Listhópar Hins Hússins

25/07/2026

Listhópur #11: Uppistand Módernistans

Módernistinn er hliðarsjálf Flóka Dagssonar, persóna sem byggist á hinum ýmsu listastefnum frá fyrri hluta 20. aldar og steig í sumar fram á götum Reykjavíkur og sagði frá ævum sínum á húmorískan máta.

24/07/2026

Listhópur #10: Styttuvík

Styttuvík er gjörningaverkefni þeirra Maríu Þrastardóttur og Daða Víðissonar sem fór fram fyrir framan þekktar sem og minna þekktar íslenskar styttur í Reykjavík, með það að markmiði að varpa nýju ljósi á stytturnar, umhverfi þeirra og tengsl þeirra við borgina og fólkið sem býr í henni.

23/07/2026

Listhópur #9: Samtal við píanóið

Í verkefninu Samtal við píanóið æfa þeir Vasyl Zaviriukha og Chadman Naimi, píanónemendur við Tónskóla Sigursveins, verk eftir Chopin, Rachmaninoff og fleiri tónskáld, og flytja í almannarými og öldrunarheimilum.

22/07/2026

Listhópur #8: Listanetið

Í sumar hefur Listanetið – Kolbrún Hulda Proppé Geirsdóttir, Sigurlinn Maríus Sigurðar og Sunneva Ósk Jónasdóttir – skapað vel á annað hundrað fjölbreyttra listaverka í bréfalúgustærð og skutlað þeim beint heim að dyrum þeirra sem þáðu á undirskriftalista á förnum vegi að taka þátt í verkefninu!

21/07/2026

Listhópur #7: Persónur og leikendur

Leikhópurinn Persónur og leikendur, sem samanstendur af Lúkasi Emil Johansen og Theu Snæfríði Kristjánsdóttur, vann í sumar að leikverkinu KALLA Á ÞIG (ÞEGAR ÉG DEY), sem þau sömdu, leikstýrðu og léku í. Í fjórum örverkum fjalla þau um tvær kynslóðir ungs fólks í Reykjavík, ástir og örlög.

20/07/2026

Listhópur #6: Hljóðheimar í Reykjavík

Lára Rún Eggertsdóttir stundar nám í lagasmíðum við Menntaskóla í tónlist, lenti í 3. sæti í Músíktilraunum árið 2026 og var þá valin Rafheili Músíktilrauna. Í Hljóðheimum í Reykjavík fangar hún stemninguna í ólíkum hverfum Reykjavíkurborgar sumarið 2026. Lára tók upp umhverfishljóð sem einkenna hverfin í Reykjavík, samdi með þeim raftónlist innblásna af hverju hverfi og skeytti saman við myndefni frá ferlinu í 16 mínútna videoverk sem má finna á YouTube.

16/07/2026

Listhópur #5: Dúó Koblía

Dúóið Koblía samanstendur af tónlistarnemendunum Jakobi Grybos og Þórdísi Emilíu. Þórdís er í námi við Menntaskóla í tónlist á fiðlu og Jakob er að byrja í Tónlistarháskólanum í Osló á píanó. Þau flytja klassísk verk víða í Reykjavík og lögin eru fjölbreytt og spennandi.

14/07/2026

14/07/2026

Listhópur #4: Borgin og blómin

Borgin og blómin er verkefni unnið af Unu Erlín Baldursdóttur, nýútskrifum grafískum hönnuði frá LHÍ. Það gengur út á að rannsaka náttúrufegurð innan borgarmarkanna og samspil milli hins náttúrulega og hins mannlega. Borgin gjörbreytir því umhverfi sem hún er byggð í og að sama skapi aðlagar náttúran sig að mannvirkjunum. Borgin og blómin gengur því út á að skeyta saman ljósmyndum af náttúru innan borgarmarka og myndum af mannvirkjum með því að nota cyanotype prentaðferð. Hún byggist á því að nota geisla sólarinnar til þess að prenta og er því afar náttúruleg.