Er það gert með því að fá tónlistarmenn, allt frá heimamönnum til landsþekktra, til að leika listir sínar og er Hammondorgelið rauði þráðurinn í gegnum alla dagskrána.
Í gegnum árin hafa í kringum Hammondhelgina sprottið upp fjölmargir aðrir viðburðir. Handverksfólk og hönnuðir hafa verið mjög áberandi með sínar afurðir. Listinn yfir þá tónlistarmenn og hljómsveitir sem komið hafa fram á hátíðin
ni í gegnum tíðina er orðinn langur og glæsilegur og hafa hljómsveitir og listamenn á borð við Hjálma, Baggalút, Dúndurfréttir, Megas, Stórsveit Samma og Nýdönsk, Stuðmenn, Agent Fresco, Valdimar, Todmobile, Mono Town, Skonrokk, Raggi Bjarna, Kiriyama Family, Amabadama, Jónas Sig. og Ritvélar Framtíðarinnar og Bubba og Dimmu heiðrað okkur með nærveru sinni. Allt í allt hafa um 200 tónlistarmenn stigið á stokk á Hammondhátíð. Þá hafa ófáir austfirskir tónlistarmenn komið fram auk þess sem þáttur heimamanna hefur verið rómaður en um 60 tónlistarmenn og konur frá Djúpavogi hafa tekið þátt frá upphafi. Hammondhátíð er orðinn langstærsti menningarviðburður Djúpavogs og í ár var bærinn fullur af fólki frá fimmtudegi til sunnudags. Það þarf því ekki að hafa mörg orð um hve mikils virði þessi hátíð er t.a.m. fyrir ferðaþjónustuaðila, verslun, handverksfólk og alla þá sem bjóða einhverskonar þjónustu, enda fer viðburðum í tengslum við þessa hátíð fjölgandi ár frá ári. Ekki síst er hún mikilvæg fyrir okkur íbúana; í þessu samheldna samfélagi bjóðum við landsmönnum öllum upp á tónlistarhátíð á heimsmælikvarða, hátíð sem er sú eina sinnar tegundar í heiminum. Stjórn Hammondhátíðar skipa:
Ólafur Björnsson
Halldóra Dröfn Hafþórsdóttir
Kristján Ingimarsson
Guðjón Viðarsson
Þórir Stefánsson
Greta Mjöll Samúelsdóttir
William Óðinn Lefever
