Svartur jakki

19/05/2025

ÓPERAN HUNDRAÐ ÞÚSUND MEÐ FJÓRAR TILNEFNINGAR TIL GRÍMUVERÐLAUNA

Í dag voru tilnefningar til Grímuverðlauna opinberaðar með viðhöfn í Tjarnarbíói. Við erum óumræðanlega stolt af þeim fjórum tilnefningum sem Óperan hundrað þúsund fékk en þær eru:
Þórunn Gréta Sigurðardóttir: tónlist og hljóðmynd ársins,
Herdís Anna Jónasdóttir: söngur ársins,
Salvör Gullbrá Þórarinsdóttir: leikstjórn ársins,
Guðný Hrund Sigurðardóttir: búningar ársins.

Til hamingju, snillingar!

Óperan hundrað þúsund var sviðsett fyrir rétt um ári síðan, af Svörtum jakka í samstarfi við Þjóðleikhúsið.

14/03/2025

Um þessar mundir hittast aftur Drottningin, Móðirin, Dóttirin og hirðliðið allt við hljóðritun á Óperunni hundrað þúsund. Hér er örmynd af upptökum með Herdísi Önnu Jónasdóttur söngkonu, Frank Aarnink slagverksleikara, Grími Helgasyni klarinettuleikara, Katie Buckley hörpuleikara, tónskáldinu Þórunni Grétu Sigurðardóttur og upptökustjóranum Alberti Finnbogasyni.

13/03/2025

Kristín Eiríksdóttir hlaut Íslensku tónlistarverðlaunin í flokknum Texti ársins fyrir librettó Óperunnar hundrað þúsund. Leikhópurinn Svartur jakki er að rifna af stolti og sendir Kristínu hundrað þúsund hamingjuóskir.

Kristín Eiríksdóttir

25/02/2025

Við erum himinlifandi!

Herdís Anna Jónasdóttir– eina og aðal söngkona Óperunnar hundrað þúsund – var rétt í þessu tilnefnd til Íslensku tónlistarverðlaunanna í flokknum Söngur ársins og Kristín Eiríksdóttir hlaut tilnefningu í flokknum Texti ársins fyrir librettó Óperunnar hundrað þúsund.

Hjartans hamingjuóskir, báðar tvær! 🤩🤩👏👏👏

30/12/2024

Annáll Þjóðleikhússins er nú á leikhusid.is (tengill í fyrstu athugasemd).

Við þökkum kærlega fyrir samstarfið á árinu sem er að líða og áhorfendum fyrir frábærar viðtökur! 💖

03/06/2024

„Yfir lífið liggur brú … “

Þá er sýningum lokið á Óperunni hundrað þúsund. Við þökkum öllum okkar góðu samstarfsaðilum samvinnuna og áhorfendum færum við hundrað þúsund þakkir fyrir frábærar viðtökur, falleg ummæli og skilaboð!

Leikhópurinn Svartur jakki

Þórunn Gréta Sigurðardóttir Kristín Eiríksdóttir Salvör Gullbrá Þórarinsdóttir Guðný Hrund Sigurðardóttir Friðþjófur Þorsteinsson Herdís Anna Jónasdóttir Frank Aarnink Katie Buckley Grímur Helgason Alda Úlfarsdóttir Makeup by Alda Sean Patrick O'Brien Alexía Rós Gylfadóttir Hákon Pálsson Valgerður Guðrún Halldórsdóttir Crescendo Guðmundur Erlingsson Þjóðleikhúsið

❤️‍🔥x Hundrað þúsund

02/06/2024

Lokasýning Óperunnar hundrað þúsund verður í Kassanum í kvöld. Það er löngu uppselt og að gefnu tilefni viljum við taka fram að ekki verður bætt við miðum og ekki verður hægt að kaupa miða við innganginn.

❤️

29/05/2024

Guðný Hrund Sigurðardóttir hannaði sviðsmynd og búninga í Óperunni hundrað þúsund og Hákon Pálsson gerði Móðurlegu myndböndin sem sjá má í sýningunni. Þau hlutu rétt í þessu Grímuverðlaun ásamt Rósu Ómarsdóttur fyrir leikmynd ársins í sýningunni Moltu sem sviðsett var af Rósu Ómarsdóttur og Íslenska dansflokknum í samstarfi við Gerðarsafn.

Við sendum innilegar hamingjuóskir til okkar fólks! ❤️

24/05/2024

Við mælum með hlustun á Endastöðina sem lauk rétt í þessu á RÚV þar sem Sigþrúður Gunnarsdóttir og Sigrún Gyða Sveinsdóttir ræddu Óperuna hundrað þúsund við Tómas Ævar Ólafsson.

Rætt um menningarvikuna sem er að líða og það sem er efst á baugi og framundan um helgina.

19/05/2024

„Höfundar verkanna þriggja, Kristín, Þorvaldur og Kristín Þóra, hjóla í íslenska samfélagið með bliksvarta og beitta kímnigáfuna
að vopni.“

„Óperan Hundrað þúsund, And Björk, of course … og Á rauðu ljósi undirstrika mikilvægi þess að leggja rækt við ný íslensk leikverk í alls konar mismunandi formum, hvort sem það er ópera, leikrit eða uppistand. … “

– Sigríður Jónsdóttir, Heimildin

(Ath. Í upphaflegri útgáfu greinarinnar er mynd úr sýningunni eignuð Bjarna Eiríkssyni en hið rétta er að Gunnlöð Jóna Rúnarsdóttir tók myndir af sýningunni fyrir Svartan jakka.)

Leikhúsgagnrýnandi Heimildarinnar spáir í líðan landans í grein um þrjú verk sem hafa verið á fjölunum þessa dagana og birta einhvers konar ástand. Það eru verkin: Óperan hundrað þúsund í Kassa…

18/05/2024

UPPSELT er á þær tvær sýningar sem eftir eru af Óperunni hundrað þúsund!

Að gefnu tilefni tökum við fram að ekki er hægt að kaupa miða við dyrnar á sýningarstað, Kassanum.

----
Hér má lesa og hlusta á viðtal við Salvöru Gullbrá leikstjóra og Þórunni Grétu tónskáld:

„Það getur verið erfitt á meðan maður er að klífa fjallið og moka skurðinn,“ segir Þórunn Gréta tónskáld um óperuna Hundrað þúsund. Þær Salvör Gullbrá leikstjóri hafi þurft að þjálfa sig í að vera í flæðinu og leyfa hlutunum að gerast.

15/05/2024

Nú er orðið uppselt á allar sýningar á Óperunni hundrað þúsund og við erum miður okkar yfir að geta ekki bætt við sýningum þetta misserið.

Hjartans þökk fyrir viðtökurnar, hrósið, umfjöllunina og það sem mestu skiptir, að mæta á sýningarnar!

Við hlökkum til tveggja síðustu sýninganna!

❤️❤️❤️