31/08/2025
Kæri tónleikagestur
Nú styttist í tónleikana „Í holtunum heima“ og við hlökkum mjög mikið til að sjá þig 🎉
Hér eru nokkur praktísk atriði sem gott er að hafa í huga.
Afhending armbanda
Við hvetjum alla tónleikagesti til þess að ná í armbönd sem virka sem aðgangsmiði inn á tónleikasvæðið. Afhending armbanda fer fram á skrifstofu Keflavíkur (íþróttafélags) í íþróttahúsinu við Sunnubraut, 2.og 3.sept. milli kl. 10:00 -14:00 báða dagana. Sýna þarf kvittun frá TIX fyrir miðakaupunum til að fá armböndin afhent. ATHUGIÐ að ekki er nauðsynlegt að ná í armband en það flýtir mjög fyrir afgreiðslu á tónleikastað. Mikil örtröð getur myndast við innganginn á tónleikana en þeir sem eru með armbönd geta gengið inn á svæðið án þess að þurfa að bíða í langri biðröð.
Uppselt er á tónleikana og verða tæplega 800 manns á svæðinu og því mikilvægt að afgreiðsla gangi hratt og vel fyrir sig.
Sala veitinga
Tónleikarnir hefjast stundvíslega kl. 21.00 en svæðið opnar kl. 19:30. Plötusnúður mun spila góða tónlist á milli 20-21. Knattspyrnudeild Keflavíkur sér um sölu drykkja á svæðinu þar sem m.a. verður hægt að kaupa bjór, Bara, léttvín og gos. Tveir matarvagnar verða á svæðinu. Silli kokkur verður með sinn frábæra matarvagn á staðnum og auk þess verður vagn frá Bæjarins bestu pulsum þannig að við hvetjum fólk til að mæta tímanlega og fá sér léttar veitingar áður en tónleikarnir hefjast.
Dagskráin og tímasetningar
19.30 Svæðið opnar
20:00 Ragga Holm sér um að koma liðinu í gang
21:00 Tónleikar hefjast – Friðrik Ómar, Stefán Hilmars, Sigga Beinteins og Matti Matt.
23.30 Dagskrá lýkur
Bílastæði og aðgengi :
Við hvetjum ykkur öll til að koma gangandi á svæðið og takmarka umferð um nærliggjandi íbúðagötur. Næg bílastæði eru við Fjölbrautaskólann, við Sundlaugina og við Holtaskóla. (sbr.meðfylgjandi mynd)
Inngangur inn á svæðið er um göngustíg milli Háholts 15 og Háholts 17. Ekki er mögulegt að koma inn á svæðið annars staðar frá þar sem það er afgirt frá öðrum stöðum. Í lok tónleika verður einnig opnað fyrir aðgengi niður á Lyngholt og verður þá hægt að yfirgefa svæðið bæði til vesturs og austurs.
Góða skemmtun og gleðilega Ljósanótt 🫶🏻
