Hér mun birtast efni tengt BAUN, Barna- og ungmennahátíð í Reykjanesbæ og dagskrá eftir því sem hún tekur á sig mynd. Hátíðin hefur verið haldin í ýmsu formi frá árinu 2006 þegar einn leikskóli í bænum bauð foreldrum til lítillar Listahátíðar í Duus Safnahúsum. Síðan hefur hátíðin stækkað og dafnað og nú taka þátt í henni allir 10 leikskólar bæjarins, allir 6 grunnskólarnir, Fjölbrautaskóli Suðurn
esja, Tónlistarskóli Reykjanesbæjar, Danskompaní og Bryn Ballett Akademían í samstarfi við Listasafn Reykjanesbæjar sem heldur utan um hátíðina. Hátíðin samanstendur af glæsilegum listsýningum frá öllum skólastigum í Duus Safnahúsum, Hæfileikahátið grunnskólanna í Stapa og fjölskyldudagskrá þar sem boðið er upp á fjölbreytta dagskrá og viðfangsefni fyrir börn og fjölskyldur þeim að kostnaðarlausu. Við hvetjum bæjarbúa, félög og fyrirtæki til að taka virkan þátt í hátíðinni með okkur og efla barnamenningu af öllu tagi samfélaginu öllu til heilla.
