Urfa Gallery

Urfa Gallery ئورفە، نێوەندێکى رۆشنبیریە کوردستانیە. ٤ ساڵ لەشاری سلێمانی چالاکی نواندوە و ئێستە لە شاری برمنگهام درێژە بە خزمەت ئەدات.

center for art and culture activities and music performance.

11/05/2026
14/04/2026

دواهەمین هەناری دونیا بۆ ڕوسی، نەفرەتی نەوبەهاران بۆ ئەڵمانی، بەندەر فەیلی بۆ دانیمارکی، داگیرکردنی تاریکی بۆ ئینگلیزی، دواهەمین هەناری دونیا بۆ کەتەلانی، شاری مۆسیقارە سپییەکان و کۆشکی باڵندە غەمگینەکان بۆ تورکی

لە ماوەی ڕابوردوودا نوسەر بەختیار عەلی، چەند گرێبەستێکی بۆ وەرگێڕان و بڵاوکردنەوەی کۆمەڵێک لە بەرهەمەکانی بە هەندێک زمانی جیاواز مۆرکردوە.
وەک ساڵی پار بڵاومانکردەوە، بڕیارە لە ماوەیەکی نزیکی داهاتوودا "دواهەمین هەناری دونیا" بە زمانی ڕوسی بکەوێتە بەر دەستی خوێنەران. لە هەمان کاتدا بڕیارە ئەم ساڵ ڕۆمانی "بەندەر فەیلی" بە وەرگێڕانی کاک هێمن عومەر بە دانیمارکی چاپ ببێت. لە ڕۆژانی ڕابوردووشدا گرێبەستک لەگەڵ بنکەی بڵاوکردنەوەی «دیل کراتەر» لە بەرشلۆنە مۆرکرا، کە یەکێکە لە بنکە نوێ و گرنگەکانی پەخش و بڵاوکردنەوە بە زمانی کەتالانی، بە مەبەستی وەرگێڕان و بڵاوکردنەوەی «دواهەمین هەناری دونیا» بە زمانی کەتەلانی. لە نیۆرکیش بڕیارە بنکەی بڵاوکردنەوەی ئارکیپێلاگۆ لە ڕێگای «داگیرکردنی تاریکی» یەوە درێژبدات بە بڵاوکردنەوەی بەرهەمەکانی نوسەر بە ئینگلیزی.

لە هەمان کاتدا هەر دوو ئازیزان ڕاوێژ سەلیم و ئوتە کانتێرا لانگ، دەقی وەرگێڕدراوی «نەفرەتی نەوبەهاران»یان ڕادەستی «یونێۆنس فێرلاگ»ی سویسری کردوە، کە پێشتر شەش کتێبی دیکەی نوسەریان بە زمانی ئەڵمانی بڵاوکردۆتەوە. لە هەمان کاتدا گرێبەستێک بۆ چاپی «شاری مۆسیقارە سپییەکان» و «کۆشکی باڵندە غەمگینەکان» بە تورکی لەگەڵ بنکەی «توتەم یاینلاری» مۆرکراوە.

نوسەر لە مانگی چوار و پێنجدا، زنجیرەیەک کۆڕی لە «ئەڵمانیا، بریتانیا، سوید» هەیە، کە لە ڕۆژانی داهاتوودا زانیاری تەواو دەربارەی کات و شوێنی کۆڕەکان بڵاودەکەینەوە.

23/03/2026

نوخبەی ئاخوندی:
ئەندازیارانی تاریکی و وێرانی

هەڵدانی موشەکی چوارهەزار کیلۆمەتری بۆ دورگەی گارسیا، لە جیاتی ئەوەی دۆخی ئیران بەرەو سەقآمگیری ببات و دوژمنەکانی لێ سارد بکاتەوە، نزیکە لەوەی بەرەیەکی گەورەتری شەڕ لە کۆماری ئاخوندی بکاتەوە.

هیچ نوخبەیەک لە میژوودا ، لە قەبارەی وڵاتێکی مەزنی وەک ئێراندا، هێندەی ئەم گروپە دەسەڵاتدارە ئاینیەی کۆماری ئیسلامی ئێران دژ بە بەرژەوەندی دانیشتوانی وڵاتەکەی و ، دژ بە کۆی بەرژەوەندی مرۆڤەکان لەسەر گۆی زەوی، رەفتاری چەوت و ناشایست و نەفامانەی ئەنجام نەداوە.
لە بنچینەوە هاتنی کۆماری ئیسلامی بۆ دەسەڵات هاتنێکی خوێناوی و کارەساتبار بو: سەدان و هەزاران تیکۆشەری سیاسی دیموکرات و لیبراڵ و چەپی خستە بەر پەتی قەنارەو دەستریژی گوللەو، سەروی ملیۆنێک مرۆڤی بێتاوانی لە شەڕێکی پوچی بێبناغەدا بەکوشتدا و ، هەزاران تیکۆشەرو نارازی تری لە٤٧ ساڵەی تەمەنیدا بە بەهانەی جۆراوجۆرو بە پیلانی جیاواز فەوتاندو رەوانەی ژێرخاکی کردن.
کۆماری ئیسلامی واتە کۆماری کوشتن و خوێن، واتە کۆماری سەرکوتی نارازیان و گەلانی ستەملیکراوی ئیران و دژایەتی بچوکترین مافی سەرەتاییی ئینسان کە لە پۆشینی جل و بەرگ و ئازادی سیاسی دا خۆی دەبینێتەوە.

شەری ئیستای نوخبەی رادیکالی شیعەی ئیسلامی ئێران دژی ئەمریکاو خۆرئاوا لە بنچینەوە بۆ قڵپکردنەوەی ئەو ئازادی و پیشکەوتنە سیاسی و ئابوریانەیە کە گەلانی ناوچەکە بەدەستیان هێناوە و نوخبەی قینلەدڵ و بوغزاوی ئێران، بە بەهانەی ئایدیۆلۆژی و ئاینی، خوازیارن خۆرهەڵاتی ناوەراست بەو جۆرە بەڕێوەبەرن کە لەگەل بەرنامەی دینی و مەزهەبی پیش ١٤٠٠ ساڵەی ئەواندا گونجاوو تەبایە.

شەری ئەمجارە بە شکستی ئیران کۆتایی دێت و حەتمیەتی میژویی ئەوە دەسەلمێنێت کە دەسەلاتدارانی ئێران لە هەلسەنگاندنی دۆخی خۆیان و ناحەزەکانیاندا بەهەڵەدا چون و لۆجیکی ژیان و شارستانیەتی نوێی مرۆڤ ڕێگە بە سەرکەوتنی ئەوان نادات .
بەڵام، بە گریمانەی مەحاڵ ( هەر وەک د سادق زیباکلام وتویە) گەر ئەمریکاو ئیسرائیل تیکبشێکین و سەرپاکی لەشکرو فرۆکەیان بە ناخی زەویدا بچێتە خوارەوە و ناوچەکە چۆڵ بکەن ، حوکمڕانی و سیاسەت و بەرنامەی « بەدیل» ی نوخبەی پاتاڵ و گەندە و ستەمکاری کۆماری ئیسلامی چیە بۆ ئیدارەدانی ناوچەکە،؟

** گەندەڵی ملیاردی و بەخێوکردن و ناردنی جوجە ئاخوندەکان بۆ هارڤارد و ئۆکسفۆرد ؟

** سەپاندنی لەچک و سەرپۆش و سەندنەوەی کۆی ئازادیە شەخسی و سیاسیەکان؟

** سەرکوتی گەلی کوردو گەلانی ناوچەکە و ئینکارکردنی جیاوازیە کلتوری و ئەدەبیەکان و تواندنەوەیان لە کلتوری ئیسلامی - فارسیدا؟

** شکست ی ئابوری و هەڵاوسانی دو ژمارەیی و ڕادانی کۆی خەلکی ناوچەکە بەرەو خوار هێڵی هەژاری؟

** قەدەغەکردنی گشت مەراسیم و پەرستگا ئاینیەکان جگە لە شیعەو سەرکوتی ئاین و مەزهەبە جیاوازەکان،؟

** دروستکردنی لەشکری تیرۆرو کوشتار لە گەلانی ناوچەکە دژ بە ئەمریکاو ئیسرائیل و بەخشینی ملیارەها دۆلار پارەی خەلکی ئیران بەو گروپە تیرۆریستانە؟؟

هتد
بەلێ .. کۆماری ئیسلامی کۆماری تاقمیک مرۆڤی سادیست و مرۆڤکوژ و سەرکوتگەر بوە لە مەودای زیاتر لە ٤٧ ساڵدا... مانەوەی ئەم گروپە و عینادیکردنیان بە دریژەدان بە شەرو مانەوە لە دەسەڵاتدا زیانێکی گەورە بە کۆی مرۆڤایەتی و خەڵکی ئیران بە گشتی و، گەلی کوردو گەلانی خۆرهەڵاتی ناوەراستە بە تایبەتی.

Address

Kurdistan Region Of Iraq
Slemani
BADINAN NO25QASMLUSTREET

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Telephone

009647701577622

Alerts

Be the first to know and let us send you an email when Urfa Gallery posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Urfa Gallery:

Share