Mirmenningartengsl heimasida starfsemi

02/04/2026

Velkomin á bannsvæðið: Tarkovskí og Tsjernobyl – 40 ára minning

Hvar: Hótel Holt, Laufásvegur, Bíó Paradís og víðar

Hvenær: 26. apríl 2026

Gengið á slóðir kvikmyndaleikstjórans Andrejs Tarkovskís og Larissu eiginkonu hans en þau fóru í sögulega heimsókn til Íslands árið 1985. Í ár eru fjörutíu ár liðin síðan Tarkovskí lést og Fórnin, síðasta mynd meistarans, var frumsýnd; enn fremur verður þess minnst að þennan dag fyrir fjörutíu árum – þann 26. apríl, 1986 – átti Tsjernobyl-slysið sér stað. Síðari kvikmyndir Tarkovskís eru líkt og spásögn fyrir slysið vofeiflega sem stuðlaði að því að Ronald Reagan og Míkhaíl Gorbatsjov hittust í Reykjavík síðar þetta sama ár til að binda enda á kalda stríðið.

Gunnar Þorri Pétursson leiðir gönguna og heldur fyrirlestur um það forvitnilega samhengi sem skapaðist á milli Tarkovskís, Tsjernobyl og Íslands sem skurðarpunkts austurs og vesturs á tímum kalda stríðsins. Gunnar Þorri hlaut Íslensku þýðingaverðlaunin fyrir þýðingu sína á Tsjernobyl-bæninni eftir Nóbelsverðlaunahöfundinn Svetlönu Aleksíevítsj. Hann hefur á undanförnum árum haldið úti vinsælum námskeiðum um rússneska menningu á Hótel Holti og víðar. Leikkonan Guðrún Gísladóttir mun segja frá kynnum sínum af Tarkovskí en hún lék eitt aðalhlutverkanna í Fórninni. Benedikt Erlingsson leikari og leikstjóri mun einnig slást í för með hópnum og segja frá því hvernig hann fléttaðist með áhugaverðum hætti inn í sögulega heimsókn Tarkovskí-hjónanna. Þau voru voru landflótta og í öngum sínum þar sem stjórnvöld héldu syni þeirra nauðugum eftir í Sovétríkjunum. Íslendingar efndu til Tarkovskí-kvikmyndahátíðar í Reykjavík til að vekja athygli heimsins á þessu mannréttindabroti, hátíðin vakti mikla athygli og heitar umræður – sovéska sendiráðið reyndi að koma í veg fyrir að hún yrði haldin og til átaka kom í anddyri Regnbogans (nú Bíó Paradís) þegar starfsmaður sendiráðsins reyndi að stöðva sýningu á einni af kvikmyndum Tarkovskís!

Missið ekki af þessum einstaka viðburði, gestafjöldi er takmarkaður og atburðurinn verður aðeins haldinn í þetta eina skipti. Gangan hefst kl. 14:00 á Hótel Holti og lýkur í Bíó Paradís kl. 18:30 með sérstakri hátíðarsýningu á Fórninni.

Að viðburðinum standa Bíó Paradís, Kvikmyndalistadeild Listaháskóla Íslands og Kvikmyndafræði við Háskóla Íslands.

Tryggið ykkur miða í gönguna á Tix.is:

https://tix.is/event/21271/velkomin-a-bannsvaedid-tarkovski-og-tsjernobyl-40-ara-minning

Tryggið ykkur miða á bíósýningu Fórnarinnar á heimasíðu Bíó Paradís:

https://bioparadis.is/mynd/840_f-rnin-the-sacrifice/

Einstakur viðburður þar sem gengið verður á slóðir kvikmyndaleikstjórans Andrejs Tarkovskís og Larissu eiginkonu hans en þau fóru í sögulega heimsókn til Íslands árið 1985.

19/03/2026

Núa standa yfir framkvæmdir á húsnæði okkar. Búið er að mála og smiðavinna stendur yfir, siðan þarf að laga og taka til i bókasafninu. Endilega hafið samband þið sem hafið áhuga á að aðstoða okkur.

Netfangið okkar er [email protected]

29/01/2026

Russneska tónlistakonan og aðgerðasinninn Diana Burkot meðlimur P***y Riot er orðin isl rikisborgari. Við óskum henni til hamingju með það, og óskum henni velfarnaðar.

Alþingi hefur ákveðið að veita 36 einstaklingum íslenskan ríkisborgararétt samkvæmt tillögu frá allsherjar- og menntamálanefnd. Frumvarp þess efnis var samþykkt á Alþingi nú fyrir stundu. Alls er um að ræða 28 fullorðna einstaklinga og átta börn þeirra. Í hópi þeirra sem h...

15/01/2026

Námskeið Gunnars Þorra um þessa mögnuðu bók. Mir styrkir félaga sina um 15 þus krónur hafi þeir áhuga á að fara á námskeiðið.

Karamazov-bræðurnir endurútgefnir á íslensku

12/12/2025

Jólabókin i ár.

Læt hér fylgja hugleiðingar Skúla Thorddsen um þessa bók, sem verður vonandi í jólapakkanum í ár hjá öllum aðdáendum rússneskra bókmennta.

"Sænska skáldkonan Kerstin Ekman fjallar í bók sinni „Bókaveröld mín“ frá 2023 um verk sem hafa haft áhrif á hana sem skáld. Þetta eru persónulegar ritgerðir og hugleiðingar um bækur og sögupersónur. Oft ánægjulega endurlesnar og fléttaðar saman við eign lífsreynslu í eins konar varanlegu sambandi hennar við viðkomandi bók.
„Minnisblöð veiðimanns“ frá árunum 1852-53, eftir Ivan Trugenjev (1818-1883), sem nýlega kom út á íslensku í þýðing Önnu Agnarsdóttur er einmitt svona bók. Með frásögn Ekman í huga hellti mér í lesturinn. Hér væri eitthvað stórt á ferðinni.
Turgenjev kynntist ég fyrir margt löngu þegar ég las „Feður og syni,“ öndvegisrit sem fjallar á raunsæjan hátt um árekstur og baráttu kynslóðanna, foreldra og barna og ólíka hugmyndafræði. Síglit verk.
„Minnisblöð veiðimanns“ er ekki eins og nafnið gæti bent til, venjuleg dagbók veiðimanns um kúnstina að veiða villibráð, drepa - og halda til haga aflatölum dagsins í fiski, fugli eða annarri bráð sér til minnis.
Í sögunum kynnist lesandinn þvert á móti fólki sem veiðimaðurinn hittir á förnum vegi, tekur tali og Turgenjev fjallar um af mikilli alúð, mannúð og samúð með þeim sem minna mega sín.
Um er að ræða áhrifaríkar smásögur af venjulegi fólki í sveita síns andlits, lýst með raunsönnum og eftirminnilegum hætti; ánauðugum bændum, konum og börnum í Rússlandi og landeigendum á þar síðustu öld. Það er eins og að komast að rótum rússnesku þjóðarsálarinnar, að lesa þessa bók. Kynnast kostum Rússa, löstum og lífskjörum. Fólkinu, þá - og nú. Skynja valdbeitingu hins daglega lífs, þá og nú, svo sígilt er verkið. Skynja Keisarann (sem táraðist þegar bókin kom út) eða kannski Stalín bak við tjöldin eða Pútín þess Rússlands sem var og er, með sína óðalsbændur eða olígarka, kúgara og kúgaða og ánauðugt fólk fjötrað í fátækt, örbirgð og angist óttans. Samt ríkir von og fegurð.
Sagan er ekki bara um fólk. Hún er líka óður til rússneskrar sveitar og náttúru. Og náttúran á sinn tilverurétt. „Það er í lagi að veiða villibráð sér til matar en ekki sér til gamans.“
Áslaug Agnarsdóttir er löngu þekkt fyrir frábær þýðingar á rússneskum bókmenntum. „Minnisblöð veiðimanns“ er eingin undantekning þar á. Reyndar stórviki sem Jakob F. Ásgeirsson í Uglu gefur út með mikill reisn. Innbundið. 254 bls.
Það verður enginn svikinn sem fær þessa bók upp úr harða pakkanum um jólin.

11/10/2025

Aðalfundur MÍR var haldinn miðvikudaginn 1. okt sl. Auk venjulegra aðalfundastarfa var kosinn ný stjórn.

En í stjórn voru kosnir Sigurður Einarsson, Þorvaldur Þorvaldsson, Vésteinn Valgarðsson, Guðlaugur Leósson og Gunnlaugur Einarsson.

Mörg verkefni býða nýrrar stjórnar, m.a. að koma okkur fyrir á nýjum stað, þar sem við höfum leigt Sósíalistaflokknum stærri part af húsnæðinu. Og þegar framkvæmdum líkur þarf að taka til á bókasfninu, gera innangegnt frá bókasafninu á aðstöðu sem Mír hefur nú til afnota. Og það þarf að taka til mála og fl á nyju aðstöðunni.

Nú þegar nýja stjórnin hefur tekið við þá er opið fyrir nýja félaga að gerast félagsmenn. Og gamla félaga að koma aftur.

Það er gert með því að senda tölvupóst á mír, og óska eftir inngöngu.
Tölvupósturinn er [email protected]

Félagagjaldið er 6000 þús krónur, en við inngöngu er borgað tvöfalt gjald 12 þús og gildir það í eitt ár. Senda skal inn fullt nafn, kennitölu og símanúmer.

Þeir sem áður hafa verið í félaginu er undanþegnir nýskráningargjaldi.

Félagsaðild tekur gildi við starðfestinu stjórnar skriflega eða með tölvupósti.

Boðun aðalfunda og félagsfunda verður hér eftir gert með tölvupósti, og tilkynningu á feisbúkksíðu félagsins.

f.h stjórnar
Sigurður H. Einarsson

30/08/2025

Djöflarnir eftir Fjodor Dostojevski er kominn út í kiljuformi.Það eru 25 ár siðan bókin kom út í bókaflokki MM.Og hefur verið ófáanleg.

Djöflarnir eru spásögn um örlög Rússlands á 20. og 21.öld, kristalkula sem sagði fyrir um rússnesku byltinguna og það verk Dostojevskis sem á einna brýnast erindi við okkur í dag.

26/08/2025

Kristján Andresson einn af máttstólpum MIR til 45 ára er orðinn 90 ára.
Kristján er fjölmenntaður, járnsmiður og meistari í sinni iðngrein, og smiður góður.
Stundaði háskólanám í rússnesku og hefur verið fararstjóri í mörgum ferðum til Rússlands. Kristján stundaði háskólanám í Þýskalandi, og fylgist vel með þýskum stjórnmálum.

Kristján er einn af þeirri kynslóð MIR félaga sem lagt hafa félaginu ómældar vinnustundir og árangurinn er það húsnæði sem MIR á núna.

Við felagar MIR óskum Kristjáni Eyrbekkingi og fjöldskyldu til hamingju með stórafmælið.

Sigurður H. Einarsson.

21/08/2025

Eins og flestir vita þá hefur stjórn MÍR ákveðið að leigja Sósíalistaflokknum hluta húsnæðisns. MÍR verður áfram með bókasafnið og þann hluta hússins sem MÍR hefur leigt út í áraraðir. Leigan tekur gildi 1.sept, og gildir í ár, með möguleika á framleigu.

Það hefur verið töluverð vinna að breyta þessu flytja dót, henda og sortera, en því miður hafa verið litlar undirtekir við beiðni um aðstoð.

En við erum að undirbúa aðalfundinn sem við stefnum á að verði í sept. Vonandi fáum við frið til að halda þennan aðalfund, en þetta verður þriðji aðalfundinn sem við reynum að halda. Ef við fáum ekki frið að halda þennan aðalfund þá verður hann blásin af snarlega.

f/h stjórnar

Sigurður H. Einarsson

12/08/2025

Félagsfundur fimmtudaginn 14 ágúst kl 16.00.
Ætlunin er taka til í húsnæði félagsins, eftir gluggaskipti og fl.

Hafa siðan felagsfund.

1) Hvernig sér fólk fyrir sér framtíð félagsins?
2) Undirbúningur aðalfundar.
3) Önnur mál.

Stjórnin.

Hvetjum fólk sem hefur áhuga á félaginu að koma og taka þátt.

15/07/2025

https://www.visir.is/g/20252751172d/adalsprautan-i-pussy-riot-faer-is-lenskan-rikis-borgara-rett

Auðvitað fögnum við því að hún fái ríkisborgararétt. Megi henni farnast vel hér á landi.

Nafn Nadezhdu Tolokonnikova, stofnanda hljómsveitarinnar P***y Riot, er að finna á lista yfir einstaklinga sem lagt er til fái íslenskan ríkisborgararétt. Alþingi mun taka listann fyrir í dag.