Berjadagar artfest

09/07/2026

Tónleikar 'Bach og börnin' kl. 10-10:30 í dag!
Hlakka til að flytja barnatónleika í dag í Brimsölum að þessu sinni, Námuvegur 8 hjá Ídu Semey. Spila á tvö selló! Bæði orðin afgömul og ,,fædd'' fyrir löngu. Annarsvegar árið 1844 og hinsvegar 1842.
Mikið sem manns hafurtask eru safngripir!
Sjáumst krakkar úr Leikhólum og þið sem hafið áhuga á aldrinum 0-99 ára.

03/07/2026

Til stóð að vera með viðburð á Kvíabekk sunnudaginn 28. júní sl. En honum seinkar til næstu hátíðar. Söngvari hátíðarinnar, Hrólfur, stendur hér keikur fyrir framan vinnusvæðið. Þarsem endurnýjun kirkjunnar er í fullum gangi er rétt að fagna framþróuninni. Kirkjurýmið var fyllt af álplötum rétt fyrir hátíð sem til stendur að nota í endurgerð turnsins á kirkjunni. Veður spilaði ekki með okkur á sunnudeginum að auki og fylgja vonarkveðjur um samverustund á Kvíabekk áður en langt um líður😍

03/07/2026

Gleði, friður og hamingja skein úr andlitum eldri borgara, íbúa Hornbrekku dvalarheimilis í Ólafsfirði þegar Hrólfur og Diddú tóku lagið sl. laugardag. Sjá má myndband þegar Hrólfur syngur,,Um Austurstræti" eftir Sigfús Halldórsson við ljóð Tómasar Guðmundssonar. Gunna Beta, einn gestur Berjadaga til fjölda ára, á nú ekki heimangengt lengur á hátíðarkvöldin í bænum en naut þess þeim mun meir að vera í nálægð við Diddú í eigin persónu. Og fram kom í ræðu hennar að hún hefði sko aldrei trúað því að hún myndi sjá Diddú augliti til auglitis. Takk fyrir ræðuna þína, Gunna Beta og þær þakkir til okkar og söngvaranna sem þú tjáðir. Sjáumst að ári!

01/07/2026

Svavar Knútur í Ólafsfjarðarkirkju sl. laugardag kl. 20:00. Tónleikarnir voru í þeim gæðaflokki að það er svo sum fátæklegt að reyna að lýsa því. Frásagnargáfa, íslensk og erlend tungumál, heimspekileg viðfangsefni tengd okkur og tilverunni, tónsmíðar Svavars og klassísk sönglög fléttuðust í eina gjörzamlega heild. Takk fyrir komuna og takk Svavar!

01/07/2026

Ólafsfjarðarvatn

27/06/2026

27/06/2026

Aðal flytjendur, Sigrún Hjálmtýsdóttir, Hrólfur Sæmundsson og Einar Bjartur Egilsson! Ekkert getur með orðum lýst hve mikla gleði og ánægju áheyrendur nutu með rausnarlegri og örlátri dagskrá með aríum, íslenskum sönglögum, dúettum. Takk fyrir að syngja svo stórkostlega með leik og öllu sem fylgir ykkur í gærkveldi. Þið áheyrendur fylltuð rýmið með eftirvæntingu sem var áþreifanleg og takk fyrir komuna! 'Undrið í Tjarnarborg' endurtók sig einsog iðulega á þessari hátíð - og um margt sögulegir upphafstónleikar þarsem Sigrún Hjálmtýsdóttir mætti til leiks í fyrsta skipti í Ólafsfirði og í Menningarhúsið Tjarnarborg! - Kvöldið var hlaðið orkunni sem einungis tónlist getur framkallað og auðvitað þetta sönghús ólafsfirðinga! Lengi lifi Berjadagar tónlistarhátíð. Kvöldið leið með tónlist frá kl. 20-23 með tveimur hléum. Á efnisskránni mátti heyra sönglög eftir Hjálmar H. Ragnarsson, Atla Heimi Sveinsson, Jón Nordal, Hrólf Sæmundsson, Sigvalda Kaldalóns, Tryggva Baldvinsson, Jóhann G. Jóhansson, Magnús Blöndal Jóhannsson, Sigfús Halldórsson og ljóðskáld voru Þórarinn Eldjárn, Gerður Kristný, Snorri Hjartarson, Tómas Guðmundsson o.fl. Þar mátti heyra ljóðaflokkinn op. 25 eftir Edvard Grieg. Af aríum má nefna eina af aríum Óðins úr Rínargullinu og Hrólfur syngur það hlutverk í Eistlandi 18. júlí nk. Einnig sungu Hrólfur og Diddú dúetta sem létu áheyrendur taka bakföll af hlátri! Sellóið og píanóið 'sungu saman' eftir Camille Saint-Saens: Svaninn, Six Studies of English Folksongs eftir Ralph Vaughan Williams og tónsmíð eftir Einar Bjart Einarsson. Annar hátíðardagur upprunninn og við sjáumst um helgina!