10/01/2026
Laugardaginn 10. janúar opnar myndlistarmaðurinn Búri sína fyrstu einkasýningu, Shadow Self, í Gallery Port. Opnunin stendur yfir milli klukkan 15–17 og eru allir velkomnir.
Á sýningunni eru fígúratíf málverk með ríka áherslu á andlitsmyndir, verkin eru unnin með olíulitum á striga. Verkin eiga rætur sínar í fjölbreyttum heimildum, meðal annars bókmenntum — einkum sjálfsævisögum og endurminningum — sem og rómverskri goðafræði, sögu, heimspeki, sálfræði og listasögu. Þótt klassísk áhrif séu greinileg í verkunum, er unnið frjálslega með viðfangsefnið og samtímaleg nálgun ríkjandi.
Sterkir litir gegna lykilhlutverki í sýningunni og vísar bæði til bernsku á níunda og tíunda áratugnum og til myrkari hliða mannlegrar tilveru.
Búri (1982) hefur starfað sem tattúlistamaður um áratugaskeið og rekið Íslensku Húðflúrstofuna. Hann lærði við Stockholm Academy of Realist Art og var svo um tveggja ára skeið nemandi í einkatímum hjá einum kennara skólans, Samuel Järnegård Fogelvik.
Eitt umfangsmesta verk sýningarinnar samanstendur af 576 smærri einingum og myndar pixlaða heildarmynd af Markúsi Árelíusi. Verkið er unnið eftir málverki sem einnig er til sýnis. Hver eining er 10 x 10 cm plata í flötum lit og verður verkið selt í stökum plötum á hófsömu verði. Þannig verður verkið einungis sýnilegt í öllu sínu veldi við upphaf sýningarinnar.
Verkið er óður til óvaranleikans, leikur að upplausn og jafnframt tilraun til að gera list aðgengilegri með upplagi og verðlagningu. Þessi verk eru afhent við kaup.
Sýningin stendur yfir til 5. febrúar.
Gallery Port er opið miðviku- til föstudags milli 12–17 og laugardaga frá 12–16. Einnig eftir samkomulagi.
Allar nánari upplýsingar um sýninguna og verkaksrá hennar má nálgast í skilaboðum og hjá [email protected]
