ الرقم ورن.

ردت عليه وحدة.
قال لها:
"السلام عليكم يا أختي، حضرتك فلانة الفلاني؟ أخوكِ أعطاني رقمك."

جاوبته:
"صحيح، مزبوط، بس صعب أشرحلك القصة على التلفون،
بتحب تيجي تتفضل على البيت؟ أنا عايشة لحالي، والأولاد عند أبوهم، وبفهمك كل شي!"

هون دق ناقوس الخطر.

الشب رد مباشرة وبحزم:
"عفوا أختي، أنا بساعدك لكن عن طريق الهاتف،
آجي على البيت؟ مستحيل!"

صار في إصرار غريب من الطرف الثاني،
ترجي، استعطاف، كلمات مثل:
"يا أخوي بالله عليك، أنا أختك بالله!"

بس كل ما تضغط، الشب كان يزيد تمسك بموقفه.

وبين كلمة وكلمة، بلش يلاحظ شغلة غريبة،
وهي اللهجة!
مش راكبة كأنها تمثيل، كأنها مش من البلد اللي بتحكي إنها منها.

هون الصورة صارت أوضح،
القصة مش قصة مساعدة، القصة فيها شي غلط.

ولما فقدت الأمل انقلب الأسلوب فجأة!

قالت له بكل وقاحة:
"أنت ما وقعت، بس خروف ثاني غيرك رح يوقع!"

وسكرت.

يعني من الآخر، الموضوع هو محاولة استدراج، لجره على البيت، وبعدين تبدأ قصة ابتزاز ما إلها نهاية.

بس لأنه وعى من البداية، ولأنه ما اندفع وراء العاطفة، نَجا.

القصة بسيطة، بس الرسالة أكبر بكثير.

مش كل واحد حكالك يا نشمي، ترد عليه.
ومش كل قصة فيها دموع، قصة بريئة.

وفي زمن صارت فيه الحيل أذكى،
لازم إحنا نكون أذكى!

"الصورة تعبيرية"