Kór Hallgrímskirkju

30/06/2026

Kór Hallgrímskirkju kom fram í þættinum Now Hear This – The Iceland Sound á PBS í lok maí á þessu ári.

Við erum afar stolt af því að kórinn skuli koma fram í hinum glæsilega PBS-þætti Now Hear This – The Iceland Sound, þar sem hinn margverðlaunaði hljómsveitarstjóri og þáttastjórnandi Scott Yoo kynnir íslenska tónlistararfleifð og þau áhrif sem náttúra, saga og menning hafa haft á íslenskt tónlistarlíf.

Það var ákaflega gaman að taka þátt í verkefninu og kynnast Scott og frábæra teyminu hans og við hvetjum öll til að horfa á þáttinn allan, njóta þess að kynnast og hlusta á frábæra íslenska tónlist og íslenskt tónlistarfólk í þættinum og kynnast íslenskum hljóðheim frá nýju sjónarhorni Scotts.

Fyrir þau sem hafa sérstakan áhuga á að hlusta á kórinn okkar: Á mínútu 12:04 flytur Kór Hallgrímskirkju tvísöngslagið „Gefðu að móðurmálið mitt“, sem er kynnt sem einstakt einkenni íslenskrar sönghefðar og í lok þáttarins, frá ca. 53:42, syngur kórinn síðan „Heyr þú oss himnum á“ eftir Önnu Þorvaldsdóttur, sem fær sérstaka umfjöllun í þættinum og myndar áhrifamikinn endi í þessari fallegu heimild um íslenskan hljóðheim.

Anna Thorvaldsdottir


Hægt er að horfa á þáttinn hér:

Great Performances - Season 53 Episode 16 - Now Hear This – “The Iceland Sound

13/06/2026

Við í Kór Hallgrímskirkju erum afar stolt og þakklát fyrir fallega gagnrýni Magnúsar Lyngdal á tónleikana Samhljómur kynslóða: Hildur Guðnadóttir og Jón Nordal.

Það var sérstök upplifun að flytja þessa áhrifamiklu tónlist ásamt framúrskarandi einsöngvurum og hljóðfæraleikurum undir stjórn okkar uppáhalds Steinars Loga Helgasonar.

Kærar þakkir til allra sem komu og deildu með okkur þessari einstöku stund. Slíkar viðtökur veita okkur innblástur til framtíðarinnar og áframhaldandi tónlistarstarfs.

mbl.is Hallgrímskirkja Hildur Gudnadóttir Björn Steinar Sólbergsson Steinar Logi Helgason Listahátíð í Reykjavík / Reykjavik Arts Festival "GeggjaðGaman

05/06/2026

Glæsilegt viðtal við kórstjórann okkar, Steinar Logi Helgason í Morgunblaðinu í dag. Við hvetjum ykkur öll til að lesa.

Það er mikil spenna í loftinu fyrir tónleikunum Samhljómur kynslóða: Hildur Gudnadóttir og Jón Nordal sérstaklega hjá okkur í kórnum.

Miðasala er í fullum gangi og fer fram í Hallgrímskirkju og á tix.is

Sjáumst í Hallgrímskirkju kl. 17 á sunnudaginn (7. júní).

Í Morgunblaðinu í dag er flott viðtal við Steinar Loga Helgason, stjórnanda tónleikanna Samhljómur kynslóða: Hildur Guðnadóttir og Jón Nordal, nk. sunnudag þar sem flutt verða verk eftir Jón Nordal og Hildi Guðnadóttur.

Steinar lýsir þar hvernig tónlist tveggja tónskálda af ólíkum kynslóðum getur átt í lifandi samtali, og segir meðal annars að verk þeirra séu, eins og fyrirsögning segir: „djúpur brunnur, ekki vaðlaug“. Tónlist sem býður áheyrendum sífellt nýjar leiðir til að hlusta, skilja og upplifa.

Við hvetjum tónlistarunnendur til að missa ekki af þessum glæsilega viðburði, þar sem fortíð og nútíð mætast í kraftmiklum flutningi Kórs Hallgrímskirkju og glæsilegra flytjenda undir stjórn Steinars Loga.

Tónleikarnir fara fram á Listahátíð í Reykjavík / Reykjavik Arts Festival í Hallgrímskirkju nk. sunnudag 7. júní kl. 17.

Miðasala fer fram í Hallgrímskirkju og á tix.is

Mynd og viðtal: Morgunblaðið / Helgi Snær Sigurðsson.

HALGRÍMSKIRKJA – ÞINN TÓNLEIKASTAÐUR

04/06/2026

Frábærir einsöngvarar og orgelleikari á tónleikunum Samhljómur kynslóða: Hildur Guðnadóttir og Jón Nordal sunnudaginn 7. júní kl. 17:00 í Hallgrímskirkju fá áheyrendur að njóta framúrskarandi flytjenda í verkum tveggja af merkustu tónskáldum Íslands.

Björn Steinar Sólbergsson, organisti og tónlistarstjóri Hallgrímskirkju, flytur meðal annars hina kraftmiklu Toccötu Jóns Nordal og leikur einnig stórt hlutverk í Óttusöngvum á vori, þar sem orgelið er órjúfanlegur hluti af hljóðheimi verksins.

Álfheiður Erla Guðmundsdóttir, einn fremsti sópransöngvari landsins, fer með sópranhlutverkið í Óttusöngvum á vori. Álfheiður hefur vakið verðskuldaða athygli fyrir glæsilegan söng sinn bæði hér heima og erlendis og komið fram á fjölmörgum virtum tónlistarhátíðum og óperusviðum.

Hanna Dóra Sturludóttir, messósópran, syngur kontratenórhlutverkið í verkinu. Hanna Dóra er þekkt fyrir fágaðan söng og fjölbreyttan feril sem einsöngvari og hefur komið fram í fjölmörgum tónlistarverkefnum á Íslandi og erlendis.

Saman, ásamt slagverksleikaranum Frank Aarnink og Bryndísi Höllu Gylfadóttur (sem við fjölluðum um hér á síðunni okkar í gær) leiða þau áheyrendur inn í einstakan hljóðheim Jóns Nordal í Óttusöngvum á vori, einu af stórverkum íslenskrar kórtónlistar, á tónleikum þar sem tónlist hans mætir verkum hátíðarlistamanns Listahátíðar í Reykjavík 2026, Hildar Guðnadóttur.

Þau sem hafa heyrt þessa glæsilegu flytjendur vita að þegar þau fá að njóta sín verður upplifunin bæði áhrifamikil og eftirminnileg.

Við í Kór Hallgrímskirkju hlökkum mikið til.

03/06/2026

Gleðilega Listahátíð í Reykjavík / Reykjavik Arts Festival

Sjáumst í Hallgrímskirkju á sunnudaginn 🎶🎉

03/06/2026

Við kynnum tvo af þeim frábæru hljóðfæraleikurum sem taka þátt í flutningi Óttusöngva á vori eftir Jón Nordal á tónleikunum Samhljómur kynslóða: Hildur Guðnadóttir og Jón Nordal á Listahátíð í Reykjavík / Reykjavik Arts Festival í Hallgrímskirkju.

Bryndís Halla Gylfadóttir er einn af virtustu sellóleikurum Íslands og hefur um áratugaskeið verið í fremstu röð íslensks tónlistarlífs.

Frank Aarnink er slagverksleikari Sinfóníuhljómsveitar Íslands og þekktur fyrir glæsilegan flutning og fjölbreyttan feril.

Ásamt Kór Hallgrímskirkju og öðrum framúrskarandi flytjendum leiða þau áheyrendur inn í áhrifamikinn hljóðheim Jóns Nordal og Hildar Guðnadóttur.

Við hlökkum ótrúlega mikið til.

Sjáumst á sunnudaginn!

21/05/2026

Í dag er sérstakur dagur í sögu Kórs Hallgrímskirkju en
við vorum að gefa út okkar fyrsta lag á Spotify og öllum helstu streymisveitum.

Lagið er „Á hvítasunnudag“ eftir Finn Karlsson eitt af okkar uppáhalds tónskáldum við texta eftir Einar Sigurðsson í Eydölum. Verkið var samið fyrir Kór Hallgrímskirkju og er gefið út í aðdraganda Hvítasunnu.

Það er okkur bæði heiður og gleði að deila því með ykkur.

Við hlökkum einnig til að flytja verkið í hátíðarmessu á Hvítasunnudag í Hallgrímskirkju þann 24. maí kl. 11.

Hátíðarmessunni verður einnig útvarpað í beinni útsendingu á Rás 1.

Við þökkum öllum sem hafa lagt hönd á plóg og þá sérstaklega Togga tónmeistara Þorgrímur Þorsteinsson, Steinari okkar, Birni Steinari Sólbergssyni sem leikur á orgelið, öllum í Hallgrímskirkju og ykkur sem hlustið og fylgist með okkur.

Endilega deilið nýja laginu okkar með öllum sem þið þekkið!
https://open.spotify.com/track/7G3q8YmZDksRDsDcUIBfAh?si=8zMBmDILRES2Cfmu7mGVhg

Takk fyrir!
Kór Hallgrímskirkju