04/09/2026
Göngufótbolti hjá Knattspyrnufélaginu Þrótti, í samstarfi við ÍBR, býður ykkur til kynningar á göngufótbolta mánudaginn 7. september kl. 19:45 á Sundavelli Þróttar í Laugardalnum, við hliðina á Laugardalsvellinum. Þar verður stillt upp völlum með sérhönnuðum mörkum fyrir þessa skemmtilegu íþrótt.
Göngufótbolti er fyrir alla sem vilja stunda skemmtilega og hollvænlega hreyfingu á rólegum nótum þar sem félagslegi þátturinn er í fyrirrúmi.
Hverjir hafa sérstakt gagn af göngufótbolta?
· Eldra fólk sem vill hreyfa sig og hafa gaman.
· Fatlaða einstaklinga sem leita að aðgengilegu íþróttastarfi.
· Fólk í endurhæfingu eftir meiðsli.
· Afreksfólk með skaddaða liði sem getur ekki stundað hefðbundinn fótbolta.
· Vinahópa og vinnustaðahópa sem vilja hittast og hreyfa sig saman.
Rúnar Már Sverrisson, umsjónarmaður göngufótboltans hjá Þrótti og fulltrúi í grasrótarnefnd KSÍ, sér um kynninguna. Hann fer yfir helstu atriði, stýrir upphitun og skiptir í lið. Spilað verður til kl. 21:00 – þetta verður skemmtilegt kvöld.
Íþróttafélög í Reykjavík sem hafa áhuga á að mæta – hvort sem það eru 1, 2 eða 10 leikmenn – eru beðin um að senda póst á [email protected] fyrir kl. 16:00 mánudaginn 7. september, svo hægt sé að undirbúa æfinguna með boltum, vestum og völlum.
Göngufótbolti er í hraðri þróun um allan heim enda er hann skemmtilegur, allir geta verið með og hreyfingin er holl svo um munar.
Sláið til – þið sjáið ekki eftir því.
