ITALIANO:
Benvenuti nel sito ufficiale dell'Istitut Cultural Ladin "Cesa de Jan", associazione culturale nata per la tutela e la valorizzazione della parlata ladina nei Comuni di Cortina d'Ampezzo, Livinallongo del Col di Lana e Colle Santa Lucia. LADIN
Ben ruade inze el sito internet del Istitut Cultural Ladin “Cesa de Jan”, asociazion culturale nasciuda par ra tutela e ra valoriśazion de ra parl
ada ladina inze i Comune de Anpezo, Fodom e Col de Santa Luzia. LADIN ANPEZO:
‘L Istitut Cultural Ladin “Cesa de Jan” ‘l é ‘na asociazion che ra laora par el saé ladin e par ra śente de Col, de Anpezo e de Fodom, paesc che i se ciata inze r’outa provinzia de Belun, inz’el cuore de ra Dolomites, aduna a ra śente de che r’outra valades ladines intor al Sela.
‘L istituto, che ‘l é nasciù inze 'l 2004, el se ciata a Vilagranda e ‘l é logà inze chera gran bela ciaśa “Chizzali- Bonfadini”, conosciuda par “Cesa de Jan”. I tre Comune de Col, Anpezo e Fodom i à vorù bete su ‘l istituto aduna a ra soa union ladines: Union de i Ladign da Col, Union Ladins da Fodom e Union de i Ladis de Anpezo. I é sozie anche el Comun de Rocia e ra Union de i Ladign de Rocia, e in pi dute chi che damandarà de ese betude inze, i see lore entes, asociazios o parsones
LADIN COL:
L Istitut Cultural Ladin Cesa de Jan, l é na assoziazion cultural mituda su per sostignì la jent ladina de Ampez, Col e Fodom, jent che vif nte l’auta Provinzia de Belum, ntel cuor de le Dolomiti, auna a la popolazion de le vai ladine intor al Sela. L é nassù ntel 2004 nta Col, nta la Vila, con sua senta nte la monumental cesa Chizzali – Bonfadin, cugnissuda incia come “Cesa de Jan”. Sozi fondador l é i trèi comugn e le trèi uniogn ladine de Ampez, Col e Fodom . Sozi ordenari l é l comun e la union dei ladign de la Rocia, auna a duc chi, enti, assoziaziogn, jent, che volarà cio part a sta assoziazion
LADIN FODOM:
L Istitut Cultural Ladin "Cesa de Jan" l'é na sociazion culturèla che laora per sostegnì la popolazion de lengaz ladin de Ampëz, Còl e Fodom, trei comunité del'auta Provinzia de Belum che vif ntel cuor de le Dolomiti auna a le autre val ladine logade ntourn al gran mont del Sela. L Istitut l é sté metù su ntel 2004 a Còl, la senta l'é nte la monumentèla cèsa Chizzali-Bonfadini, clamada "Cesa de Jan", ntel zenter stòrich de la frazion de La Vila. Sòzi fondadous l é i trei Comuns de Ampëzo, Còl e Fodom auna a le sue union ladine: Union de i Ladis de Anpezo, Union de i Ladign da Col e Union dei Ladins da Fodom. L é sòzi ordenari l Comun de La Ròcia e l Union de i Ladign de Rocia e duc chi che volëssa n fè pèrt, che i siebe enc, sociazion o privac.
