Heima í Hólmi

13/07/2026

Takk kærlega fyrir frábæra helgi!

Risa þakkir og knús til allra sem komu að hátíðinni á einn eða annan hátt, takk elsku bestu gestgjafar sem buðu fram tónleikastaði, takk allt frábæra listafólk sem kom fram og takk styrktaraðilar fyrir að hægt er að gera þessa hátíð að veruleika. Síðast en ekki síst, takk allir sem mættu.

Sjáumst á Heima í Hólmi 9. og 10. júlí 2027 💚💜

11/07/2026

Það þarf engum að verða kalt í kvöld!
Gestgjafarnir okkar eru svo elskulegir að allir tónleikarnir verða innandyra, munum að ganga vel um heimili þeirra. Líkt og í gær verður bjór í boði á meðan birgðir endast 💚💜

10/07/2026

Kæru Hólmarar og aðrir gestir!
Í kvöld á slaginu kl. 20:00 hefst hátíðin Heima í Hólmi 2026.
Hér eru nokkur praktísk atriði sem gott er að hafa í huga fyrir helgina 😍

☑️ Flestir tónleikarnir verða utandyra, um að gera að láta sér ekki verða kalt og hafa eitthvað hlýtt meðferðis, maður veit aldrei... við búum jú á Íslandi 🌞 🇮🇸
☑️Á tónleikunum í kvöld og laugardagskvöld verður boðið upp á léttar veitingar. - ATH. meðan birgðir endast, (það sakar ekkert að vera samt með pela í vasanum) 🥂
☑️Eins og fram hefur komið fara tónleikarnir fram í heimahúsum/görðum og vill skipuleggjandi hátíðarinnar árétta við gesti að ganga vel um og bera virðingu fyrir heimilum gestgjafanna ❤️
☑️Stólar á tónleikum eru hugsaðir fyrir heldri borgara og hreyfihamlaða, leyfið þeim fyrst að finna sér sæti.
☑️Aðgangur inn á alla tónleikana er ókeypis þökk sé okkar frábæru styrktaraðilum 🥰
☑️Hér koma svo myndir af öllum tónleikastöðunum eða inngangi að þeim, svo það ætti engin að villast.
☑️Gleðilega hátíð 💚💜

08/07/2026

Vinsamlegast athugið.
Tónleikarnar hjá Dynjanda færast á Sundabakka 2A, á pallinn hjá Þóru og Degi 💜💚

Næst er kynnt til leiks hljómsveitin Dynjandi.

Hljómsveitina skipa Hólmararnir Bæring Nói Dagsson og Íris Ísafold Sigurbjartsdóttir ásamt Tinnu Hjaltadóttur, Rósalind Gullý Þorgeirsdóttur, Emil Andra Davíðssyni, Írenu Rut Jónsdóttur, Ólafi Inga Kjartanssyni og Erni Heiðari Lárussyni.

Þau tóku þátt í söngvakeppni framhaldsskólana í vetur og eru spennt að koma fram á Heima í Hólmi í ár.

📌 Sundabakki 2a, á pallinum hjá Þóru og Degi.
🗓️ Föstudaginn 10. júlí kl. 21:15.

06/07/2026

Eftirtaldir aðilar styrkja Heima í Hólmi 2025.
Takk fyrir stuðninginn ❤️

Uppbyggingasjóður Vesturlands
Arion banki
Sveitarfélagið Stykkishólmur
Akraborg
BB & synir ehf
Brellinn ehf.
Fosshótel Stykkishólmi
Gistiver
Hotel Fransiskus in Stykkishólmur
Íslenska Gámafélagið
K. Sigurðsson ehf.
Litalausnir Málningarþjónusta Ehf
Skipper
Breiðasund ehf.
Dekk og smur, Stykkishólmi
Fiskmarkaður Íslands
Fótaðagerðastofan Rún
Marz Sjávarafurðir ehf.
Meistarinn/Fish&Chips
Narfeyrarstofa
Sjávarborg - café & guesthouse
Sjávarpakkhúsið
Verkalýðsfélag Snæfellinga

02/07/2026

Hlökkum til að sjá ykkur á Heima í Hólmi 2026🎵🎵

02/07/2026

Flytjendur á Heima í Hólmi 2026 🎤

02/07/2026

Við gleymum ekki yngstu kynslóðinni á Heima í Hólmi. Að þessu sinni verður boðið upp á ævintýralega tónlistarveislu Tónafljóða.

Þrjátíu mínútna tónlistarveisla þar sem við syngjum vinsælustu disney lögin, dönsum og fljúgum inn í töfraheim teiknimyndanna (Frozen, Encanto, Toy Story, Lion King ofl.)

Litríkir búningar, fallegar raddir og nóg af fjöri – þetta er skemmtun fyrir alla sem elska tónlist og ævintýri. Fjölskylduskemmtun sem gleður alla aldurshópa.

Kvenfélagið Hringurinn verður með veitingasölu frá kl. 14:00-16:00, sýningin hefst kl. 15:00.

📌 Hólmgarður.
🗓️ Laugardaginn 11. júlí kl. 14:00-16:00.

02/07/2026

Dagskrá Heima í Hólmi lýkur með okkar eina sanna Svenna Davíðs, þetta verða ekki hefðbundnir tónleikar heldur söngpartí þar sem allir mega syngja með og verður Svenni með fjörið við æskuheimili sitt á Silfurgötunni.

Sveinn Arnar Davíðsson er Hólmari í húð og hár 💚💜
Hann hefur alltaf haft gaman að tónlist og þá séstaklega gítarleik. Hann hefur spilað við ýmiss tilefni enn yfirleitt er það í kirkjunni rólegt og yfirvegað, eða í partý og hann beðinn um Stál og hníf 15 sinnum.

📌 Silfurgata 2, í garðinum hjá Önnu Maríu og Dabba.
🗓️ Laugardaginn 11. júlí kl. 22:30.

01/07/2026

Salsakommúnan snýr aftur á Heima í Hólmi!

Hljómsveitin leikur kröftuga, dansvæna tónlist undir áhrifum frá tónlistarhefðum Suður-Ameríku. Allir textar sveitarinnar eru frumsamdir og á íslensku sem færir tónlist af þessu tagi nær íslenskum áheyrendum. Um leið eru textasmíðarnar undir áhrifum töfraraunsæisins, sem einkennir bókmenntir Suður-Ameríku, í bland við íslenskan veruleika og er með þessu móti leitast við að etja saman þessum ólíku menningarheimum á nýstárlegan hátt.

Sjö meðlimir sveitarinnar ætla að heiðra okkur með nærveru sinni á Heima í hólmi og leika dillandi salsa tóna.

Það eru þeir:
Hólmarinn, Símon Karl Sigurðarsson
Björgvin Ragnar Hjálmarsson
Borgþór Jónsson
Helge Haahr
Jón Arnar Einarsson
Sölvi Rögnvaldsson
Þorgrímur Þorsteinsson

Hlökkum til að taka á móti þeim í salsa sveiflu 🎵💃

📍 Nestún 3, á pallinum hjá Heiðrúnu og Kristni.
🗓️ Laugardaginn 11. júlí kl. 21:15.