27/07/2026
Leiðarlok.
Jæja… allir hlutir verða víst að taka enda. Í þetta sinn er það vegferð okkar strákana saman sem framkvæmdastjórn Elds í Húnaþingi sem staðið hefur síðastliðin 2 ár. Við höfðum ekki hugsað okkur að taka að okkur hátíðina í ár en vegna aðstæðna fannst okkur við verða að gera það og þá sérstaklega í ljósi þess að það stefndi í hátíðarleysi á Hvammstanga í ár, það vill enginn er það? En nú er kominn tími á kaflaskipti og vonandi fáum við öll öfluga stjórn fyrir komandi árin. Við strákarnir viljum með þessum lokapósti okkar þakka öllum þeim sem staðið hafa með okkur og við bakið á okkur síðastliðin 2 ár, öllum þeim sem styrkt hafa, öllum sem hafa komið fram, sjálfboðaliðum, Silla hljóðmanni og vini, Jóhönnu Helgu, Aldísi Olgu, konunum okkar og ykkur kæru, kæru hátíðargestir, að halda svona hátíð er strembið og það þurfa ansi mörg tannhjól að smella saman, á eitthvern undraverðan hátt þrátt fyrir allskonar ágreining okkar strákana á milli að þá höfum við nánast alltaf fengið tannhjólin til að smella saman eins og í smurðri vél. Þakklæti er efst í huga á þessum tímapunkti og við munum geyma þessar minningar um ókomna tíð. Takk fyrir okkur kæru vinir og áfram Eldur í Húnaþingi❤️🔥
Yfir og út,
Stjórnin❤️
