Artótek

10/05/2024

06/03/2024

Nú er nýtt verk til sýnis á Naglanum, Borgarbókasafninu Sólheimum. Um er að ræða akrýlmálverk eftir Jónu Bergdal sem ber heitið Grein 😍

https://borgarbokasafn.is/vidburdir/syningar/naglinn-grein

Nánari upplýsingar um Artótekið, listamanninn eða verkið á heimasíðu Artóteksins: https://artotek.is

Jóna Bergdal myndlistakona

13/11/2023

Nýtt listaverk er nú til sýnis á Naglanum á Borgarbókasafninu í Sólheimum og mun það fá að hanga fram í byrjun janúar. Verkið er eftir Ólöfu Björgu Björnsdóttur, en það ber heitið Gagnsæi og er málað með olíu á striga. Naglinn er heitið á sýningaröð í Borgarbókasafninu Sólheimum, þar sem hver sýning samanstendur af einu listaverki sem eru öll fengin að láni úr Artótekinu.

Ólöf hefur numið list víða, meðal annars í Granada á Spáni og hjá meistara An Ho Bum í Seoul í Suður-Kóreu þar sem hún dvaldi á textílverkstæði Ami Ann. Myndir hennar hafa verið til sýnis víða bæði á einka- og samsýningum.

Kynnið ykkur Artótekið nánar á www.artotek.is
Hér má skoða öll verk Ólafar í Artótekinu www.artotek.is/olof-bjorg-bjornsdottir

21/07/2023

Það er alltaf gaman að fá ný listaverk í Artótekið og eru hér myndir af nokkrum sem hafa bæst við að undanförnu. Sjón er þó sögu ríkari en hægt er að skoða listaverkin með eigin augum í Artótekinu, Borgarbókasafni Grófinni, Tryggvagötu 15. Heimasíðan er www.artotek.is

07/06/2023

Nýtt verk á Naglanum 🎨

Verkið Með Djúpum tón eftir Rut Rebekku Sigurjónsdóttur er komið upp á Naglann á Borgarbókasafninu Sólheimum og mun vera þar fram í byrjun ágúst. Í verkum sínum vinnur Rut með línuna til móts við litaflötinn og er manneskjan sem skapar, í gegnum tónlist, dans, eða hljóðfæraleik áberandi í verkum hennar. Verkið er fengið að láni frá Artótekinu og geta áhugasamir keypt það eða leigt á kaupleigu.

Nánari upplýsingar um Naglann má finna hér:
https://borgarbokasafn.is/vidburdir/syningar/naglinn-med-djupum-ton

Einnig má finna fleiri verk eftir Rut og aðra listamenn á www.artotek.is

03/05/2023

Nýtt verk á Naglanum!

Listaverk án titils eftir Sigurborgu Stefánsdóttur verður til sýnis á Naglanum í Borgarbókasafninu Sólheimum, frá 24. apríl og út maí. Naglinn er heitið á sýningaröð í Borgarbókasafninu Sólheimum og er þetta 15. sýningin í röðinni. Hver sýning samanstendur af einu listaverki og sem eru öll fengin að láni úr Artótekinu, sem er til húsa í Borgarbókasafninu Grófinni.

Sjá nánar hér:

Mynd án titils verður til sýnis á Naglanum í Sólheimasafni út Maí

21/03/2023

Nýtt verk á Naglanum!

Listaverk án titils eftir Sigurborgu Stefánsdóttur er til sýnis á Naglanum í Sólheimasafni. Verkið er fengið að láni úr Artóteki Borgarbókasafnsins í Grófinni.

Sigurborg nýtir ýmsa tækni í listsköpun sinni til að mynda málun, teikningu, grafík, ljósmyndir eða klippimyndir eins og í þessu verki, einnig hefur hún fengist við myndskreytingar, bókagerð og kennt meðal annars við Listaháskóla Íslands. Verk Sigurborgar hafa til sýnis víða, bæði hér á landi og erlendis.
Verið velkomin á Borgarbókasafnið Sólheimum og kíkið á Naglann 😊

Á vekið heima upp á vegg hjá þér? Kynntu þér hvernig þú getur fengið lánaða eða keypt myndlist á www.artotek.is

26/09/2022

Aron Leví Beck 🎨 var listhneigður og skapandi í æsku. Það var þó ekki fyrr en fyrir um það bil fimm árum sem hann fór að fást við myndlist af einhverri alvöru, „þegar óbilandi sköpunarþörfin læddist upp að honum“. Síðan þá hefur hann haldið fjölda sýninga og vakið töluverða athygli fyrir verk sín. Við hittum Aron að máli á vinnustofunni og ræddum ferilinn, listina og verkin, sem sum hver er nú hægt að nálgast í gegnum Artótekið, listlánadeild Borgarbókasafnsins.

Nú er hægt er að nálgast úrval mynda eftir listamanninn Aron Leví Beck í Artótekinu.