23/04/2026
Kæru vinir KÁTT 💛
Eftir vandlega yfirferð höfum við tekið þá erfiðu ákvörðun að gera hlé á Barnahátíðinni KÁTT þetta árið.
Markmið okkar hefur alltaf verið að skapa töfrandi upplifun fyrir börn og fjölskyldur þeirra þar sem gleði og samvera eru í forgangi, um leið og við opnum augu fólks fyrir því litríka lífríki barnamenningar sem til er á Íslandi og upphefjum sköpunargleði á fjölbreyttan hátt.
Til þess að geta haldið þeim gæðum í viðburðinum sem við höfum alltaf sett okkur teljum við mikilvægt að stíga aðeins til baka, safna kröftum og undirbúa næstu skref af nákvæmni.
Við erum óendanlega þakklát fyrir allan þann stuðning, hlýhug og þátttöku sem þið hafið sýnt hátíðinni síðastliðin 10 ár, það er einmitt það sem hefur veitt okkur innblástur til að halda áfram.
Viðburðir innan barnamenningar glíma við sérstakar áskorannir þegar kemur að fjármögnun. Sjálfstæðir viðburðir eins og KÁTT keppa við ríkið sjálft um ríkisrekna styrki, þar á meðal Barnamenningarsjóð (sem við höfum aldrei fengið styrk úr) sem setur sjálfstæða viðburði í ójafna stöðu frá upphafi. Á sama tíma er erfitt að fá fyrirtæki til að leggja fram alvöru fjárhæðir í barnamenningarhátíð, styrktaraðilar velja gjarnan verkefni með skýran sýnileika á meðal fullorðinna neytenda. Miðaverð þarf jafnframt að vera lágt til að tryggja aðgengi allra, sem takmarkar eigin tekjur enn frekar. Niðurstaðan er að sjálfstæðir viðburðir eins og KÁTT, þrátt fyrir mikilvægi sitt í lífi barna og fjölskyldufólks almennt, lenda oft neðst í forgangsröð þegar styrkjum er úthlutaðir.
Við hlökkum til að vonandi snúa aftur sterkari síðar 💛
Með kærri kveðju,
KÁTT teymið
