Quali sono gli orari di apertura?

Lunedì 09:30 - 13:30 15:00 - 17:00 Martedì 09:30 - 13:30

Ufìtziu Limba Sarda Unione de sos comunes de su Guilcieri

Casa
Italia
Ghilarza
Ufìtziu Limba Sarda Unione de sos comunes de su Guilcieri

S'Isportellu de Limba sarda de sa Unione de sos Comunes de su Guilcieri.

Fainas culturales e linguìsticas, consulèntzia ortogràfica e totu su chi cheres ischire subra de su sardu

26/01/2026

A sa fine de su progetu "Guilcieri in limba" pro su 2025
publicamus in custu vìdeo su resurtu de sas intervistas chi sunt parte de sa setzione de atividades culturales de su interventu. Su progetu regollit sas testimonias de figuras istitutzionales, depositàrios de memòrias istòricas e rapresentantes de su mundu assotziativu, oferende una mirada autèntica e plurale subra de su Guilcieri: s'istòria sua, sa limba, sas traditziones e s'identidade culturale chi galu oe in die caraterizant sas comunidades de su territòriu.
Gràtzias! A àteros annos menzus 💪🧠🗣️🌿
https://www.unionecomuniguilcer.it/lista/1/categoria/2/901

25/11/2025

🥀🎈B'at un'imàgine chi torrat, oe chi Ornella Vanoni non s'agatat prus: una fèmina giòvana, pilos regortos malicomente podiat, chi arribbat a Sardigna cando sa Sardigna est galu unu continente a tesu dae totu. No s'ìsula de sos resort, ma sa de sas biddas incunzadas intre sos montes, de sas marinas a ue bi lompes dae mare ebia.

Est inie, in cuddu mundu galu ìnnidiu, chi sa cantante milanesa bivet unu de sos innamoramentos prus durajolos de sa vida artìstica e personale sua. Un'ischintidda chi no dd'at a abbandonare prus, e chi torrat a bessire a campu, belle comente a un'ecu, fintzas in sos ùrtimos annos, in sos raportos umanos e artìsticos chi at seberadu de coltivare.

Sardigna, annos Sessanta. Vanoni no est ancora su monumentu de elegàntzia e anneu chi su pùblicu at a reconnòschere in sos annos chi ant a sighire. Est una pitzoca curiosa, inchieta, in chirca de logos chi ddis assimigent, chi dda pòngiant dae in antis de cosa bera.
.. s'aprofundimentu sighit inoe in suta, pro sa rubrica s'Àndala de su tempus⤵️⤵️⤵️⤵️
https://www.unionecomuniguilcer.it/lista/1/categoria/12/900

24/11/2025

Una chida de eventos pro nàrrere ca nono a sa violèntzia contra de sas fèminas

Initziativas medas in s'Aristanesu pro s’ocasione de sa Die internatzionale pro s'eliminatzione de sa violèntzia contra sas fèminas. Sa Provìntzia de Aristanis, cun su presidente suo Paolo Pireddu, sa consigera de paridade Martina Dell’Oro, su consigeri Antonio Iatalese e su vitzepresidente Claudio Pinna, at detzìdidu de difùndere in sos istitutos superiores su vìdeu “96%”, pessadu dae sa Consulta Giòvanos de Aristanis, pro sensibilizare istudiantes e comunidades.
(...)
In Sèdilo, su 29 santandria a sas 16, a sa Prima Ighina, s'Auser e su Rotary Club Tzentru Sardigna organizant s'adòbiu “Educhemus·nos a su respetu – No a sa violèntzia – No a s'indiferèntzia”. A pustis de sos saludos de su sìndigu Salvatore Pes e de su pàrracu Don Maurizio Demartis, ant a pigare paràula Maria Delogu Chessa e Silvia Musu de su Tzentru antiviolèntzia de Aristanis, s'abogada Rosaria Manconi e su consigeri regionale Peppino Canu, moderados dae Costantina Meloni.

Totu sa nota intrea inoghe⤵️
https://www.unionecomuniguilcer.it/lista/1/categoria/2/899

24/11/2025

Non b'at mèdicos, in Paulle sos vatzinos contra de s’influèntzia ddos faghet su sìndigu
🩺💉🦠
Su primu tzitadinu Domenico Gallus, dermatòlogu: «Apo donadu sa disponibilidade mea a s'Asl, ddu potzo fàghere ca apo giai traballadu in su perìodu de su Covid»

Su primu tzitadinu de Paulle, Domenico Gallus, pro carchi ora si che tirat sa fàscia de sìndigu e bestit su càmitze pro suministrare vatzinos contra de s'influèntzia.
👨‍⚕️
Dotore dermatòlogu de professione, in perìodu de apretu, est torra prontu a si pònnere a disponimentu pro tutelare sas partes prus dèbiles de sa populatzione, sas chi diant arriscare de atra manera de restare sena vatzinatzione o de dèvere fàghere chilòmetros meda pro si pòdere vatzinare. In sa bidda de su Guilcieri, difatis, pro como belle totu sa populatzione non tenet dotore de base, figura chi diat pòdere garantire sa suministrada de su vatzinu. S'ùrtimu in servìtziu est però andadu in pensione in custu mese coladu e su collega, iscumpartu prima de s'ora tres annos a oe, no est istadu mai sostituidu. Paulle est duncas unu de cuddos tzentros in ue, pro como, non b'at operativu mancu unu dotore de famìlia.

Leghe sa nota cumpleta inoghe⤵️

17/11/2025

Custa chida s'Isportellu est serradu, ma tenimus un'àtera chida de traballu pro nos saludare.
Su servìtziu at a èssere ativu torra su lunis chi benit, 24 de santandria 🖐️📝

11/11/2025

́ 📚📖🎁
Aficu nou in Ilartzi pro su progetu Deo lego (io leggo perché)

Dae su 7 a su 16 santandria pipios e piseddos impinnados in un'initziativa istimuladora chi ddos acùrtziat a sos libros

Aficu nou pro pipios e pitzocos de sas iscolas de Ilartzi e fintzas pro sos pipios chi andant a sa primària in Sèdilo. Dae su 7 a su 16 santandria difatis ant a èssere impinnados in un'initziativa istimuladora chi acùrtziat pipios, pitzocos e adultos a sa letura.
..sighit in: ⤵️
https://www.unionecomuniguilcer.it/lista/1/categoria/2/896
Istituto Comprensivo Ghilarza Libreria Chiara e Stefy di Bachisio Medde Comune di Ghilarza

11/11/2025

Abbasanta, concruida a su Nuraghe Losa sa Maratona de sa Paghe promòvida dae sa Cisl
🏳️‍🌈
Dae in antis de unu de sos prus imponentes giassos archeològicos de s'Ìsula bi sunt istados unos cantos momentos de riflessione

Sunt arribbados dae totu s'Ìsula a su Nuraghe Losa pro sa Maratona de sa Paghe promòvida dae sa Cisl sarda, chi at aderidu a sa campagna natzionale promotzionada dae sa segretària cunfederale Daniela Fumarola.

Leghe sa nota cumpleta inoghe 😉⤵️
https://www.unionecomuniguilcer.it/lista/1/categoria/2/897

11/11/2025

Abbasanta, lompent resursas noas pro caminos e martzape’
🛣🏗
Sos dinares gràtzias a s'avantzu de s'Unione de sos Comunes de su Guilcieri, aprovada una variatzione de bilantzu de 33 milli èuros

Resursas noas sunt pro lòmpere in Abbasanta pro caminos e martzape'. Su Consìgiu comunale difatis at pigadu atu de una variatzione fata dae sa Giunta chi previdet resursas noas pro unos 33 milli èuros chi nde lompent dae s'avantzu de s'unione de sos Comunes de su Guilcieri. In fase de definitzione sos interventos chi ant a èssere giutos dae in antis.

sighit inoghe⤵️
https://www.unionecomuniguilcer.it/lista/1/categoria/2/894

11/11/2025

Sa Biblioteca Comunale Paulilatino at cambiadu sos oràrios de abertura! Inoghe agatas sos noos, sunt vàlidos fintzas a su 31 de nadale! 😉💪📚🏛

11/11/2025

In Bidumajore contributos a sos assòtzios
⚽️🎾📚🗃

Bi sunt resursas pro 13.500 èuros, ant a èssere partzidas gasi:

In Bidumajore s'esecutivu ghiadu dae su sìndigu Antonio Virdis at istabilidu sas resursas e sos critèrios pro s'assignatzione de sos contributos a sos assòtzios de sa bidda. Ammontant a 10 milli èuros pro atividade ordinària in àmbitu culturale, istòricu, traditzionale, turìsticu, isvilupu econòmicu, progressu sotziale de sos giòvanos e de sa comunidade. Àteros 2000 èuros pro atividade ordinària in àmbitu isportivu ricreativu e de su tempus lìberu e 1.500 èuros pro sa atividade ordinària acumprida dae sa Consulta Giòvanos. Istabilidos fintzas sos critèrios chi però no ant a èssere pigados in cunsideru pro sa Consulta (òrganu consultivu de s'Amministratzione) e pro s'ASD Aidomaggiorese Fùbbalu, essende s'ùnica iscrita in s'albu comunale de sos assòtzios isportivos.

dae Orbana, unionesarda.it
© Riprodutzione riservada

11/11/2025

In Ilartzi sunt belle urtimados su parcu giogos e sos campos de padel
Realizados cun 140mìgia èuros otentos dae unu bandu de su Gal
🥎🎠🎾
Traballos belle urtimados a Ilartzi siat in su parcu giogos siat in sos campos de padel. Pro sos pipios unu finantziamentu de 140 milli èuros (unu bandu de su Gal) at permìtidu de tènnere un'ispàtziu annoadu de su totu in s'àrea de Su Cantaru, cun s’istèrrida de unu tapete gommadu de batorghentos metros cuadros in ue s’at a pòdere cùrrere e giogare in seguridade. In prus at a cunsentire a su Comunu de aorrare in sa cura de su birde, Postos fintzas una dòpia bantzigallella e unu làssinu noos chi ìntegrant sos giogos chi esistint giai. Su finantziamentu at permìtidu fintzas de realizare unu parcu giogos piticu a servìtziu de sa ludoteca iscostiada de reghente a un'ispàtziu nou. Praticamente urtimados fintzas sos campos de padel finantziados dae sa Regione pro 160 milli èuros. Abarrat de tèndere sa retze, operatzione chi s'at a pòdere fàghere cantu chi at a èssere asciuta de su totu sa base. In prus, su Comunu at a providire a pònnere una retzintzione metàllica arta unu metru e mèdiu. “Semus satisfatos meda: a unos meses dae sa fine de sa legisladura sos campos de padel ant a èssere prontos pro s'impreu”, afirmat su sìndigu Stefano Licheri. E agiunghet: “Su finantziamentu fiat istadu cuntzèdidu pro more de sa presèntzia de su tennis in Ilartzi dae prus de chimbant’annos e in isetu de su bandu nou at a èssere su tennis a s'ocupare de sos campos”.

dae Orbana, unionesarda.it
© Riprodutzione riservada

10/11/2025

Sunt galu abertas sas iscritziones a sa ludoteca comunale! 😉
Comune di Ghilarza

Indirizzo

Carrera Matteotti 77
Ghilarza
09074

Orario di apertura

Lunedì	09:30 - 13:30
	15:00 - 17:00
Martedì	09:30 - 13:30

Sito Web

https://www.unionecomuniguilcer.it/lista/1

Notifiche

Lasciando la tua email puoi essere il primo a sapere quando Ufìtziu Limba Sarda Unione de sos comunes de su Guilcieri pubblica notizie e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.