Listasafn ASÍ

25/06/2026

Þórbergssetur á Hala í Suðursveit fagnar 20 ára afmæli um þessar mundir.

Margrét Jónsdóttir eiginkona Þórbergs Þórðarsonar var mikil áhugamanneskja um myndlist og átti ágætt safn listaverka sem hún færði Listasafni ASÍ að gjöf 1973. Það er mikil upplifun að koma á Þórbergssetur. Þar mætir manni rödd skáldsins sem berst úr stórum steini sem komið hefur verið fyrir við innganginn. Steinninn, eða bjargið öllu heldur, kom veltandi niður hlíðina fyrir ofan setrið þegar verið var að halda uppá afmæli skáldsins og telja sumir að það hafi ekki verið nein tilviljun. Í veitingasalnum er stórt safn bóka á esperantó, en eins og þeir vita sem þekkja sögu Þórbergs þá var hann mikill áhugamaður um þetta skáldaða tungumál. Ungur nemandi í málvísindum, Davíð að nafni, situr nú við að skrá bækurnar í safninu. Á Þórbergssafni, sem Jón Þórisson hannaði, er m.a. dregin fram stemmningin í stofu Margrétar og Þórbergs að Hringbraut 45 í Reykjavík. Þar má finna sýnishorn af bókum, ljósmyndum, húsgögnum og ýmsum munum þeirra hjóna. Og nú hefur Listasafn ASÍ lánað nokkur af verkunum sem Margrét ánafnaði safninu, og voru í stofunni hjá þeim á sínum tíma, til að auka enn á stemmninguna. Þetta eru m.a. verk eftir Gunnlaug Scheving, Jóhann Briem, Einar G. Baldvinsson, Svavar Guðnason, Þorvald Skúlason Þorbjörgu Höskuldsdóttur og Nínu Tryggvadóttur. Þorbjörg Arnórsdóttir framkvæmdastjóri og frumkvöðull aðstoðaði við val á myndum og Jacobo starfsmaður setursins sá um upphengi. Við mælum eindregið með heimsókn á þetta merka safn. Það er hægt að fá gistingu á staðnum og maturinn er góður.

25/06/2026

Þórbergssetur á Hala í Suðursveit fagnar 20 ára afmæli um þessar mundir.

Margrét Jónsdóttir eiginkona Þórbergs Þórðarsonar var mikil áhugamanneskja um myndlist og átti ágætt safn listaverka sem hún færði Listasafni ASÍ að gjöf 1973. Það er mikil upplifun að koma á Þórbergssetur. Þar mætir manni rödd skáldsins sem berst úr stórum steini sem komið hefur verið fyrir við innganginn. Steininn, eða bjargið öllu heldur, kom veltandi niður í hlíðinni fyrir ofan setrið þegar verið var að halda uppá afmæli skáldsins og telja sumir að það hafi ekki verið nein tilviljun. Í veitingasalnum er stórt safn bóka á esperantó, en eins og þeir vita sem þekkja sögu Þórbergs þá var hann mikill áhugamaður um þetta skáldaða tungumál. Ungur nemandi í málvísindum, Davíð að nafni, situr nú við að skrá bækurnar í safninu. Á Þórbergssafni, sem Jón Þórisson hannaði, er m.a. dregin fram stemmningin í stofu Margrétar og Þórbergs að Hringbraut 45 í Reykjavík. Þar má finna sýnishorn af bókum, ljósmyndum, húsgögnum og ýmsum munum þeirra hjóna. Og nú hefur Listasafn ASÍ lánað nokkur af verkunum sem Margrét ánafnaði safninu, og voru í stofunni hjá þeim á sínum tíma, til að auka enn á stemmninguna. Þorbjörg Arnórsdóttir framkvæmdastjóri og frumkvöðull aðstoðaði við val á myndum og Jacobo starfsmaður setursins sá um upphengi. Við mælum eindregið með heimsókn á þetta merka safn. Það er hægt að fá gistingu á staðnum og maturinn er góður.

03/03/2026

Sigurður Ámundason er meðal þeirra sem eru tilnefndir til Myndlistarverðlaunanna 2025 fyrir sýningarnar ÚTHVERFAVIRKI á vegum Listasafns ASÍ. Til hamingju Sigurður og þið öll hin!
https://www.visir.is/g/20262850618d?fbclid=IwY2xjawQUGehleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEedIcIIZRCzYFjQTsSAotJZLHUbzpTjvlEFqleacAeO5k_kInClnbWVnr1uZw_aem_zSPRobH8W-xmXRvswcDM3A

16/02/2026

16/02/2026

MÁLÞING TIL HEIÐURS HRAFNHILDI SCHRAM
Listfræðafélag Íslands skipulagði málþing til heiðurs Hrafnhildi Schram í Safnahúsinu við Hverfisgötu15. febrúar s.l. Þar voru flutt mjög fróðleg erindi um framlag hennar á sviði listfræða og myndlistar á Íslandi frá því hún útskrifaðist sem listfræðingur 1976.
Hrafnhildur var vinsæll kennari, ötull miðlari myndlistar, vann mikið frumkvöðlastarf við að leita uppi huldukonur í íslenskri myndlist og rétta hlut kvenna í íslenskri myndlistarsögu. Hún ferðaðist víða um land, oft á vegum Listasafns ASÍ, setti upp sýningar og miðlaði fróðleik
Hrafnhildur gegndi mikilvægu hlutverki í starfsemi Listasafns ASÍ í tæpa þrjá áratugi á árunum 1976 til 2005, og átti sæti í listráði safnsins, sem er Miðstjórn ASÍ til ráðgjafar um allt sem viðkemur starfsemi safnins, í 23 ár.
Á þessum árum voru haldnar fjölmargar sýningar víða um land. Forsvarsmenn verkaðlýðsfélaga hringinn í kringum um landið kölluðu eftir sýningum af ýmsu tilefni og sýningarstaðirnir voru allt frá frystihúsum, sláturhúsum og skipasmíðastöðvum til sjúkrahúsa og virðast hafa verið mjög vel sóttar.
Á árum Hrafnhildar hjá safninu voru mörg áhugverð verkefni sett af stað, t.d. voru gefnar út möppur með litskyggnum, slædes-myndum af verkum íslenskra myndlistarmanna með inngangi sem Hrafnhildur ritaði. Það var staðið fyrir farandsýningu um Norðurlönd með íslenskri grafík á 30 ára afmæli safnsins, sýningar voru unnar í samvinnu við erlend söfn og fleira sem vert er að rannsaka betur og koma á framfæri.
Listfræðafélagið á þakkir skildar fyrir að hafa frumkvæði að þessu málþingi til Heiðurs Hrafnhildi Scharm en þetta framtak verður okkur hjá safninu hvatning til að setja af stað átak og safna saman heimildum um störf hennar fyrir safnið og miðlun myndlistar til almennings í landinu. Hlutur hennar er mun víðtækari og merkilegri en margir hafa gert sér grein fyrir.