Tónabíó

15/03/2025

Tónabíó hóf starfsemi 1962. Fram að því hafði Tónlistafélag Reykjavíkur rekið Trípólí bíó í vesturbæ Reykjavíkur, sem lokaði þegar Tónabíó opnaði.

Sjá nánar hér varðandi sögu Trípólóbíó.
https://is.wikipedia.org/wiki/Trípólíbíó

Ljósmyndari: Ari Kárason 1919-1997

30/08/2024

Vefsíða fyrir Tónabíó er komin í loftið!

TónabíóBruggstofa RVK og viðburðarrýmiTónabíó tók til starfa árið 1963 sem bíóhús og starfaði sem slíkt til ársins 1988. Árið 1990 opnaði það aftur sem Vinabær; bingóhöll rekin af Templurum sem starfaði til 2022. RVK Bruggfélag opnaði svo bruggstofu sína í Tónabíói ...

06/06/2024

Tónabíó verður mistöð lista og gleði í Skipholti. Við verðum með tónlist, uppistand, bingókvöld, bíókvöld og alls konar annað skemmtilegt. Við stefnum á að opna Tónabíó í haust.

Í Tónabíói er líka rekin bruggstofa RVK Bruggfélags. Hún hefur sína eigin Facebook síðu þar sem sjá má hvað er á döfinni hverju sinni.

https://www.facebook.com/rvkbruggfelagtonabio

02/06/2023

Það er að koma mynd á nýja bruggstofu RVK Bruggfélags. Þegar bjórinn byrjar að flæða þá er stutt í opnun. Það er aftur að færast líf í Tónabíó.

25/02/2023

Þegar Tónabíó opnaði árið 1962 var það án efa eitt glæsilegasta kvikmyndahús á Íslandi. Eitt og annað hefur þó breyst í salnum gegnum tíðina. Líklega var salurinn tekinn í gegn uppúr 1980 og nýtt hljóðkerfi sett upp, hátalarar byggðir inn í vegginn og nýr panell á vegginn þar fyrir neðan fyrir hljóðvist.

Rekstur Tónabíós fór á hausinn um 1988 og Vinabær bingó opnaði þar í stað um 1990-91. Þá var uppröðuninni í salnum gjör-breytt; settir upp litlir básar þar sem bingóspilarar gátu setið við borð, sviðið minnkað talsvert og byggð þessi búr sitt hvoru megin á það.

Nú er aftur verið að vinna í salnum. Ekki á þó að breyta miklu eins og er, en það á að gera hann hæfan fyrir tónleikahald, uppistand, litlar ráðstefnur og slíkt. Fylgist með Tónabíói á næstunni!

Gömul mynd fengin hér https://www.facebook.com/photo.php?fbid=624680569674087&set=a.493034022838743&type=3